¿Jaypʼejl i cʼabaʼ Dios?
Muʼ bʌ i yʌl jiñi Biblia
Dios jumpʼejl jach i cʼabaʼ. Ti hebreo miʼ tsʼijbuntel bajcheʼ ili יהוה, i ti español miʼ chaʼlentel ti traducir bajcheʼ «Jehová». a Dios tsiʼ yʌlʌ tiʼ tojlel jiñi xʼaltʼan Isaías: «Joñon Jehová. Jiñʌch j cʼabaʼ» (Isaías 42:8, Traducción del Nuevo Mundo). Yaʼ ti ñoxix tac bʌ tsʼijbujel, cheʼ bʌ 7 mil miʼ tilel jiñi i cʼabaʼ Dios, ñumento bajcheʼ yan tac bʌ cʼabaʼʌl o bajcheʼ yan tac bʌ miʼ subentel jiñi Dios. b
¿Am ba yambʌ i cʼabaʼ Jehová?
Anquese jiñi Biblia miʼ yʌl chaʼan jumpʼejl jach i cʼabaʼ Dios, an tacʌch yambʌ bajcheʼ miʼ subentel. Ila mi caj a taj jumpʼejl lista chaʼan bajcheʼ tac yambʌ miʼ subentel jiñi Jehová. Wen qʼuele chaʼan ti jujumpʼejl miʼ pʌs bajcheʼ yilal Jehová.
Título o bajcheʼ miʼ subentel |
¿Baqui miʼ tilel yaʼ ti Biblia? |
Yom bʌ i yʌl |
|---|---|---|
Alá |
(Maʼañic miʼ tilel) |
Jiñi tʼan Alá tilem ti árabe. Mach jumpʼejlic cʼabaʼʌl, jumpʼejl jach título yom bʌ i yʌl «Dios». Ti jiñi Biblia tac am bʌ ti árabe yicʼot ti yambʌ chaʼpʼej uxpʼejl tʼan tac, Alá yom i yʌl Dios. |
Alfa yicʼot Omega |
Alfa jiñʌch jiñi ñaxam bʌ letra ti jiñi alfabeto griego, i omega jiñi cojix bʌ letra. Yom i yʌl chaʼan Jehová jiñʌch jiñi «ñaxam bʌ yicʼot jiñi cojix bʌ» o «jiñi i Tejchibal yicʼot i Yujtibal», chaʼan cʼʌlʌl tiʼ tejchibal maʼañic yambʌ dios ñumen pʼʌtʌl bʌ bajcheʼ Jehová, i maʼañic baʼ ora miʼ cajel yambʌ dios (Isaías 43:10). |
|
Am bʌ cabʌl i jabilel |
Daniel 7:9, 13, 22 |
Yom i yʌl chaʼan maʼañic i tejchibal, chaʼan an jach cʼʌlʌl tiʼ pejtelel ora, cheʼ bʌ maxto añic chuqui an (Salmo 90:2). |
Cʼax ñuc bʌ |
Salmo 47:2 |
Yom i yʌl chaʼan maʼañic yambʌ ñumen ñuc bʌ bajcheʼ Jehová. |
Dios |
Génesis 1:1 |
Miʼ taj ti tʼan chuqui jach muʼ bʌ i chʼujutesʌntel yicʼot juntiquil pʼʌtʌl bʌ. Jiñi tʼan ʼElohím am bʌ ti hebreo an ti plural i miʼ taj ti tʼan jiñi i yutsʼatlel yicʼot i ñuclel Jehová. |
Dios bendito |
1 Timoteo 1:11, Reina-Valera |
Chaʼan Jehová tiʼ pejtelel ora tijicña (Salmo 104:31). Cheʼ jaʼel, miʼ mejlel i chaʼlentel ti traducir bajcheʼ «jiñi tijicña bʌ Dios» (Traducción del Nuevo Mundo). |
I Dios jiñi diosob |
Deuteronomio 10:17 |
Chaʼan jiñʌch jiñi ñumen ñuc bʌ Dios, mach lajalic bajcheʼ jiñi «diosteʼ tac» mach bʌ añic i cʼʌjñibal (Isaías 2:8). |
La caj cʌntesa |
Isaías 30:20, 21 |
Jiñʌch muʼ bʌ i pʌsbeñonla jiñi wem bʌ bij yicʼot miʼ cʌntesañonla chaʼan lac wenlel (Isaías 48:17, 18). Miʼ mejlel i chaʼlentel ti traducir jaʼel bajcheʼ: «Wen ñuc bʌ xcʌntesa» (Traducción del Nuevo Mundo [con referencias]). |
Pʼʌtʌl bʌ Dios |
Génesis 17:1 |
Chaʼan maʼañic majqui miʼ mejlel i tajben i pʼʌtʌlel. Jiñi tʼan am bʌ ti hebreo ʼEl Schaddái, yom bʌ i yʌl «Dios mach bʌ añic i pʼisol i pʼʌtʌlel», miʼ tilel siete veces yaʼ ti Biblia. |
Rey am bʌ tiʼ pejtelel ora |
Chaʼan cʼʌlʌl ti wajali jiñʌch jiñi ñumen ñuc bʌ i yeʼtel, i cheʼʌch miʼ cajel tiʼ pejtelel ora. |
|
Tat |
Chaʼan jiñʌch muʼ bʌ i yʌqʼueñonla laj cuxtʌlel. |
|
Tsaʼ bʌ i mele chuqui tac an |
Isaías 40:28 |
Jehová tsiʼ mele pejtelel chuqui an ti panchan yicʼot wʌʼ ti Pañimil. |
Tsaʼ bʌ i mʌñʌyonla |
