“Bu ndieri kwe kuri, nsatu’ani ya vukasa nitu na babakala timosi tieri tia bima biyôkele mpasi bi nanwana na bio. Ndieri banzaka ti musamu wango mbo waketi yôka, kâ meno mikanzankasa tii bwawu bu.”​—David, 23.

 David Mukristo wena wa ntwenia wuzololo mu tâ Nzambi nsayi. Kâ, ngano yandi lendi tâ Nzambi nsayi yala ti nsatu za bapede ze nandi? Ngano Nzambi ntia mabanza me nandi mu tipede?

•  Ngano Bibila bwe ditâka?

•  Ngano wuzololo tâ ti [. . .]?

•  Ngano nti tulendi tâ mu [. . .]?

 Mabanza ma bantu mu tipede malendi soba tintwari na bikulu, na mbandu. Kâ Bakristo ka babikaka ko ti mabanza ma nza mabasobesa; bawu ka “bakwendaka natuki [ko] mu bitembo bia ndongosolo.” (Bisi-Efeze 4:14) Dieka bo, mitieno mia Bibila mitumaka mabanza meto mu tipede peleko, ndiatulu ni ndiatulu yi tubâka na yo.

 Mitieno mia Bibila mitariri nsalulu za tipede ka miena mpasi ko bakula. Zu dia Nzambi ditêle:

•  “Ku fweti’â wavukasa nitu na bakala ko ntiana bu bavukasaka nitu na mukento.”​—Levitike 18:22.

•  “Ntiangu Nzambi kabayambirika [. . .], mu lutumu lwa nsatu za vukasa nitu za nsoni, mu bungu ti bakento bawu babika mpila ya vukasa nitu ya delakana mu vukasa nitu mu mpila yilembolo delakana.”​—Bisi-Rome 1:​24, 26.

•  “Ka luhunakanandi: bô basarilaka bunsuza, basambilaka biteki, bô basafulaka makwela, bapede, mivi, bankwa lukokoto, bô banwaka malavu mamingi, bô bafingaka na bambaki ka babiarila Timfumu tia Nzambi ko.”​—1 Bisi-Korente 6:​9, 10.

 Diangana, mitieno mia Nzambi mia bantu babansoni miena; ni babâ bapede peleko kâni. Buna, beto bansoni tufweti bâ na tifu tia tiyimina bu tumonaka ti nsatu ye neto ya bâ na ndiatulu yifwemesaka Nzambi.​—Bisi-Kolose 3:5.

 Ngano wuzololo tâ ti Bibila diki disingasaka mu bungu dia bapede?

 Kâni. Diangana, Bibila ka lombaka kwe bantu ko mu bâ na diki mu muntu ni muntu, ni babâ bapede peleko kâni. Beto dilombaka mu “dinga[ka] tidzunu na bantu babansoni,” ntono mbêlo zawu. (Bahebre 12:14) Buna, bantu bayinaka bapede, peleko nsalulu zakaka za titantu mu bungu dia bapede, ndiatulu zena za mbi mpe zilembolo delakana.

 Ngano wuzololo tâ ti Bakristo bafweti telamana misiku mihanaka nzila kwe bapede mu kwelana?

 Bibila ditêle ti mutieno wa Nzambi wutariri makwela, ni longo lwa mukento na bakala. (Matie 19:4-6) Kâ, zonzela musiku wa luyâlu wutariri makwela ma bapede musamu wa politike wena, ka wena musamu wa ndiatulu ko. Bibila dilombele kwe Bakristo mu lembo kota misamu mia politike. (Za 18:36) Dieka bo, Bakristo ka basingasaka misiku mia luyâlu ko mihana nzila mu makwela peleko mu nsalulu za bapede, kâ ka batelamanaka wo ko mpe.

 Ngano nti tulendi tâ mu muntu wusarilaka tipede? Ngano wulendi soba?

 Yee. Diangana, bantu bakaka mu mbandu ya ntete bayizi soba! Bu dimeni tâ ti bô basarilaka tipede ka babiarila Timfumu tia Nzambi ko, Bibila ditêle: “Bakaka ha dieno ni bo lwabâ.”​—1 Bisi-Korente 6:​11.

 Ngano wuzololo tâ ti bu bô babika nsalulu yo ka bavutu’â bâ na nsatu za bapede ko? Kâni. Bibila ditêle: “Lwateno timuntu tia môna, tikwama bâka tia môna mu nzila ya nkatika luzabu.” (Bisi-Kolose 3:10) Nsobolo zazansoni ntangu zidingaka.

 Ngano nti tulendi tâ mu muntu wuzololo mu sarila mitieno mia Nzambi, kâ watiri na nsatu za tipede?

 Ntono nsatu zandi, muntu ni muntu lenda die nandi dia sa nsololo ya lembo lungisa nsatu zandi na ya lembo za kurisa. Ngano bwe? Bibila ditêle: “Tatamaneno mu diatila mu lutumu lewa mpeve mpe ka lulungisa kani nsatu yimosi ya tinsuni ko.”​—Bisi-Ngalate 5:​16.

 Ngano mweni ti verse ka yitêle’â ko ti muntu ka wubâ na kani nsatu ya tinsuni ko? Tala ti yikiri timpeve tiandi ngolo bu kakwe tangi Bibila, mpe bu kakwe vulu sambiri, mbo kabâ na lenda dia telamana nsatu zandi.

 David, wu bazonzeleke ku mbatukulu, ni bô mpe kamona, nsungula bu kamana zonzela mvita zandi kwe bibuti biandi. Yandi têle: “Nayizi kûluka mu dema dia dinene. Mpe tala ti wa natoko ba zonzela, mbo naketi tomo mona bubote mu buntwenia bwani.”

 Diangana, bu tutumamanaka mitieno mia Yehova, nsayi yayingi tubakaka. Lukwikulu lwe neto ti mitieno mia Nzambi “mia sungama miena mpe mutima miyangirikaka,” mpe “zitisa mio ndandu zazingi kunataka.”—Mikunga 19:​8, 11.