¿Nda̱saa ki̱vi̱ Ndióxi̱ íyo?
Ña̱ káʼa̱n Biblia xa̱ʼa̱ ña̱yóʼo
Iinlá kuití kúú ki̱vi̱ Ndióxi̱ íyo. Ña̱ tu̱ʼun hebreo siaʼa ni̱ka̱ʼyi̱ña יהוה ta tu̱ʼun sáʼán kúúña “Jehová”. a Ndióxi̱ xi̱niñúʼura ta̱ profeta Isaías ña̱ ka̱ʼa̱nra ña̱yóʼo: “Yi̱ʼi̱ kúú Jehová. Ña̱yóʼo kúú ki̱víi̱” (Isaías 42:8). Ki̱vi̱ Ndióxi̱ ki̱ʼva 7,000 yichi̱ va̱xiña nu̱ú Biblia, chi saá ni̱ka̱ʼyi̱ña nu̱ú manuscrito ña̱ ni̱ka̱ʼyi̱ xi̱naʼá, ta ña̱yóʼo kúú ña̱ ku̱a̱ʼáka yichi̱ va̱xi nu̱ú inkaka ki̱vi̱. b
¿Á ku̱a̱ʼá kúú ki̱vi̱ Jehová íyo?
Ni iinlá kuití kúú ki̱vi̱ Ndióxi̱ va̱xi nu̱ú Biblia, va̱xika inka ki̱ʼva ña̱ káʼa̱nna xíʼinra, soo su̱ví ki̱vi̱víra kúú ña̱yóʼo. Chí ni̱nu̱ yóʼo kuniún iin lista nu̱ú va̱xi ku̱a̱ʼá ki̱ʼva ña̱ káʼa̱nna xíʼin Ndióxi̱. Ta iin iin ña̱ va̱xi yóʼo káʼa̱nña xa̱ʼa̱ ndáa ki̱ʼva íyo Jehová.
Ki̱ʼva ña̱ káʼa̱nna xíʼinra |
Ndáa míí va̱xiña nu̱ú Biblia |
Ña̱ kúni̱ kachiña |
|---|---|---|
Alá |
(Kǒoña va̱xi) |
Tu̱ʼun Alá iin tu̱ʼun árabe kúúña. Su̱ví iin ki̱vi̱ kúúña, chi ña̱yóʼo kúni̱ kachiña “Ndióxi̱”. Nu̱ú Biblia ña̱ tu̱ʼun árabe xíʼin savaka tu̱ʼun tá va̱xi tu̱ʼun Alá nu̱úña kúni̱ kachiña Ndióxi̱. |
Alfa xíʼin Omega |
Alfa kúú ki̱vi̱ letra ña̱ nu̱ú va̱ʼa va̱xi ti̱xin tu̱ʼun griego ta omega kúú ki̱vi̱ letra ña̱ va̱xi nda̱a̱ so̱ndíʼi. Ña̱yóʼo káʼa̱nña xa̱ʼa̱ Jehová ña̱ kúúra ‘ta̱ nu̱ú xíʼin ta̱ so̱ndíʼi’ á “ta̱ ki̱xáʼa xa̱ʼa̱ ta saátu ta̱ so̱ndíʼi”, ta kúni̱ kachiña ña̱ kǒo inka ndióxi̱ na̱ kúúmií ndiʼi ndee̱ nda̱a̱ táki̱ʼva íyo Jehová, ta ni chí nu̱únínu kǒo ni iinna koo (Isaías 43:10). |
|
Ndióxi̱ |
Saá káʼa̱nna xíʼin ndiʼi ña̱ʼa ña̱ ndásakáʼnuna, ta saátu káʼa̱nna xíʼin na̱ kúúmií ndee̱. Tu̱ʼun ʼElohím va̱xiña ti̱xin tu̱ʼun hebreo ta plural kúúña, ta káʼa̱nña xa̱ʼa̱ Jehová ña̱ kúúra iin Ndióxi̱ ta̱ káʼnuní. |
|
Ndióxi̱ kúni̱ra ña̱ iinlá miíra ná ndasakáʼnuyó |
Va̱ása kúni̱ra ña̱ ndasakáʼnuyó inka ndióxi̱. |
|
Ndióxi̱ ta̱ si̱í-ini |
Ña̱yóʼo kúni̱ kachiña ña̱ ndiʼi tiempo si̱íní íyora (Salmo 104:31). |
|
Pastor |
Salmo 23:1 |
Ndáara na̱ ndásakáʼnu-ñaʼá. |
Rey ta̱ íyo ndiʼi tiempo |
Ta̱yóʼo ndiʼi tiempo kúúra ta̱ chíñu káʼnu, ta saá koora ndiʼi tiempo. |
|
Ta̱ i̱xava̱ʼa ndiʼi ña̱ʼa |
Isaías 40:28 Isaías 64:8 |
