Eka Elin Jehova Mhọn?
Ewanniẹn nin Baibo re ọbhọ
Elin ọkpa sẹsẹ, ọle Osẹnobulua mhọnlẹn. Bhi urolo Hebrew, יהוה a rẹ gbẹn ọne elin. Bhi urolo English, ọne elin da yi “Jehovah.” a Rẹ na obọ Isaiah nin akhasẹ, Jehova da yọle: “Imẹn hi Jehova. Ọnin hi elin nọnsẹmhẹn.” (Isaiah 42:8) Bhi Baibo nin ẹdẹlẹ nan re urolo Hebrew gbẹn, ọ sẹbhi igba uli ihinlọn (7,000) nin elin nọnsi Osẹnobulua zegbere. Eka igba nin ọne elin zegbere, ọle bun nẹ eka igba nin elin-ovan nesi Osẹnobulua la elin ọsi ọria ọbhebhe zegbere. b
Elin ebhebhe be ribhọ nan tie iJehova le?
Arẹmiẹn ghe elin ọkpa sẹsẹ iBaibo taman mhan Osẹnobulua mhọnlẹn, ọle sẹyẹ mhọn elin-ovan ne bunbun. Bha ji mhan zilo nyan elin-ovan eso nin Jehova mhọnlẹn bi ebi ene elin-ovan rẹ rẹkpa mhan rẹ lẹn unan ọria nin ọle khin yẹ.
Elin-ovan |
Eji Ọ Ye bhi Baibo |
Ebi Ọ Mundia Nan |
|---|---|---|
Allah |
(Ọ iribhi Baibo) |
Elin Arabic ọne elin-ovan nan khin. Ebi ọ mundia nan hi “Osẹnobulua.” Bhi ẹkẹ iBaibo nan zedu ọle diọbhi urolo Arabic bi urolo eso, “Allah” a tie Osẹnobulua le. |
Ọnọn Ke Okhun Nẹ |
Genesis 17:1 |
Ọ rẹman ghe Jehova mhọn ahu nẹ bhi otọ bi okhun. Ọne elin-ovan nan hi ʼEl Shad·daiʹ bhi urolo iHebrew. Igba ihinlọn ọne elin-ovan “Osẹnobulua nọn Ke Okhun Nẹ” zegbere bhi ẹkẹ iBaibo. |
Alpha bi Omega |
Ebi ọ mundia nan hi “ọhẹnhẹn bi ọkike,” la “umunhẹn bi ọkpẹnlẹn.” Ọ rẹman ghe a bha miẹn Osẹ ọbhebhe nọn ka ke okhun gbera iJehova. A ida yẹ miẹn ọnọn ha ke okhun gbera ọle ghẹdẹ. (Isaiah 43:10) Alpha hi ukpebe nin ọhẹnhẹn bhi urolo iGreek, omega da yi ukpebe nọn kike. |
|
Ọnọn Nyẹnlẹn Vade bhi Ẹdẹdẹmhẹndẹ |
Daniel 7:9, 13, 22 |
Ọle imhọn umunhẹn. Ọkuẹsẹ emhin ọbhebhe vae bhi agbọn, ọle nyẹnlẹn fo.—Psalm 90:2. |
Aman |
Isaiah 40:28 |
Ọle hi ọnọn man emhin rebhe. |
Aba |
Ọle hi ọnọn re iẹnlẹn nin mhan. |
|
Osẹnobulua |
Genesis 1:1 |
Ọria la emhin nan ga; ọnọn wolo. Ukpọta iHebrew nan zedu ọle diọbhi “Osẹnobulua” hi ʼElo·himʹ. Ukpọta nan noo sade a tẹmhọn emhin nọn bun gbera emhin ọkpa, ọle ọne ukpọta nan khin. Ọnan rẹman ghe Jehova manman mhọn ahu, uyi, bi ikhiale. |
Osẹ nọn nẹ osẹ |
Deuteronomy 10:17 |
Ọnan rẹman ghe Jehova hi Osẹ nọn ke okhun nẹ. Ọle wo dike bhi osẹ ọsi eyẹyẹ nin ẹbho eso ga.—Isaiah 2:8. |
Ọman-emhin Nọn Khua |
Isaiah 30:20, 21 |
Ọle man mhan emhin yẹ dia mhan.—Isaiah 48:17, 18. |
