¿Masna shutiunara Yaya Dios charin?
Biblia cutipashca
Yaya Dios shujlla shutira charinmi. Hebreo shimii quillcarin יהוה (YHWH), español shimima pasachishca an “Jehová”. a Paihua profeta Isaiasmanda rimaca: “Ñuca Jehovami ani. Chimi ñuca shuti” (Isaías 42:8). Cai Diospa shuti ñaupa quillcashca Bibliai 7.000 cuti quillcashca aca, caimi yali an maican paihua titulogunamanda shuj shutiunamandas. b
¿Jehová shuj shutiunara charin?
Biblia nin Yaya Dios shujlla shuti charin, astaumbas nin tituloguna charin pai imasna ashcara ricuchingaj. Mas ñaupajma ricungui maican paihua titulogunamanda shu listara. Ricui imasna caran título ricuchin Jehová imasna ashcara.
Título |
Bibliai maibi tuparin |
Imara nisha nin |
|---|---|---|
Alá |
(Mana ricurin) |
Alá shimi árabe shimimanda an. Mana an shu quiquin shuti astaun shu título an, nisha nin “Dios”. Árabe shimii shuj shimiunais tiaj Bibliagunai Alá shimi nisha nin Dios. |
Alfa, Omega |
Alfa griego shimimanda punda letra an, omega puchucai letra. Cai shimiuna nisha nin Jehová an “callarinas” shinallara “tucurinas”, paimanda ñaupalla mana shuj tucui ushaj dios tiaca shinallara paimanda huasha mana tiangachu (Isaías 43:10). |
|
Allpa mangara ruraj |
Cai nisha nin, imasna allpa mangara ruraj runa allpa mangahua imaras rurana ushan, shinallara Yaya Dios runaunara llactaunaras mandana ushaira charinmi (Romanos 9:20, 21). |
|
Atun Dios |
Cai nisha nin, tucuigunamanda ahuai tian. |
|
Anciano de Días |
Cai nisha nin, Yaya Dios mana charica shu callarina, pai tucui huras tiashca mana imas mana pis tiashca hurasllaira (Salmo 90:2). |
|
Celoso |
Cai nisha nin, Jehová mana gustanzhu ñucanchi shuj diosgunara adurangaj. Maspas pai mandan paillara adurangahua. |
|
Ruraj |
Cai nisha nin, pai tucui tiaj cosasgunara rurarca. |
|
Dios |
Cai nisha nin, maican cosasguna, maican ushaj ajtas adurangaj. Hebreo shimii ʼElohím nishca shimi ricuchin Jehová ahuayachinara, respetanara, sumajyarinara. |
|
Bendiciashca Dios |
1 Timoteo 1:11, Reina-Valera |
Cai nisha nin, tucui huras cushi ashcara (Salmo 104:31). Cai shimiuna pasachina ushan “cushi Dios” ashcara (Traducción del Nuevo Mundo). |
Diosgunamanda Dios |
Cai nisha nin, tucui tiaj yanga diosgunamanda Yaya Dios mas yali ashcara (Isaías 2:8). |
|
Yachachij |
Isaías 30:20, 21, La Biblia de las Américas |
Cai nisha nin, pai ñucanchira yachachin, pushan ali causangaj (Isaías 48:18). Yaya Dios ñucanchi mas ali Yachachij an. |
Atun Ruraj |
Cai nisha nin, Yaya Dios tucui tiajcunamanda Ruraj an (Apocalipsis 4:11). |
|
Mañashcara uyaj |
Cai nisha nin, Yaya Dios tucui shungumanda oracionda mañashcaunara uyanmi. |
|
Yaya |
Cai nisha nin, pai causaira cuj an. |
|
Buriguunara Cuiraj |
Cai nisha nin, paita adurajcunara cuiran. |
|
Quishpichij, Randij |
Isaías 41:14, Reina-Valera |
Cai nisha nin, Yaya Dios paihua Churi Jesús causaira cusha runaunara uchamanda huañunamandas quishpichin, randin (Juan 3:16). |
Causaimanda Rey Apu |
Cai nisha nin, pai tucui huras charishca shinallara charinga tucui mandana ushaira. |
|
Rumi |
Cai nisha nin, Yaya Dios miticuna lugar cuinta quishpichina ushan. |
|
Quishpichij |
Cai nisha nin, Yaya Dios llaquiunamanda, huañuimanda, tucuchinamandas quishpichij an. |
|
Santísimu |
Cai nisha nin, tucui causajcunamanda pai tucui ruranaunai santo, chuyaj an. |
