Yeehoowa sayn Tsayer tuun kërn mit layt fon ale sorte relichyoone iwer relichyeese sache xpreche. Awer mer tuun net in serimoonye un ewënte mit anere relichyoone mit mache. Ti Piipel saat tas ti woere kriste mise “harmoonix fereenicht” sin. (Ëfeser 4:16; 1 Korinter 1:10; Filiper 2:2) Too tepay is mee wii ploos erkhëne wii wichtich es is liip un mitlayt tsayche un fertsaye. Tas mer khene woere eenichkheet hon, mise mer aan ti selwiche tinge klaape. Meyer wise tas unser klaape xtaypt sich aan ti kenau khëntnis fon te Piipel. Wën mer net tiise sicherheet hëte, teet unser klaape khee weyert hon. (Romaaner 10:2, 3)

 Wën mer in serimoonye fon anere relichyoone mit mache, tas khan te klaape fon een krist xaate pringe. Ti Piipel saat kans taytlich too triwer: “Tuut aych net unich een unklayches yoch xtele mit unklaapiche.” (2 Korinter 6:14-17) Yeesus hot fer sayne tisipele ketsaycht tas se solte sich net in anere relichyoone rin mexe. (Matheus 12:30; Yoohan 14:6) Eep Yeesus uf ti Eyert khom is, hot Kot, torich Mooses, fer ti israeliiter kesaat tas se solte sich net mit folke fon anere natsyoone samele fer aan peete. (Eeksotus 34:11-14) Ti Piipel saat tas, een mool, layt woo anere keeter aan kepeet hon, hon hilef fer ti israeliiter aan kepoot. Awer tas hët khene, tsum xlus, tsu een relichyees pakt nëme. Tes weeche, hon ti israeliiter net tiise hilef aan kenom. (Ëstras 4:1-3)

 Yaa. Soo wii te aphostel Phaul, wën mer preetiche mer wole kërn ti mënung un te klaape fon ‘soo fiil layt wiis meechlich is’, ferxteen. (1 Korinter 9:19-22) In unser kexpreeche mit te layt, wole mer ti aanreet fon te Piipel noo keen fer “tiif respekt” tsu tëne tsayche. (1 Pheeter 3:15)