Osẹ ọsi Eghọnghọn |
Osẹnobulua nọn ghọnghọn, ọle Jehova khin.—Psalm 104:31. |
|
Ọnọn họn erọnmhọn |
Psalm 65:2 |
Ọle tobọle kaehọ erọnmhọn nin ẹbho ne mhọn urẹọbhọ nan ji ọle. |
Mẹn Dẹ Kiẹn Ebi Mẹn Guanọ Nin Mẹn Kiẹn |
Exodus 3:14 |
Ọle dẹ sabọ lu emhin nọn ki rẹ khin nin ọle rẹ mun iho nọnsọle se. Ọne elin ovan nan nin Jehova tie egbe ọle le da rẹman ebi elin nọnsọle nin ọle taman iMoses bhi ulọnlẹn nọnzi 15 mundia nan.—Exodus 3:15. |
Ọnọn guanọ nan ha ga ọle ọkpa |
Exodus 34:14 |
Ọne elin-ovan nan rẹman ghe Jehova iguanọ nin ọle bi ọria ọbhebhe ko ha gha oga nin mhan re ji ọle. Baibo eso da zedu ọne elin-ovan diọbhi “Ọnọn iguanọ ọzeva.”—God’s Word Bible. |
Ojie ọsi itẹbitẹ |
Ugbẹloghe nọnsọle imhọn umunhẹn, ọ imhọn ọkpẹnlẹn. |
|
Ebeanlẹn Mhan |
Psalm 135:5 |
Ọnọn nyan mhan. ʼA·dhohnʹ bi ʼAdho·nimʹ bhi urolo Hebrew. |
Ebeanlẹn nọn nyan ene eyokulo |
Isaiah 1:9, King James Version; Romans 9:29, King James Version |
Ọne elin-ovan nan rẹman ghe Osẹnobulua mhọn ẹhi ne bunbun nin ọle rẹ khian. A sabọ yẹ zedu ọne elin-ovan nan diọbhi “Jehova nọn nyan ene eyokulo,” la “Ebeanlẹn nọn re ene eyokulo ne ribhi okhun khian.”—Romans 9:29, New World Translation; NET Bible, ebi a gbẹn bhi otọ ọle. |
Ọnọn Ke Okhun Nẹ |
Psalm 47:2 Daniel 7:18, 27 |
Ọle hi ọnọn ke okhun nẹ; Ọnọn gbẹloghe nọn ke okhun nẹ. |
Ọnọn Khia Nẹ |
Proverbs 9:10 |
Ọle khia nẹ bhi otọ bi okhun. |
Ọman-akhe |
Isaiah 64:8 |
Ọne elin ovan nan rẹman ghe Jehova sabọ re eria bi agbaẹbho kiẹn ebe ghọn ọlẹn, beji ọman-akhe rẹ re ekẹn man emhin nọn ghọn ọlẹn.—Romans 9:20, 21. |
Ọnọn Dẹ Mhan Kiere |
Isaiah 41:14; King James Version |
Ọle hi ọnọn re izọese nọnsi Jesu rẹ dẹ mhan kiere, nin mhan sabọ miuhọnmhọn bhi obọ uu bi olukho.—John 3:16. |
Udo |
Psalm 18:2, 46 |
Mhan dẹ sabọ miẹn ugbega bi umiẹnfan bhi obọ ọle. |
Ọmiẹnmhanfan |
Isaiah 45:21 |
Ọle sabọ miẹn ọria fan bhi emhin nọn ha sabọ kuan ọlẹn la gbe ọle a. |
Ọsun-ohuan |
Psalm 23:1 |
Ọle gbeloghe ene ga ọle. |
Ebeanlẹn Nọn Ke Okhun Nẹ |
Genesis 15:2 |
Ọnan rẹman ghe ọle hi ebeanlẹn nọn mhọn ahu nẹ; Hebrew ʼAdho·naiʹ. |
Supreme One |
Daniel 7:18, 27 |
The highest sovereign. |
Eje eso nan tie mun elin nọnsi Jehova bhi Baibo
Bhi ẹkẹ iBaibo, a tie elin ọsi eje eso mun elin nọnsi Osẹnobulua, sokpan ene elin nan iyi elin nọnsi Osẹnobulua.