|
Señor |
Cai nisha nin, pai duiñu, patrun an; hebreo shimii ʼAdhóhn, ʼAdhoním an. |
|
Tucuira Mandaj |
Cai nisha nin, Dios tucuigunara mandana dirichura charin. Hebreo shimii an ʼAdhonái. |
|
Mas Atun |
Cai nisha nin, Tucuira Mandaj Atun Dios an. |
|
Tucui Ushaj Dios |
Cai nisha nin, mana imas, mana pis paimanda mas ushaira charina ushan. Hebreo shimii ʼEl Schaddái an, nisha nin “Tucui Ushaj Dios”, Bibliai canzhis cuti ricurin. |
|
Yahvé Sebaot, ejercitogunamanda Señor |
Isaías 1:9, Romanos 9:29, Biblia de Jerusalén, 1998 |
Cai nisha nin, tucui angelgunara mandaj an. Cai shimi pasachina usharin “ejercitogunamanda Jehová” shinallara “Ejercitogunamanda Señor” (Romanos 9:29, Traducción del Nuevo Mundo, Mushuj Pactachina Shimi). |
Ñuca ima munashcaras tucusha |
Cai ricuchin Yaya Dios sirtu tiashcara, astaun hebreo shimii nisha nin imas tucuna ushan paihua munaira pactachingaj. Chimanda cai shimiuna pasachina usharin “Ñuca Ashami Ñuca Munashcasna Tucungahua”. Cai intindingaj yanapan Diospa shuti Jehová ima ricuchishcara, cai shuti cati versiculoi ricurin (Éxodo 3:15). |
Llactaunamanda shutiuna Escrituras Hebreas nishca partii
Huaquin Bibliai rimashca llactaunamanda shutiuna Diospa shuti charinun, shinajpi cai shutiuna mana shuj Diospa shutiuna anun.
Llacta |
Bibliai maibi tuparin |
Imara nisha nin |
|---|---|---|
Jehová-nisí |
Cai nisha nin, “Jehová ñuca Caspi-Señal an” (La Palabra de Dios para Todos). Jehová Dios llacta paihuajma mayanllana ushan paihua cuiranara, yanapanara mascangaj (Éxodo 17:13-16). |
|
Jehová-salom |
Cai nisha nin, “ganaslla causaj Jehová”. |
|
Jehová-sama |
Ezequiel 48:35, Reina-Valera |
Cai nisha nin, “Jehová Chibi An”. |
Jehová-yiré |
Cai nisha nin, “Jehová cungami”. |
Imarasha valishca an Diospa shutira ricsina rimanas
Diosta paihua shuti Jehová yapa valishca an, chimanda Bibliai ashca huaranga cuti quillcachishca (Malaquías 1:11).
Diospa Churi, Jesucristo, ashca cuti ricuchica Diospa shuti valishca ashcara. Pai Jehovara mañashcai nica: “camba shutira ahuayachishca achu” (Mateo 6:9; Juan 17:6).
Diospa shutira ricsingaj, rimangaj callarisha Jehovahua amigo tucungaj callarinun (Salmo 9:10; Malaquías 3:16). Jehová paihua amigogunara nin: “Pai ñucara llaquishcamanda paita quishpichishami. Paita cuirashami ñuca shutira ricsishcamanda” (Salmo 91:14).
Biblia nin: “Huaquin yanga dios nishcauna tiashas ahua pachais cai pachais, imasna ashca dioscunas ashca señorgunas tianaun” (1 Corintios 8: 5, 6). Chimanda, Biblia Jehová shutira ricuchisha intindichin paillara sirtu Dios anmi (Salmo 83:18).
a Maican hebreo shimira estudiaj runauna pasachinun “Yahweh” shinallara “Yahvé”.
b Diospa shuti uctalla rimangaj quillcana tunu an, Jah, Bibliai cincuenta cuti quillcashca tian. Por ejemplo Aleluya nishca shimii tian, nisha nin Jehovara alabaichi (Apocalipsis 19:1).
Cai temagunaras leana munanguichari
ENSEÑANZAS IMPORTANTES DE LA BIBLIA
Yaya Dios ¿ima shuti an?
Yaya Dios ashca titulogunara charinmi, Señor, Tucui Ushaj, Rurajpas. Shinajpis Diosllara paihua shutira canchis huaranga yali cutinmi Bibliai quillcachica.
ÑUCANCHIMANDA
Bibliamanda yachanara mañai
Pasiachu mañai Jehovahuaj testigogunahua Bibliamanda shu temara yachangaj shinallara Bibliamanda gratis yachangaj mañana ushangui jw.org paginai tiaj formulariora quillcasha.