Isaías 41:14 |
Muʼ bʌ i coltan o miʼ mʌn loqʼuel jiñi wiñicob xʼixicob ti jiñi mulil yicʼot chʌmel. Ili miʼ mel yicʼot jiñi i cuxtʌlel tsaʼ bʌ i yʌcʼʌ Jesús (Juan 3:16). |
Xcoltaya |
Isaías 45:21 |
Jiñʌch muʼ bʌ i coltañonla loqʼuel ti wocol, ti chʌmel o chaʼan maʼañic mi lac jisʌntel. |
Xcʌnta tiñʌmeʼ |
Salmo 23:1 |
Miʼ cʌntan jiñi muʼ bʌ i chʼujutesañob. |
Xmel pʼejt |
Isaías 64:8 |
Lajal bajcheʼ juntiquil xmel pʼejt an tiʼ cʼʌb jiñi ocʼol chaʼan miʼ mel chuqui yom, Jehová miʼ mejlel i mel chuqui yom jaʼel tiʼ tojlel jiñi wiñicob xʼixicob yicʼot jiñi tejclum tac (Romanos 9:20, 21). |
Xucʼul bʌ xajlel |
Salmo 18:2, 46 |
Chaʼan jiñʌch lac putsʼib tiʼ yorajlel wocol yicʼot baqui mi lac taj laj coltʌntel. |
Yum |
Salmo 135:5 |
Jiñʌch i Yum pejtelel chuqui an. Ti hebreo jiñʌch ʼAdhóhn yicʼot ʼAdhoním. |
Yambʌ cʼabaʼʌl tac muʼ bʌ i tilel yaʼ ti Tsʼijbujel Hebreo
Yaʼ ti Biblia miʼ tilel yambʌ cʼabaʼʌl tac bajcheʼ i cʼabaʼ jumpʼejl tejclum o jumpʼejl ajñibʌl baqui miʼ cʼʌjñel i cʼabaʼ Dios jaʼel, pero jiñi mach i cʼabaʼ taquic Dios.
Cʼabaʼ |
¿Baqui miʼ tilel yaʼ ti Biblia? |
Yom bʌ i yʌl |
|---|---|---|
Jehová Salom |
Jueces 6:23, 24 |
«Lac Yum miʼ ñʌchʼtesañonla». |
¿Chucoch ñuc i cʼʌjñibal cheʼ mi laj cʌn yicʼot mi laj cʼʌn i cʼabaʼ Dios?
Mi la cʌl chaʼan Dios wen ñucʌch i cʼʌjñibal miʼ qʼuel i cʼabaʼ, Jehová, come cheʼ bʌ siete mil tsiʼ yʌcʼʌ ti tsʼijbuntel yaʼ ti Biblia (Malaquías 1:11).
Jesucristo, jiñi i Yalobil Dios, tsiʼ wen acʼʌ ti cʌñol chaʼan ñucʌch i cʼʌjñibal i cʼabaʼ Dios. Jumpʼejl ejemplo, cheʼ bʌ tsiʼ pejca Jehová ti oración, tiʼ sube: «Laʼ sʌqʼuesʌntic a cʼabaʼ» (Mateo 6:9; Juan 17:6).
Jiñi muʼ bʌ i cʌmbeñob i cʼabaʼ Dios yicʼot miʼ techob i cʼʌn woliʼ tech i lʌcʼtesañob i bʌ ti Jehová (Salmo 9:10; Malaquías 3:16). Cheʼ bajcheʼ jiñi, miʼ mejlel ti tsʼʌctiyel tiʼ tojlelob ili albil bʌ i chaʼan Dios: «Mi caj j coltan loqʼuel ti wocol jini ochem bʌ tic wenta come cʼux miʼ yubiñon. Mi caj j cʌntan come miʼ cʌñon. Miʼ pejcañon tij cʼabaʼ» (Salmo 91:14).
Jiñi Biblia miʼ yʌl: «Poj cabʌl diosob ti panchan yicʼot ti pañimil, cheʼ bajcheʼ cabʌl ‹diosob› yicʼot cabʌl ‹yumʌlob›» (1 Corintios 8:5, 6). Pero jiñi cʼabaʼʌl Jehová miʼ yʌcʼ ti cʌñol majqui jiñi i sujm bʌ Dios (Salmo 83:18).
a An wen yujiloʼ bʌ hebreo muʼ bʌ i chaʼleñob ti traducir bajcheʼ «Yahweh» o «Yahvé».
b Jiñi i cʼabaʼ Dios miʼ chaʼlentel ti abreviar jaʼel bajcheʼ Jah, i cheʼ bʌ cincuenta miʼ tilel yaʼ ti Biblia. Jumpʼejl ejemplo, jiñi tʼan Aleluya, yom i yʌl: «Aqʼuenla i ñuclel Jah» (Apocalipsis 19:1; Reina-Valera).
Miʼ mejlel a qʼuel jaʼel iliyi
CʼAJTIYA TAC CHAʼAN BɅ BIBLIA
¿Majqui Jehová?
¿Dios ba chaʼan jach jumpʼejl tejclum, bajcheʼ tiʼ tojlel jiñi israelitajob?
ÑUC TAC BɅ CɅNTESɅNTEL AM BɅ TI BIBLIA
¿Am ba i cʼabaʼ Dios?
Dios an cabʌl i título: Mach bʌ Añic i Pʼisol i Pʼʌtʌlel, tsaʼ bʌ i Meleyonla yicʼot lac Yum. Ili video miʼ pʌs chaʼan i cʼabaʼ Dios miʼ tilel ñumen ti 7,000 yaʼ ti Biblia.
CHAʼAN JOÑON LOJON
Com chaʼan mic julaʼtʌntel
Tajben i jacʼbal jumpʼejl cʼajtiya am bʌ ti Biblia o ñumen cʌñʌ jiñi i testigojob Jehová.