Manseren Allah Nya Snonsnon ri Fis?
Kankarem ro Refo
Manseren Allah nya snonsnon oser baken monda. Sfas snonsnon Allah kuker huruf Ibrani ri fyak radine יהוה (YHWH), ma ro wos Ḇyak sfarwei na ḇe ”Yahwe”. a Manseren Allah ikofenḇair roi ine roro nabi Yesaya ḇo doḇe, ”Ayaine Yahwe. Iso snonsnon Ayedi.” (Yesaya 42:8) Snonsnon ine isasyar barbor ya rarwan ri 7.000 ro fasfas Refo ḇekwar naiwara. Manseren Allah snonsnon Ḇyedine iso ḇesasyar nabor syadi ro nasan sbukidap Allah ḇaido snonsnon ḇese ḇero Refo ya. b
Yahwe isya nya snonsnon ḇese wer ke?
Refo doḇe Manseren Allah nya snonsnon oser baken monda, mboi nasan ḇaido apap sbukidor I nabore. Ḇeuser nane naiso nasan ma apap sbukidor Yahwe I. nasan ma apap oser-oser fyasnaiḇair rari ma kenem Ḇyena.
Nasan |
Mnuk |
Knam |
|---|---|---|
Allah |
(Oroḇa) |
Apap ”Allah” ryamuma ro wos Arab. Ima snonsnon risya ḇa ḇoi ima nasan dirya, isoine kofawi ḇe ”Manseren”. Fararwei Refo ro wos Arab ma wos ḇese sap kayam nasan ”Allah” ine kuker nasan ”Manseren”. |
Ḇepoik Syadi |
Manseren Allah papoik Ḇyena napok napromes ḇaḇeri. Wos Ibrani El Syaddai, sfarwei ḇe ”Allah Ḇepoik Syadi”, isasyar rarwan ri fik ro Refo ya. |
|
Alfa ma Omega |
”Ḇepon ma ḇepupes”, ḇaido ”ḇerandak ma ḇepur”. Wos nane ḇyeḇair Allah Ḇepoik Syadi oso ḇese isya ḇaḇeri, Yahwe I derer. (Yesaya 43:10) Alfa ma omega ima huruf ḇerandak ma ḇepupes ro huruf Yunani ya. |
|
Ḇesinan Syadi |
Manseren Allah nya randak ḇa ma isya kwar rofyor roi nakam naisya ḇaime. Ima isya isof fyoro-fyoro bis.—Mazmur 90:2. |
|
Manḇefrur |
Iso ḇefrur roi nakam. |
|
Kma |
Iso ḇebuk kankenem ine. |
|
Manseren |
Kejadian 2:4; Terjemahan Baru |
Iso ḇesmai samsyom kukro iso Ḇekaki Syadi. Wos Ibrani Elohim ima kyur faro roi oser monda ḇa, wos ine kyur faro payamyum, syowi, ma Yahwe baba Ḇyena. |
Allah ro bo allah syakam |
Allah ḇekaki syadi ani, dakmnis ’allah-allah ḇefromo sya’ ḇa. Siso snonggaku ḇeḇeso sisyom ya.—Yesaya 2:8. |
|
Guru Ḇeba |
Fyarkin ko ma fyarkor roi ḇeyun payamyum faro ko.—Yesaya 48:17, 18. |
|
Manḇefrur Ḇeba |
Iso ḇefrur roi nakam fa naisya.—Fasasna 4:11. |
|
Allah ḇemarisen |
Ima iryaḇ ma imarisen ḇesya kwar.—Mazmur 104:31. |
|
Manḇerower nadi |
Manseren Allah manggundi iso ḇerower nadi ro snonggaku ḇekyar faro I. |
|
Aya Iso Aya |
Keluaran 3:14, Terjemahan Baru |
Manseren Allah bisa ḇye rosai monda fa ifrur marisen Ḇyena. Sfarwei apap ine kako ḇe ”Nari Yaḇe Rosai Monda Yamarisen na”. (Kitab Suci Terjemahan Dunia Baru) Roi ine isaramper ko fa kofawi knam ro snonsnon Yahwe ḇesasyar ro mnuk ḇeuser ya wer.—Keluaran 3:15. |
Mambayayir |
Keluaran 34:14; Terjemahan Baru |
Manseren Allah imarisen kosyom I monda. Sfarwei apap ine kako ḇe ”Allah imewer smam ima imnis kuker rosairirya kako”.—Alkitab Kabar Baik (BIS). |
Raja ḇekain fyoro |
Papoik Ḇyena ipok imnai ḇa. |
|
Tuan |
Mazmur 135:5; Terjemahan Dunia Baru |
Ḇena ḇaido amber; Wos Ibrani ḇyena iso Adhohn ma Adhonim. |
