Jay in bij in kwa’al a Dios?
Jawa’ in ulal an Biblia
A Dios in kwa’al júnkats in lej bij. Ti hebreo u dhúchnal יהוה ani ti labkaw u wilk’áb «Jehová». a A Dios in t’aja’ abal an kawlómej Isaías kin dhucha’: «Naná’ pel in Jehová. Antsaná’ játs u bij» (Isaías 42:8). In bij a Dios játs axi más k’wajat ti Biblia. Elnének utat 7.000 i kalel. Yab wa’ats k’e’at i bijláb axi ka lej tejwaméj ti Biblia ejtíl in k’ál a Jehová. b
¿In kwa’al k’e’at in bij a Jehová?
Ti Biblia expidh i elchal júnkats in lej bij a Dios, pero jayej wa’ats k’e’at i kaw k’al axi tu exláb. Alál ne’ets ka ela’ talchik i kaw k’al axi tu exláb a Jehová. Ne’ets ka t’aja’ ti kwéntaj abal axé’chik xi kaw in tejwamedhál jant’ini’ játs in ey a Jehová.
Jant’ini’ u exláb |
Ju’táj ti k’wajat ban Biblia |
Jant’oj in lé’ kin uluw |
|---|---|---|
Alá |
(Yab k’wajat) |
Axé’ xi kaw k’wajat ti árabe. Yab pel jun i bijláb, expidh in lé’ kin uluw «Dios». Ban biblias axi ti árabe ani al k’e’at i kawintaláb, Alá pel «Dios». |
Alfa ani Omega |
Alfa pel an k’a’ál letra in k’ál an alfabeto griego, ani omega játs an taltal letra. Axé’ in lé’ kin uluw abal a Jehová játs an k’a’ál ani an taltal. Jawa’ tu tejwamédhanchal játs abal yab wa’tsinének jun i Dios ejtíl Jajá’ ani yab ne’ets ka wa’tsin k’e’at (Isaías 43:10). |
|
Dhakum |
In éjtowal kin abatna’ patal an eyalchik ani an atikláb, antsaná’ jant’ini’ jun i dhakum in éjtowal kin t’aja’ jawa’ kin lé’na’ k’al an anam (Romanos 9:20, 21). |
|
An Púlik |
Jajá’ játs axi más púlik in éy. |
|
Axi payeblábits |
Jawa’ tu tejwamédhanchal axé’ xi kaw játs abal a Jehová ets’ey k’wajinek ani ets’ey ne’ets ka k’wajiy (Salmo 90:2). |
|
Pa’ixnom |
Abal yab in báts’uwal ka k’ak’náj k’e’at i dioses. Axé’ xi kaw in lé’ kin uluw abal in kónoyal abal expidh ka k’ak’náj Jajá’ (Traducción del Nuevo Mundo [con referencias], nota). |
|
Ts’ejkom |
Jajá’ játs axi in ts’ejka’ patal jawa’ wa’ats. |
|
Dios |
U eyendháb abal jant’ojákits axi u k’ak’náb, jayej abal jant’oj axi in kwa’al i tsapláb. An kaw ʼElohím k’wajat ti hebreo ani in lé’ kin uluw abal a Jehová lej púlik ani in kwa’al yan in éy. |
|
Dios bendito |
1 Timoteo 1:11, Reina-Valera |
Abal Jajá’ ets’ey k’wajat kulbél (Salmo 104:31). Jayej awil ka úluwat «Dios axi u kulbél» (Traducción del Nuevo Mundo [con referencias]). |
Dios axi más púlik |
Játs an júnkats Dios axi más púlik ani yab jant’ini’ axi k’e’at an dioses axi yab in kwa’al in tsap (Isaías 2:8). |
|
Exóbchix |
Isaías 30:20, 21, La Biblia de las Américas |
Játs axi tu exóbchal jant’ini’ ki beldha’ i ejatal (Isaías 48:17, 18). Jayej awil ka wilk’áj jant’ini’ «an Púlik Exóbchix» (Traducción del Nuevo Mundo [con referencias]). |
An Púlik Ts’ejkom |
Abal játs an júnkats ts’ejkom k’al patal (Revelación 4:11). |
|
An ots’ol k’al an oláb |
Játs axi in ats’ál patal an oláb axi u t’ajchinal k’al jita’ chubax u le’náb ka exláj. |
|
Tátaj |
Játs axi in binál an ejataláb. |
|
Béletnom |
In beletnál in t’ojnalilchik. |
|
Axi tu tsab ts’a’iyamal |
Isaías 41:14; Reina-Valera |
In eyendha’ in tsemtal a Jesús abal tu ku tsab ts’a’iy kom tu kwa’alak wik’at an walabtaláb ani an tsemláj (Juan 3:16). |
Ts’alej abal ets’ey |
Ets’ey in ko’yamal yan in éy ani yab jayk’i’ ne’ets ka tíxk’anchat. |
|
T’ujub |
Játs k’al Jajá’ k’al axi i éjtowal ku utey abal tu ku tólmiy ani tu ku k’aniy. |
|
K’anix |
Axi tu k’aniyal k’al an walabtaláb abal yab ku k’ibej abal ets’ey. |
