“Fon yung aan een fon te xlimste xwiirichkheete woo ich must mit mache waar weeche ti xpiirunge woo ich hat iwich puupe. Ich tacht tas weyer ploos fer een tsayt un mit te lëngt teete tiise xpiirunge sich ënere, awer tas keet foran pis hayt hin.” — David, 23.

 Wii een krist, wil David Kot kefale, awer meecht tee khene Kot kefale wën tee soo xpiirunge iwich puupe hot? Was tenkt Kot iwich homoseksualismus?

•  Was saat ti Piipel?

•  Tan petayt tas . . . ?

•  Un wën . . . ?

 Was ti layt tenke iwich homoseksualismus khan anerste sin tëm noo iire kultuer orer in ti tsayt woo se leepe. Awer ti kriste lose sich net influentsiire mit was ti anere tenke, tas is, “lose sich net hin un heyer nëme fon yeete wint fon inlërnunge”. (Ëfeser 4:14) Xtats tas, was se tenke iwich homoseksualismus (un iwich anere aspëkte fom leepe) hale se sich aan was ti Piipel in lërnt.

 Ti Piipel xprecht kans klaar iwich homoseksualismus, tii saat:

•  “Mach khee sëks mit eene man, soo wii es kemacht is mit een fraa. Tas is etwas apxaylich.” (Lewiitikus 18:22)

•  “Tan, tëm noo ti winxe fom iire aychne hërtse, hot Kot se ap kep tsu ti unraynheet, soo tas se iire aychne khërper ferxeeme teete. Un tes weeche hot Kot se fer een ferxeemlich lust ap kep, wayl ti fraae unich tëne hon ti natiirlich aat um ketrukt fer een aner woo keeche ti natiirlich keet.” (Romaaner 1:24, 26)

•  “Orer wist teyer net tas ti unkerechte Kot sayn Raych net ërpe tuun? Tuut aych net hiner keen lose. Tii woo seksuaal imoraalix sin, woo falxe keeter aan peete, woo in te hayrat untroy sin, ti mëner woo sëks mit anere mëner mache, ti xpitspuupe, ti kiiriche, ti sifer, layt woo anere pelaytiche un tii woo anere uner trike fer etwas se kriin, tuun Kot sayn Raych net ërpe.” (1 Korinter 6:9, 10)

 Was Kot iwich tiise sache tenkt kilt fer ale mënxe, ekaal ep se sich aan ketsoo xpiire fon layt fom selwiche sëks orer net. Ti woerheet is tas yeete eene mus sich kontroliire wën tee winxe hot fer etwas mache woo Kot net kefalt. (Koloser 3:5)

 Tan petayt tas tas ti Piipel saat tas mer sole ti gay hase?

 Nee, in woerheet ti Piipel saat mer sole nimant hase ep tee gay is orer net. Xtats tas saat se mer sole in friit sin mit ale sorte mënxe, ekaal wii se leepe. (Hepreeyer 12:14) Soo, is es ferkheert xlecht pehantele orer ferkweele homoseksuaale.

 Tan petay tas tas kriste sole keeche sin ti kesetse woo erlaupt ti hayrat unich gay?

 Ti Piipel tsaycht tas Kot ti hayrat kemacht hot fer sin unich eene man un een fraa. (Matheus 14:4-6) Awer ti kesetse woo ti rechiirunge mache iwich hayrat unich mënxe fon selwiche sëks is een politik sache un ti Piipel saat tas kriste sole neutral sin, khee teel hon in politixe sache. (Yoohan 3:36) Soo, tuun ti kriste net xtitse un sin aach net keeche kesetse woo tsu tuun hon mit gay hayrat orer anere sache iwich homoseksualismus.

 Un wën yemant xon homoseksuaale hantlunge praktisiirt hot, khan tee sich ferënere?

 Yaa, soo kaar in ti piiplixe tsayte tii woo homoseksuaale waare hon sich ferënert. In sayne priif tsu ti korinter, hot te aphostel Phaul klaar kesaat tas tii woo homoseksuaale hantlunge praktisiire ërpe net Kot sayn Raych un tan hot tee kesaat “tas is was etliche fon aych waare.” (1 Korinter 6:11)

 Meecht tas petayte tas tii woo xon homoseksualismus hantlunge praktisiirt hon net mee homoseksuaale winxe xpiire? Nee, ti Piipel saat tas mer mise “ti nay personaliteet aan tsiie woo torich ti kenau khëntnis nay kemacht wërt.” (Koloser 3:10) Tiise ënerung pasiirt net uf mool, tii mus imer foran kemacht wëre.

 Un wën yemant Yeehoowa sayne wile macht awer hot imer noch homoseksuaale winxe?

 Soo wii ale sorte winxe, khan te mënx raus suuche net foran tiise winxe hale un aach net noo kepe. Wii khan tee tas mache? Ti Piipel saat: “Awer ich saan aych: lost aych imer fom kayst lënke un teyer tuut khee sintiche wunx erfiile”. (Kalater 5:16)

 Mërk tas te tekst net saat tas te mënx khee sintiche winxe mee hot, soo wii homoseksualismus. Xtats tas, te tekst saat tas wën te mënx foran ti Piipel xtutiirt un peet tsu Kot, wërt tee ti neetich kraft hon fer net tiise winxe noo kepe.

 David, woo xon kenënt is, hot kesiin tas tas woer is, hauptseechlich noo tëm woo tee mit sayn eltere, woo kriste sin, too triwer kexproch hot. Noo tas, hot tee kesaat: “Tas waar als wën ich een xweer kewicht fon mayn xuule runer kehool hët. Kans sicher weyere ich frooer kewees in mayn yunge yoore, wën ich hët eenter mit tëne too triwer fertseelt.”

 Tas is woer tas mer khene fiil frooer sin wën mer leepe soo wiis Yeehoowa sayn wile is. Meyer sin uns sicher tas “Yeehoowa sayn kesetse sin kerecht, mache tas tas hërts sich frayt”, tas mer kroos peloont wëre wën mer Yeehoowa aan heere. (Psalm 19:8, 11)