¿Siérto piko Ñandejára peteĩnte la héra, térãpa oreko hetave?
Mbaʼépa heʼi la Biblia
Ñandejára ningo peteĩnte héra tee, hebréope upéva ojeskrivi יהוה ha ojetradusi jepi “Jehová”. a Ñandejára ojevale vaʼekue proféta Isaías rehe oskrivi hag̃ua: “Che hína Jehová, péicha che réra” (Isaías 42:8). Ojeskrivírõ guare la Biblia Ñandejára réra oĩ vaʼekue pype 7.000 véserupi voi, ha héra oaparese hetaitereive vése oimeraẽ título haʼe orekóvagui térã ótro persóna réragui. b
¿Siérto piko Ñandejára peteĩnte la héra, térãpa oreko hetave?
La Biblia ningo heʼi Ñandejára peteĩnte heraha, upéicharõ jepe oipuru avei heta título oñeʼẽ hag̃ua hese. Koʼápe oĩ peteĩ lísta ohechaukáva umi título térã mbaʼéichapa ojeʼe chupe, ha mbaʼépa heʼise umíva. Jahechamína mbaʼépa káda uno ñanemboʼe Jehovágui.
Título térã mbaʼéicha ojeʼe chupe |
Mbaʼe téxtopepa oĩ |
Mbaʼépa heʼise |
|---|---|---|
Alá |
(Ndaipóri la Bíbliape) |
Alá ningo peteĩ palávra árabe, ndahaʼéi peteĩ téra tee, síno haʼe peteĩ título heʼiséva “Ñandejára”. Heta Biblia oĩva árabepe térã ótro idiómape omoĩ voi “Alá” otradusi hag̃ua “Ñandejára”. |
Alfa ha Omega |
“Pe primero ha pe último” ha “iñepyrũ ha ipahaite”. Ko título orekóva Jehová ohechauka haʼe mboyve ndaipóri hague Ñandejára Todopoderóso ha upe rire ndaiporimoʼãveimaha avei (Isaías 43:10). Alfa ha Omega haʼe hína pe primera ha pe última létra pe avesedário griégope. |
|
Alfaréro |
Peteĩ alfaréro ikatuháicha ojapo ojaposéva pe ñaiʼũgui, Ñandejára oreko avei autorida enterovévare (Romanos 9:20, 21). |
|
Apohare |
Okrea vaʼekue opa mbaʼe. |
|
Chehegui oikóta che aipotáva |
Chugui oikóta tekotevẽva guive oñekumpli hag̃ua ivolunta. Upéva ñanepytyvõ ñantende hag̃ua mbaʼépa heʼise Ñandejára réra Jehová, oñemombeʼúva Éxodo 3:15-pe. |
|
Dios Santísimo |
Ñandejára ipotĩ opa mbaʼépe. Haʼe ningo ipotĩ ha isánto entéro mbaʼe ojapóvape. |
|
Dios tuichavéva entéro umi ótro diósgui |
Ndaipóri ótro dios ohupyty vaʼerã chupe ha ndaikatúi oñembojoja hese ‘umi dios ndovaléiva mbaʼeverã’ (Isaías 2:8). |
|
Ita guasu |
Peteĩ lugár isegúro porãva ikatuhápe jajeprotehe. |
|
Karai Ijedaitéva |
Ñandejára siémpre oexisti, ndorekói prinsípio. Haʼe hetaiterei áñorema oikovéva okrea mboyve entéro mbaʼe (Salmo 90:2). |
|
Kreadór Tuichaitéva |
Haʼe rupive oexisti ha ojejapo opa mbaʼe (Apocalipsis 4:11). |
|
Mboʼehára Ijojahaʼỹva |
Ñanemboʼe umi mbaʼe ideprovéchotava ñandéve ha ñandegia tape porãre (Isaías 48:17, 18). |
|
Ñande Ruvicha |
Haʼe ñande Jára, ñande ñapertenese chupe (hebréope ’Adhóhn ha ’Adhoním). |
|
Ñandejára |
Ojeadora chupe ha ipoderosoiterei. Pe palávra hebrea ’Elohím oĩ plurálpe, ha ohechauka mbaʼéichapa Jehová tuicha ijautorida ha ndaiporiha ohupytýva chupe. |
|
Ñandejára Ndaijojaháiva |
Haʼe hína pe governánte iñimportantevéva, ndaipóri ohupyty vaʼerã chupe. |
|
Ñandejára ovyʼáva |
Haʼe siémpre hory ha ovyʼa (Salmo 104:31). |
|
Ogovernáva opa mbaʼe |
Pe orekóva hetave autorida ko univérsope (hebréope ’Adhonái). |
|
Oipota chupe añoiténte ojeadora |
