¿Jteʼ tbʼi Dios at?
Aju in tzaj ttzaqʼweʼn Tyol Dios
Oʼkx jun tbʼi Dios at. Toj yol hebreo in kubʼ tzʼibʼit ik tzeʼn jlu יהוה ex in kubʼ traducirit toj qyol ik tzeʼn «Jehová». a Ajbʼen profeta Isaías tuʼn Dios tuʼn ttzaj tqʼamaʼn jlu: «Aqine Jehová porke atzun nbʼiye» (Isaías 42:8). In kanet tbʼi Dios junlo 7 mil maj kyoj ojtxe uʼj tiʼj Tyol Dios. Mas nim maj in kanet tbʼi kywitz junjuntl título in che ajbʼen tiʼj moqa twitz junjuntl bʼibʼaj.
¿Atpe junjuntl tbʼi Jehová?
Maske oʼkx jun tbʼi Dios in tzaj qʼamaʼn toj Xjan Uʼj, ax ikx in che ajbʼen junjun título moqa txol yol tiʼj. Atz kubʼni kkanetel jun lista tuʼna kyiʼj junjun título ex txol yol in najbʼen tiʼj. Qʼonka twitza tiʼj qa teyele junjun in tzaj tyekʼin jun tmod Jehová.
Título moqa txol yol |
Jatumel tkuʼx toj Tyol Dios |
Aju t-xilen |
|---|---|---|
Aju Dios at-xix tzalajbʼil tukʼil |
In tzaj tyekʼin jlu qa in tzalaj te Dios (Salmo 104:31). |
|
Alá |
(Mintiʼ in kanet toj Tyol Dios) |
Atz tzajni yol Alá tiʼj yol árabe. Nya jun bʼibʼaj, sino jun título ex «Dios» t-xilen. Kyoj traducción tiʼj Tyol Dios toj yol árabe ex kyoj junjuntl yol o kux qʼoʼn Alá te t-xel «Dios». |
Alfa ex Omega |
Aju Alfa atzun tnejel letra toj alfabeto griego, atzunju mankbʼil omega. Ik tten jlu ik tzeʼn aju letra A ex Z toj alfabeto español. A t-xilen jlu qa a Jehová tnejel ex mankbʼil, mintiʼ juntl dios o ten ojtxe nix ktel toj ambʼil tzul (Isaías 43:10). |
|
Aqine aju ax qine |
Nya oʼkx in tzaj tyekʼin txol yol lu qa at Dios, sino toj tnejel yol hebreo in tzaj tyekʼin qa jaku tzʼok Dios te alkyexku tuʼntzun tjapun twi t-ximbʼetz. Ax ikx in kubʼ traducirit ik tzeʼn «Ayinwejuʼyeʼ ayineʼ» (Xjan Tuʼjil). In nonin jlu qiʼj tuʼn tel qnikʼ tiʼj tiʼ t-xilen tbʼi Dios, aju Jehová. Ex in kanet tbʼi quʼn juntl maj toj juntl versículo (Éxodo 3:15). |
|
At tipumal |
Mintiʼ juntl jaku ten tipumal ik tzeʼn te Jehová. Aju txol yol ’El Schaddái, a t-xilen «at wipumale tuʼn tbʼant tkyaqil wuʼne» ex in kanet wuq maj toj Xjan Uʼj. |
|
At toklen tibʼaj tkyaqil |
A mas nim toklen twitz alkyexku juntl. |
|
Bʼil naʼj Dios |
In nok tqʼoʼn twiʼ tiʼj kynaʼj Dios xjal in nok qeʼ kykʼuʼj tiʼj. |
|
Bʼinchal tkyaqil |
A o kubʼ bʼinchante tkyaqil tiʼchaq at (Apocalipsis 4:11). |
|
Dios |
Atz in yolin jlu tiʼj jun tiʼ in nok kʼulin ex at tipumal. Aju yol hebreo ʼElohím mintiʼ in yolin oʼkx tiʼj jun tiʼ, sino in tzaj tyekʼin qa nimxix toklen Jehová ex tipumal. |
|
Dios nimxix toklen |
Mas nimxix toklen kywitz txqantl dios (Isaías 2:8). |
|
Ik tzeʼn jun bʼinchal kʼil |
A jlu in tzaj tyekʼin qa at toklen kyibʼaj xjal ex kyibʼaj tnam, ik tzeʼn jun xjal bʼinchal kʼil at toklen tibʼaj txʼotxʼ moqa xoqʼil (Romanos 9:20, 21). |
|
Ik tzeʼn jun pik |
Jun lugar jatumel jaku pon qklon qibʼ ex jaku qo klet tuʼn. |
|
Klol qe |
In che klet xjal tuʼn tiʼj il ex tiʼj kamik noq tuʼn chojbʼil bʼant tuʼn Jesús (Juan 3:16). |
|
Pastor |
In xqʼuqin kyiʼj qeju in che ajbʼen te. |
|
Qajaw |
Qajaw moqa qpatrón; toj hebreo in kubʼ qʼoʼn ik tzeʼn ʼAdhóhn moqa ʼAdhoním. |
|
Qman |
A in tzaj qʼonte qchwinqlal. |
|
Rey kyibʼaj kykyaqil nasyon |
A te aj kawil nim toklen ex ktel te jumajx. |
|
Taj tuʼn qkʼulin oʼkx te |
Nya bʼaʼn in nela toj twitz tuʼn kykʼulin xjal kywitz junjuntl dios. In tzaj tyekʼin jlu qa taj tuʼn qkʼulin oʼkx te. |
|
Tij Xjal |
Mintiʼ jatumel tzaj tzyet tanqʼibʼil, toj juntl yol, kukx o ten tej naʼmxtoq tbʼant jun xjal moqa jun tiʼ (Salmo 90:2). |
|
Xjanxix |
A mas xjan toj tkyaqil tten twitz alkyexku juntl tbʼinchbʼen. |
|
Xnaqʼtzal |
In tzaj tyekʼin qbʼe tuʼntzun bʼaʼn tel tkyaqil toj qanqʼibʼil (Isaías 48:17, 18). |
Kybʼi lugar toj Ojtxe Tuʼjil Tyol Dios
Toj Xjan Uʼj tkuʼx kybʼi junjun lugar tok tbʼi Dios kyiʼj, noqtzun tuʼnj, nya junjuntl tumel tuʼn t-xi qʼamet tbʼi Dios.