Ta̱yóʼo kúú ta̱ i̱xava̱ʼa ndiʼi ña̱ʼa (Apocalipsis 4:11). Ta̱yóʼo kúú ta̱ xáʼndachíñu nu̱ú na̱ yiví ta saátu xáʼndachíñura nu̱ú ndiʼi ñuu, nda̱a̱ táki̱ʼva kéʼé iin ta̱ íxava̱ʼa ña̱ʼa xíʼin nda̱ʼyi̱, chi kivi keʼéra ña̱ kúni̱ miíra xíʼinña (Romanos 9:20, 21). |
Ta̱ káʼnu |
Salmo 47:2 |
Ña̱yóʼo kúni̱ kachiña ña̱ kúúra ta̱ káʼnuka nu̱ú ndiʼina. |
Ta̱ kúú Ndióxi̱ nu̱ú ndiʼika na̱ kúú ndióxi̱ |
Ta̱yóʼo kúú Ndióxi̱ ta̱ káʼnu nu̱ú ndiʼika na̱ ndióxi̱ na̱ va̱ása ndáyáʼvi (Isaías 2:8). |
|
Ta̱ kúúmií ndiʼi ndee̱ |
Kǒo nda̱a̱ ni iin na̱ kúúmií ndee̱ nda̱a̱ táki̱ʼva kúúmií ta̱yóʼo. Tu̱ʼun hebreo ’El Schaddái, kúni̱ kachiña “Ndióxi̱ ta̱ kúúmií ndiʼi ndee̱”, ta u̱xa̱ yichi̱ va̱xiña nu̱ú Biblia. |
|
Ta̱ nda̱satá miíyó |
Isaías 41:14 |
Ta̱yóʼo kúú ta̱ sáka̱ku ta ndásatára na̱ yiví ndaʼa̱ ku̱a̱chi ta saátu nu̱ú ña̱ xáʼní na̱ yiví, ta ña̱ va̱ʼa keʼéra ña̱yóʼo ta̱xira se̱ʼera ta̱ Jesús ña̱ ni̱xi̱ʼi̱ra xa̱ʼa̱yó (Juan 3:16). |
Ta̱ sáka̱ku miíyó |
Isaías 45:21 |
Sáka̱kura miíyó nu̱ú tu̱ndóʼo, nu̱ú ña̱ kivi kaʼní miíyó ta saátu nu̱ú ña̱ kivi sandíʼi-xa̱ʼa̱ miíyó. |
Ta̱ va̱ʼaní sánáʼa̱ |
Isaías 30:20, 21 |
Ta̱yóʼo kúú ta̱ níʼi yichi̱ nu̱úyó, ta xa̱ʼa̱ ña̱ va̱ʼa miíyó kúú ña̱ sánáʼa̱ra miíyó (Isaías 48:17, 18). |
Ta̱ xi̱ku̱a̱ʼa̱ ta̱ táku ndiʼi tiempo |
Daniel 7:9, 13, 22 |
Kǒo na̱ ní ixava̱ʼa-ñaʼá, xa̱a̱ siʼnakara íyo nu̱ú ndiʼi ña̱ʼa ña̱ na̱kuva̱ʼa, ta̱yóʼo ndiʼi tiempo íyora (Salmo 90:2). |
Ta̱ xíniso̱ʼo oración |
Salmo 65:2 |
Ta̱yóʼo kúú ta̱ xíniso̱ʼo oración ña̱ kéʼé na̱ yiví xíʼin ndinuʼu-inina. |
Ta̱ yi̱i̱ní |
Proverbios 9:10 |
Ta̱yóʼo kúú mií ta̱ yi̱i̱ va̱ʼaka nu̱ú ndiʼina, ni loʼo ña̱ yaku̱a̱ kǒo kúúmiíra. |
Táta |
Salmo 135:5 |
Ta̱ xíʼin kuenta ndiʼi ña̱ʼa; tu̱ʼun hebreo kúúña ʼAdhóhn xíʼin ʼAdhoním. |
Táta káʼnu |
Ta̱yóʼo kúú ta̱ chíñu káʼnu. Tu̱ʼun hebreo kúúña ’Adhonái. |
|
Yi̱ʼi̱ xa̱i̱ koi̱ nda̱a̱ ndáaka ña̱ kúni̱ miíi̱ koi̱ |
Ña̱yóʼo kúni̱ kachiña ña̱ kivi keʼéra nda̱a̱ ndáaka ña̱ kúni̱ miíra ña̱ va̱ʼa xi̱nu ña̱ kúni̱ra. Ña̱yóʼo chíndeétáʼanña xíʼinyó ña̱ va̱ʼa kunda̱a̱-iniyó ndáaña kúni̱ kachi ki̱vi̱ mií Ndióxi̱ ña̱ va̱xi nu̱ú Éxodo 3:15. |
|
Yiváyó |
Ta̱yóʼo kúú ta̱ táxi ña̱ tákuyó. |
|
Yu̱u̱ káʼnu |
Salmo 18:2, 46 |
Ta̱yóʼo kúú ta̱ kivi kundaa-iniyó ta sáka̱kura miíyó. |
Ki̱vi̱ lugar ña̱ va̱xi nu̱ú Escrituras Hebreas
Sava ki̱vi̱ lugar ña̱ va̱xi nu̱ú Biblia va̱xi ki̱vi̱ Ndióxi̱ xíʼinña, soo va̱ása kúni̱ kachiña ña̱ kúúña inkaka ki̱vi̱ Ndióxi̱.
