Jainkoari eta lagun hurkoari diegun maitasunak bultzatuta, Jehobaren lekukook Bibliako mezua jendeari zabaltzea atsegin dugu. Pertsona hauen artean, aurretik ez zaiela interesatzen esan dutenak aurkitzen dira (Mateo 22:37-39). Jainkoari diogun maitasunak txoko guztietan predikatzera bultzatzen gaitu bere Semeak emandako agindua betez (Eginak 10:42; 1 Joan 5:3). Hau egiteko asmoz, Jainkoaren mezuari buruz behin baino gehiagotan hitz egiten dugu Jainkoaren antzinako profeten eredua jarraituz (Jeremias 25:4). Lagun hurkoa maite dugunez, bizia salbatzen duen «Jainkoaren erregetzaren berri on» hauek guztiei zabaldu nahi dizkiegu, baita lehendik interesik ez dutela esan dutenei ere (Mateo 24:14).

 Askotan interesik agertu ez duten etxeetara itzultzean entzun nahi duen norbait aurkitzen dugu. Zergatik? Hona hemen hiru arrazoi:

•   Jendea etxebizitzaz aldatzen da.

•   Etxe berean bizi den beste norbaitek du interesa.

•   Jendeak jarreraz aldatzen du. Munduko gertaerek edo norberaren egoeraren aldaketak «Jainkoaren hitza entzutera» bultzatzen ditu batzuk Bibliako mezuan interesa agertuz (Lukas 11:28). Aurka daudenak ere jarrera aldatu dezakete Paulo apostoluak bezala (1 Timoteori 1:13).

 Hala ere, ez dugu inor entzutera behartzen (1 Pedro 3:15). Erlijio kontuetan norberak bere erabakia hartu behar duela uste dugu (Deuteronomioa 30:19, 20).