Ḇekaki Syadi |
Nya kankain ḇekaki syadi ro manseirya kako. |
|
Ḇesren Syadi |
Iso ḇesren syadi (roi ḇeradir isya ro I ḇaḇeri ma isren). |
|
Manḇekir Saprop Ḇerik |
Nya papoik faro snonggaku ma er-er sya, raris manḇekir ḇefrur uren saprop nya papoik faro saprop ḇerik ifrur anya.—Roma 9:20, 21. |
|
Ḇebak, Ḇekowes Kaḇer |
Yesaya 41:14; Kitab Suci Komunitas Kristiani |
Iso ḇebak ḇaido ḇekowes kaḇer snonggaku koine kam ro sasar ma marmar kuker iwan Manseren Yesus Kristus i fa imarwarek ko.—Yohanes 3:16. |
Bon Karui |
Iso moḇ kadaun ḇebuk kananon ma iso ḇebuk fasaspar ya. |
|
Manfaspar |
Iso ḇefaspar ko ro roi ḇemun ma farmakakok. |
|
Manfarandows |
Iswar snonggaku ḇesyom faro I. |
|
Tuan Ḇepoik |
Nya papoik ḇekaki syadi; Wos Ibrani ḇyena iso Adhonai. |
Moḇ sap snonsnon Allah ro Syap-Syap Ibrani
Apap ḇesena nakser Yahwe snonsnon Ḇyedi. Mboi, apap anna nama Yahwe snonsnon ḇese Ḇyedi risya ḇa.
Apap |
Mnuk |
Knam |
|---|---|---|
Yahwe-yireh |
”Yahwe Nari Fyasos”. |
|
Yahwe-nisi |
”Yahwe ima Adir yedi”, ḇaido ”Mambri yedi”. (Bahasa Indonesia Masa Kini) Yahwe ima Allah ḇefasos ker fa isaramper ma ifnoḇek kawasa Ḇyesi.—Keluaran 17:13-16. |
|
Yahwe-syalom |
”Yahwe Iso Ḇeaski”. |
Roi ḇefnai fandun fa kofawi ma kap Allah snonsnon Ḇyedi
Kokyar kaku Manseren Allah myam snonsnon Ḇyedi, Yahwe, ḇe roi ḇefandun kaku kukro ryir snonsnon Ḇyedine ro Refo rarwan ri syaran-syaran.—Maleakhi 1:11.
Roma Ḇyedi, Yesus i, ikofenḇair ker ḇo doḇe Allah snonsnon Ḇyedi ima roi ḇefandun kaku. Rupa ra fafisu oso Yesus ḇyenadi faro Yahwe I radine, ”Nkofasren Snomḇri kada.”—Matius 6:9; Yohanes 17:6.
Kofawi ma kap Allah snonsnon Ḇyedi ido, nari koḇebati kuker I. (Mazmur 9:10; Maleakhi 3:16) Yahwe doḇe snonggaku bebati kuker I na sismai kaku payamyum ya. Doḇe, ”Snar iswar aya, inja nari Yafaspar i. Nari Yakadaunwarek i kukro myambir snonsnon Ayedi.”—Mazmur 91:14.
Refo ya doḇe, ”Roi sorḇe alah ma manseren sibor kako, iḇye ḇero nanki, iḇye kako ḇero supswan ine.” (1 Korintus 8:5, 6, Wos Ḇyak ro Rasras) Imbape, Refo ya ikofenḇair ḇe ko manseiso Allah ḇekaku ya, snoriso Yahwe.—Mazmur 83:18.
a Manfarwei wos Ibrani sia sfarwei snonsnon Allah ḇe ”Yahweh”.
b ”Yah” ima snonsnon ḇeknampu ro snonsnon Yahwe. Ine isasyar fanam rarwan ri 50 ro Refo. Barbor ine kako skor na ro apap sor ḇe ”Haleluya” ḇaido ”Alleluya”, isoine ”Sanandik faro Yah”.—Fasasna [Wahyu] 19:1; Terjemahan Baru; Kitab Suci Komunitas Kristiani.
Wamarisen Ido Mam Ine Kako
FAKFUKEN ḆEKUR REFO NEḆEKAREM
Yahwe Ima Manseiri?
Ima Allah faro er oser monda, raris snonggaku Israel serer ke?
ESSENTIAL BIBLE TEACHINGS
Allah Nya Snonsnon ke?
Allah nya nasan bebor, imnis raris Papoik Syadi, Manḇefrur, ma Manseren. Ḇape, Allah snonsnon Ḇyedi syae kali ri 7.000 ro Refoya.
ḆEKURFASNAI INGGO
Wor fa Srama yoḇ Au
Wafuken fakfuken ḇekur Refo na, oroḇa ido wafarkor fa manggundaw wakfawi syadi Saksi-Saksi Yahwe sya.