Lugar |
Ndáa míí va̱xiña nu̱ú Biblia |
Ña̱ kúni̱ kachiña |
|---|---|---|
Jehová-nisí |
Na̱ ñuu Jehová kivi kuyatinna nu̱úra ña̱ va̱ʼa chindeétáʼanra xíʼinna ta kundaarana (Éxodo 17:13-16). |
Nda̱chun ndáyáʼviní kunda̱a̱-iniyó xa̱ʼa̱ ki̱vi̱ Ndióxi̱ ta saátu ña̱ kuniñúʼuyóña
Nu̱ú Jehová Ndióxi̱ ndáyáʼviní ki̱vi̱ra saáchi ku̱a̱ʼání yichi̱ ta̱xira ña̱ kixiña nu̱ú Biblia (Malaquías 1:11).
Ta̱ Jesucristo, ta̱ kúú se̱ʼe Ndióxi̱, ku̱a̱ʼání yichi̱ ni̱ka̱ʼa̱nra ña̱ ndáyáʼviní ki̱vi̱ Ndióxi̱. Tá kúú tá ni̱ka̱ʼa̱nra xíʼin Jehová ka̱chira: “Ná nduyi̱i̱ ki̱vi̱ún” (Mateo 6:9; Juan 17:6).
Ña̱ nu̱ú va̱ʼa ña̱ kivi keʼéna ña̱ va̱ʼa xa̱a̱na koona migo Jehová kúú ña̱ sakuaʼana xa̱ʼa̱ra ta kuniñúʼuna ki̱vi̱ra (Salmo 9:10; Malaquías 3:16). Tá kúúna migora saá kúú ña̱ xínu ña̱yóʼo: “Xa̱ʼa̱ ña̱ kúni̱ra xínira yi̱ʼi̱, sakǎkui̱ra. Kundai̱ra chi xíni̱ra ki̱víi̱” (Salmo 91:14).
Ña̱ Biblia káchiña: “Íyoní na̱ káʼa̱nna ndióxi̱ xíʼin chí ndiví xíʼin nu̱ú ñuʼú yóʼo, ta nu̱ú na̱ yiví íyo ku̱a̱ʼání ‘ndióxi̱’, ta íyo ku̱a̱ʼání na̱ kúú ‘táta’” (1 Corintios 8:5, 6). Soo ña̱ Biblia káchiña ña̱ iinlá Jehová kúú Ndióxi̱ ta̱ nda̱a̱ (Salmo 83:18).
a Sava na̱ xíni̱ va̱ʼa tu̱ʼun hebreo xíniñúʼuna tu̱ʼun “Yahweh” á “Yahvé” ña̱ ka̱ʼa̱nna ki̱vi̱ Ndióxi̱.
b Jah kúú inka ki̱ʼva ña̱ xíniñúʼuna ña̱ ka̱ʼa̱nna ki̱vi̱ Ndióxi̱ ta ki̱ʼva 50 yichi̱ va̱xiña nu̱ú Biblia. Tá kúú tu̱ʼun Aleluya, kúni̱ kachiña “Ndasakáʼnundó Jah” (Apocalipsis 19:1; Reina-Valera).
Sanatu kutóún ña̱yóʼo
ÑA̱ KÚNI̱NA KUNDA̱A̱-ININA XA̱ʼA̱ BIBLIA
¿Ndáa ta̱ kúú Jehová?
¿Á Ndióxi̱ na̱ ñuu Israel kuití kúúra?
ÑA̱ KÁʼA̱N XA̱ʼA̱NDI̱
Ka̱ʼa̱n xíʼin iinna ña̱ ná ku̱ʼu̱nna kotona yóʼó
Sakúaʼa ndáaña káʼa̱n Biblia xa̱ʼa̱ iin ña̱ʼa á sákuaʼaka xa̱ʼa̱ na̱ testigo Jehová.