Ene elin |
Eji Ọ Ye bhi Baibo |
Ebi Ọ Mundia Nan |
|---|---|---|
Jehovah-jireh |
Genesis 22:13, 14 |
“Jehova Dẹ Re Ebi A Guanọ Re.” |
Jehovah-nissi |
Exodus 17:15 |
“Jehova hi Ikazi Nin Mẹn Fi Ba.” Ọne elin da rẹman ghe Osẹnobulua nin ẹbho ha sabọ nẹ bu nọn gbega ele, ọle Jehova khin.—Exodus 17:13-16. |
Jehovah-shalom |
Judges 6:23, 24 |
“Jehova hi Ọfure.” |
Jehovah-shammah |
Ezekiel 48:35, ebi a gbẹn bhi otọ ọle, American Standard Version |
“Jehova Ribhi Enin.” |
Ebezẹle nọn da khẹke nin mhan lẹn elin nọnsi Osẹnobulua yẹ ha noo ọle
Osẹnobulua guanọ nin ẹbho lẹn elin nọnsọle nin Jehova. Ọle zẹle nin ọle da ji ọne elin zegbere bhi ẹkẹ iBaibo igba ne bunbun.—Malachi 1:11.
Jesu nin ọmọn nọnsi Osẹnobulua da yẹ wo re ọle man ghe elin nọnsi Osẹnobulua manman lu uhọnmhọn-emhin. Bhi ọsi ijiẹmhin, ọle da nan erọnmhọn ji Jehova yọle: “Ji elin nọnsẹ kpe khia.”—Matthew 6:9; John 17:6.
Nin ọria rẹ lẹn elin nọnsi Jehova yẹ ha noo ọle, deba emhin ọhẹnhẹn nọn khẹke nin ọle lu nin ọle da sabọ kiẹn ọmọẹ iJehova. (Psalm 9:10; Malachi 3:16) Ọne ikolu nan ki re ọle miẹn elele bhi ive nin Osẹnobulua vele ẹghe nọn rẹ yọle: “Ranmhude ọle hoẹmhọn mẹn, mẹn dẹ miẹn ọlẹn fan. Mẹn dẹ gbega ọle, ranmhude ọle lẹn elin nọnsẹmhẹn.”—Psalm 91:14.
Baibo da yọle: “Emhin kẹkẹ ribhọ nin ẹbho tie ọle osẹ, ọ ha rẹ ha yi bhi ọne otọ nan, la bhi okhun, beji “osẹ” ne bunbun bi “ebeanlẹn” ne bunbun rẹ ribhọ.” (1 Corinthians 8:5, 6) Ọrẹyiriọ, Baibo da taman ghe Jehova hi elin ọsi Osẹnobulua ọsi ẹmhọanta.—Psalm 83:18.
a Ibhokhan Hebrew eso ne guanọ otọ ẹmhọn nọn ribhi Baibo fẹghe riale ghe “Yahweh” ọkhẹke nan ha tie elin nọnsi Osẹnobulua.
b A yẹ tie Osẹnobulua “Jah.” Ukhiọnmhẹn ọnan khin bhi elin nọnsọle nin Jehova. Igba 50 ọne elin zegbere bhi ẹkẹ iBaibo. Bhi eje eso, a da tale ba ene ikpọta nan: “Hallelujah,” la “Alleluia.” Ebi a re ene ikpọta nan ta hi “Gẹn Jah”—Revelation 19:1; American Standard Version; King James Version.
Emhin Ebhebhe Ne Ha Yẹ Ti Uwẹ Bhọ
EWANNIẸN ỌSI INỌNTA NE RẸTẸ IBAIBO
Họla Jehova Khin?
Osẹnobulua ọsi ibhokhan Izrẹl ọkpa ọle be khin?
ESSENTIAL BIBLE TEACHINGS
Osẹnobulua Mhọn Elin?
Osẹnobulua mhọn elin ihe nebunbun bii: Osẹnọkokhunẹ, Osẹnọmemhin, bi Ebealẹn. Elin ọso Osẹnobulua zegbere si igba 7,000 bhẹkẹ iBaibo.
ẸMHỌN MHAN
Gbẹn Ebe Re Nin Esali Jehova Dọ Ha Man Uwẹ iBaibo
Deba Esali Jehova zilo bhi Baibo la uwẹ ha noo emhanmhan nọn ribhi jw.org nin ọria rẹ tobọle man egbe ọle Baibo.