Tbʼi lugar |
Jatumel tkuʼx toj Tyol Dios |
Aju t-xilen |
|---|---|---|
Jehová-nisi |
Éxodo 17:15 (Reina Valera) |
«Ate Qman ma tzʼok te nbanderiye» moqa «Ate Qman Dyos wipumaleʼ» (Xjan Tuʼjil). Jaku cheʼx tmajen Jehová klol kyibʼ tukʼil ex jyol onbʼil (Éxodo 17:13-16). |
Jehová-salom |
Jueces 6:23, 24 (Reina Valera) |
«Ate Qman qʼuqbʼalte qkʼuʼj» moqa «Ate Qman Dyos nakʼbʼil» (Xjan Tuʼjil). |
Jehová-sama |
Ezequiel 48:35 (Reina Valera) |
«Ate Qman at tzalu». |
Jehová-yiré |
Génesis 22:13, 14 (Traducción del Nuevo Mundo) |
«Ate Qman in tzaj qʼonte». |
¿Tiquʼn nim toklen tuʼn tok qojtzqiʼn ex tuʼn tajbʼen tbʼi Dios quʼn?
Toj twitz Dios nim toklen tbʼi, tuʼntzunju xi tqʼoʼn ambʼil tuʼn tkux qʼoʼn nim mil maj toj Xjan Uʼj (Malaquías 1:11).
Ok tqʼoʼn Jesús toklen tbʼi Dios ex ajbʼen tuʼn nimku maj. Jun techel, tej tnaʼn Dios te Jehová tqʼama jlu: «Tenwt tchiylal tbʼiya qeye» (Mateo 6:9; Juan 17:6).
Aqeju xjal in nel kynikʼ tiʼj tbʼi Dios ex in najbʼen kyuʼn, in xi tzyet tuʼn tten jun tbʼanel kyamiwbʼil tukʼil Jehová (Salmo 9:10; Malaquías 3:16). Tuʼn jlu jaku che tzalaj tiʼj ttziybʼil Dios lu: «Ok kletel ju okslal wuʼne, ex kjawix nqʼoʼne tuj lugar segurxix, tuʼnju ma tzʼel tnikʼ wiʼje ex at tkʼujlalil wiʼje» (Salmo 91:14).
In tzaj tqʼamaʼn Tyol Dios jlu: «At junjun tok kybʼi dios qa tuj kyaʼj ex qa twitz txʼotxʼ, tuʼnju at nimku kydios xjal ex nimku kypatrón» (1 Corintios 8:5, 6). Noqtzun tuʼnj, in tzaj tqʼamaʼn Xjan Uʼj qa Jehová tbʼi Dios axix tok (Salmo 83:18).
a Ateʼ junjun xjal in che xnaqʼtzan tiʼj yol hebreo in kubʼ kytraducirin ik tzeʼn «Yahweh» moqa «Yahvé».
Bʼalo ax ikx tgana jlu
QE XJEL TIʼJ TYOL DIOS
¿Alkye Jehová?
¿In nokpe Jehová te Tdios jun kʼloj xjal ik tzeʼn kye aj Israel toj ambʼil ojtxe?
QE XNAQʼTZBʼIL NIM KYOKLEN TOJ TYOL DIOS
¿Atpe tbʼi Dios?
At nim título in xi qʼamet tiʼj Dios, ik tzeʼn At Tipumal, Bʼinchal tkyaqil ex Qajaw. Noqtzun tuʼnj, in kanet junlo 7,000 maj tbʼi Dios toj Xjan Uʼj.
TQANIL KYIʼJ TESTIGOS DE JEHOVÁ
Qaninxa tuʼn tpon jun testigo de Jehová visitaril teya
Qaninxa jun t-xjela kyiʼj testigo de Jehová moqa ojtzqinka mas tqanil kyiʼj.