|
T’okat |
Expidh Jajá’ játs axi más t’okat. |
|
Señor |
Játs an dhabal. Ti hebreo u uluwáb ʼAdhóhn ani ʼAdhoním. |
|
Púlik Abatnom |
Jajá’ játs axi in kwa’al más in éy. Ti hebreo u uluwáb ’Adhonái. |
|
Axi más in kwa’al in éy |
Játs júnkats axi in kwa’al más in éy. |
|
Axi más Tsapik |
Yab wa’ats jita’ axi kin ko’oy más i tsapláb ejtíl a Jehová. An kaw hebreo ’El Schaddái, in lé’ kin uluw abal a Dios in kwa’al patal an tsapláb. Axé’ xi kaw k’wajat buk i kalel tiBiblia. |
|
Yahvé Sebaot, axi in ok’nál an pextaláb |
Isaías 1:9, Romanos 9:29, Biblia de Jerusalén, 1998 |
Játs axi in ok’nál an ángeles ban pextaláb. Axé’ xi kaw jayej awil ka wilk’áj «Jehová axi u pejéx», o «Jehová axi in ok’nál an pextaláb» (Romanos 9:29, Traducción del Nuevo Mundo [con referencias], Nueva Traducción Viviente). |
Naná’ in wénk’onal k’al jawa’ ku yéjenchij ku t’aja’ |
Éxodo 3:14, Biblia de Jerusalén |
K’al axé’ xi kaw, a Jehová in lé’ kin uluw abal ne’ets ka wenk’on k’al jawa’ kin yéjenchij abal kin putuw in tsalápil. Jayej i éjtowal ki uluw «Naná’ ne’ets ku t’aja’ jawa’ ku yéjenchij abal ku putuw u tsalápil» (Traducción del Nuevo Mundo [con referencias]; nota). Axé’ tu tólmiyal ki exbay jant’oj in lé’ kin uluw an bijláb Jehová, axi k’wajat tin aytal an ajumtaláb (Éxodo 3:15). |
In bij talchik i kwenchaláb axi k’wajat ban Escrituras Hebreas
In bij a Dios eyendhámej abal ka bíjiyat talchik i kwenchaláb axi k’wajat ti Biblia, pero yab antsaná’ tu bijiyáb a Dios.
Kwenchaláb |
Ju’táj ti k’wajat ban Biblia |
Jant’oj in lé’ kin uluw |
|---|---|---|
Jehová-nisí |
«A Jehová pel jant’ini’ jun i Kubte’ abal naná’» (La Palabra de Dios para Todos). A Jehová pel jita’ k’al axi i éjtowal ku utey abal tu ku k’aniy (Éxodo 17:13-16). |
|
Jehová-salom |
«A Jehová pel i Koyattaláb». |
|
Jehová-sama |
Ezequiel 48:35, Reina-Valera |
«Taná’ K’wajat a Jehová». |
Jehová-yiré |
«A Jehová ne’ets kin bína’ jawa’ ki yéjenchij». |
Jale’ ti lej exbadh ki éxla’ in bij a Dios ani ki eyendha’
Abal a Dios lej exbadh in bij, jaxtám in t’ajamal abal ka dhuchan miles i kalel ti Biblia (Malaquías 1:11).
A Jesucristo in tejwamédha’ yaníl abal lej exbadh in bij a Dios. Jun i t’iplab, tam ti in ólonchij a Dios in ucha’: «Ka t’okedha’ a bij» (Mateo 6:9; Juan 17:6).
Jawa’ k’a’ál kwa’al kin t’aja’ jita’ in lé’ ka utey k’al a Jehová, játs kin éxlanchij in bij ani kin eyendha’ (Salmo 9:10; Malaquías 3:16). A Jehová in ulal axé’ tin kwéntaj jita’chik k’wajat ti utel k’al Jajá’: «Ne’ets ku k’aniy kom tin k’anidhál, ne’ets ku béletna’ kom tin éxlanchal u bij» (Salmo 91:14).
An Biblia in ulal: «Wa’atskwa’ ti éb ani ti tsabál i dioses. Ma uchnal wa’ats yantalam i dioses ani yantalam i ajatik» (1 Corintios 8:5, 6). Pero k’al an bijláb Jehová, i tejwamedhál abal i tawnál an júnkats Dios axi chubax (Salmo 83:18).
a Talchik i atikláb axi in exobnámal hebreo in wilk’ál «Yahweh» o «Yahvé».
b In jamat bij a Dios pel «Jah» ani k’wajat cincuenta i kalel ti Biblia. Jun i t’iplab, an kaw Aleluya in lé’ kin uluw «Ka puwénchat a Jah» (Revelación [Apocalipsis] 19:1; Reina-Valera).
Puede que también le interese
KONOWIXTALÁB TIN KWÉNTAJ AN BIBLIA
¿Jita’ játs a Jehová?
¿Walám pel i Dios k’al junkats i bichow, ejtíl an israelitas?
TIN KWÉNTAJ WAWÁ’
U léʼ abal an ólchixchik kʼal a Jehová ti kin tsaʼbiy
¿A léʼ ka exlaʼ más tin kwéntaj an Biblia ani tin kwéntaj an ólchixchik kʼal a Jehová?