Ndoipotái oñemombaʼeguasu ótro dióspe, síno chupe añoite. |
|
Pastór |
Okuida porãiterei isiervokuérare. |
|
Pe ohendúva ñane ñemboʼe |
Haʼete voi ohendu umi ifiélva ñemboʼe. |
|
Pe opagáva ñanderehe |
Jesucristo sakrifísio rupive haʼe opaga ñanderehe ñandepeʼa hag̃ua pekádo ha ñemano poguýgui (Juan 3:16). |
|
Rréi de la eternida |
Ymaite guive ha pára siémpre haʼe añoite oreko autorida ogoverna hag̃ua. |
|
Salvadór |
Ñandesalva opa mbaʼe vaígui ani hag̃ua ñañehundi. |
|
Todopoderóso |
Ndaipóri mbaʼeve ni avave ipoderosovéva chugui. Pe fráse hebrea ’El Schaddái, heʼiséva “Ñandejára Todopoderóso”, oĩ 7 vése la Bíbliape. |
|
Túa |
Omeʼẽ ñandéve la vída. |
|
Umi ehérsito yvagapegua ruvicha |
Haʼe odirihi umi ehérsito oĩva yvágape. |
Unos kuánto lugár réra oĩva Escrituras Hebréaspe
Oñembohéra hag̃ua unos kuánto lugár oñemensionáva la Bíbliape umi hénte oipuru vaʼekue avei Ñandejára réra, péro upéva ndeʼiséi ojepuru vaʼerãha umíva Ñandejára réra rekovia.
Lugár réra |
Mbaʼe téxtopepa oĩ |
Mbaʼépa heʼise |
|---|---|---|
Jehová-Nisí |
“Jehová hína che póste de señál”. Ñandejára Jehová ikatu ñandeprotehe ha ñanepytyvõ (Éxodo 17:13-16). |
|
Jehová-Salom |
“Jehová hína pyʼaguapy”. |
|
Jehová-Samá |
Ezequiel 48:35, nóta |
“Jehová voi oĩ upépe”. |
Jehová-Yiré |
Génesis 22:13, 14, nóta |
“Jehová Oproveéta”. |
Mbaʼérepa jaikuaa ha jaipuru vaʼerã Ñandejára réra
Ñandejára oipota umi hénte oikuaa héra tee: Jehová. Upéicha rupínte oskrivika upéva hetaiterei vése la Bíbliape (Malaquías 1:11).
Ñandejára Raʼy Jesús hetaiterei vése ohechauka iñimportanteha Itúa réra. Por ehémplo, oñemboʼérõ guare Jehovápe haʼe heʼi vaʼekue: “Ore Ru reiméva yvágape, toñembotuicha nde réra” (Mateo 6:9; Juan 17:6).
Ikatu hag̃uáicha oiko ñandehegui Ñandejára Jehová amígo, primeroite tekotevẽ jaikuaa ha jaipuru héra (Salmo 9:10; Malaquías 3:16). Ñandejára haʼéramo ñane amígo ikatúta heʼi ñanderehe: “Haʼe cherayhu, upévare asalváta chupe, aprotehéta chupe, pórke haʼe oikuaa porã che réra” (Salmo 91:14).
La Biblia heʼi: “Umi hénte heʼi oĩha heta dios yvágape ha ko yvy ape ári, ha hetápe ohenói hikuái ‘ore dios’ ha ‘ore ruvicha’” (1 Corintios 8:5, 6). Péro heʼi porã avei Jehová haʼeha pe úniko Dios verdadéro (Salmo 83:18).
a Oĩ expérto idióma hebréope opensáva ojetradusi vaʼerãha Ñandejára réra “Yahweh” térã “Yahvé”.
b Pe palávra “Jah” ojepuru oñemombyky hag̃ua Jehová réra ha upéva oñemoĩ vaʼekue 50 véserupi umi manuskríto orihinálpe. Por ehémplo ojeʼe jave “Alelúja”, heʼiséva “pemombaʼeguasu Jáhpe” (Apocalipsis 19:1, nóta).
Koʼã téma ikatu ndegusta avei
LA BIBLIA OKONTESTA KOʼÃ PORANDU
¿Mávapa Jehová?
¿Haʼe piko Jehová peteĩ Dios unos kuántonte oadoráva, por ehémplo umi israelítante?
UMI MBAʼE IÑIMPORTANTEVÉVA OMBOʼÉVA LA BIBLIA
¿Mbaʼéichapa héra Ñandejára?
Ñandejára oreko heta título: Todopoderóso, Kreadór térã Señór. Ko vidéo ohechauka Ñandejára réra oĩha 7000 véserupi la Bíbliape.
ORE INFORMASIÓN
Aipota peteĩ Testígo ou chevisita
Ehecha la Biblia omboʼéva térã eikuaave umi testígo de Jehovápe.