Molimo o na le Mabitso a Makae?
Karabo ea Bibele
Molimo o na le lebitso le le leng feela. Ka Seheberu lebitso la hae le ngoloa e le יהוה ’me ka Senyesemane ke “Jehovah.” a A sebelisa moprofeta oa hae Esaia, Molimo o ile a re: “Ke ’na Jehova. Ke lona lebitso la ka.” (Esaia 42:8) Lebitso lena le hlaha ka makhetlo a ka bang 7 000 likhatisong tsa pele tsa Bibele ’me sena se bolela hore le hlaha ka makhetlo a mangata ho feta litlotla le ha e le life tsa Molimo kapa mabitso a batho ba bang. b
Na Jehova o na le mabitso a mang?
Le hoja Bibele e sebelisa lebitso le le leng feela ha e bua ka Molimo, e boetse e sebelisa litlotla le lipolelo tse ling tse mo hlalosang. Lethathamo le latelang la tse ling tsa litlotla le lipolelo tse hlalosang Molimo, le bontša kamoo e ’ngoe le e ’ngoe ea tsona e hlalosang kamoo Jehova a leng kateng.
Tlotla |
E hlaha ho |
Tlhaloso |
|---|---|---|
Allah |
(Ha e eo) |
Puong ea Searabia, lentsoe “Allah” ha se lebitso la Molimo empa ke tlotla e bolelang “Molimo.” Liphetolelo tsa Bibele ea Searabia le lipuo tse ling li sebelisa “Allah” ha li bua ka “Molimo.” |
Ea Matla Ohle |
O na le matla a ke keng a lekanngoa. Polelo ea Seheberu e reng ʼEl Shad·daiʹ e leng “Molimo ea Matla Ohle,” e hlaha ka makhetlo a supileng ka Bibeleng. |
|
Alfa le Omega |
“Oa pele le oa ho qetela” kapa “qalo le qetello,” e leng ho bolelang hore ha ho na Molimo ea Matla Ohle ea bileng teng pele ho Jehova le hore ha ho na e mong ea tla ba teng. (Esaia 43:10) Alfa ke tlhaku ea pele lialfabeteng tsa Segerike ’me omega ke tlhaku ea ho qetela. |
|
Moholo-holo oa Matsatsi |
Ha a na qalo. Haesale a le teng pele mang kapa mang kapa lintho le ha e le life tse ling li e-ba teng.—Pesaleme ea 90:2. |
|
’Mopi |
O entse ntho e ’ngoe le e ’ngoe. |
|
Ntate |
Mofani oa bophelo. |
|
Molimo |
Eo e leng eena ea lokeloang ke borapeli. Lentsoe la Seheberu ʼElo·himʹ le hlalosa lintho tse ngata ka Jehova joaloka bophahamo ba hae, seriti seo a nang le sona le bokhabane ba hae. |
|
Molimo oa melimo |
Ke Molimo ea phahameng ka ho fetisisa papisong le “melimo ea lefeela” eo ba bang ba e rapelang.—Esaia 2:8. |
|
Morupeli e Moholo |
O fana ka lithuto le tataiso e re tsoelang molemo.—Esaia 48:17, 18. |
|
Moetsi e Moholo |
O entse lintho tsohle.—Tšenolo 4:11. |
|
Molimo ea Thabileng |
O tsebahala ka thabo eo a nang le eona.—Pesaleme ea 104:31. |
|
Ea utloang thapelo |
O mamela lithapelo tsa ba mo rapelang ka tumelo. |
|
Ke ’na Eena eo e Ntseng e le Eena |
Exoda 3:14, Bibele Phetolelo e Ncha |
O fetoha eng kapa eng e hlokahalang e le hore a phethahatse morero oa hae. Poleloana ena e boetse e fetoletsoe e le “Ke Tla Ba eng kapa eng eo ke e batlang” kapa “Ke Tla Ba Seo Ke Tla Ba Sona.” (The Emphasised Bible, ea J. B. Rotherham; Phetolelo ea Lefatše le Lecha) Polelo ena e thusa ho hlalosa lebitso Jehova, leo ho buuoang ka lona temaneng e tlang ka mor’a eo.—Exoda 3:15. |
Sebouleli |
Exoda 34:14, Bibele Phetolelo e Ncha |
O batla ho rapeloa a le mong. Lentsoe lena le fetoletsoe ka hore “ha a mamelle tlholisano” kapa “o tsebahala ka ho batla hore ho rapeloe eena feela.”—God’s Word Bible; New World Translation. |
Morena oa bosafeleng |
Bobusi ba hae ha bo na qalo kapa qetello. |
|
Morena |
Monghali, eo ka Seheberu e leng ʼA·dhohnʹ le ʼAdho·nimʹ. |
|
Morena oa mabotho, Morena oa Makhotla |
Esaia 1:9, Bibele Phetolelo e Ncha; Baroma 9:29, Bibele ea Sesotho |
Molaoli oa mangeloi a mangata a matla. Tlotla e reng “Morena oa Makhotla” e ka boela ea ngoloa e le “Jehova oa mabotho” le “Morena oa mabotho [a leholimo].”—Baroma 9:29, Phetolelo ea Lefatše le Lecha; naletsana ea NET Bible. |
Ea Phahameng ka ho Fetisisa |
Ea boemong bo phahameng ka ho fetisisa. |
|
Ea Halalelang ka ho Fetisisa |
O halalela (boitšoarong) ho feta motho le ha e le ofe e mong. |
|
Sebopi |
O na le matla holim’a batho le lichaba tsohle joalokaha sebopi se na le matla holim’a letsopa.—Baroma 9:20, 21. |
|
Molopolli, Morekolli |
Esaia 41:14; Bibele Phetolelo e Ncha |
O lopolla batho sebeng le lefung a sebelisa sehlabelo sa thekollo sa Jesu Kreste.—Johanne 3:16. |
Lefika |
Oa sireletsa ebile oa pholosa. |
|
Mopholosi |
O pholosa batho kotsing kapa timetsong. |
|
Molisa |
O tsotella barapeli ba hae. |
|
’Musi Morena |
O na le bolaoli bo phahameng ka ho fetisisa, ka Seheberu ke ʼAdho·naiʹ. |
|
Ea Holimo-limo |
’Musi ea phahameng ka ho fetisisa. |
Mabitso a libaka ka Mangolong a Seheberu
Le hoja mabitso a libaka tse ling ka Bibeleng a kenyelletsa lebitso la Molimo, seo ha se bolele hore ke mabitso a hae.
Lebitso la sebaka |
E hlaha ho |
Tlhaloso |
|---|---|---|
Jehova-jire |
“Jehova o Tla Fana.” |
|
Jehova-nisi |
“Jehova ke Folaga ea ka.” (Bibele ea Sesotho) Jehova ke Molimo eo batho ba hae ba mathelang ho eena bakeng sa tšireletseho le thuso.—Exoda 17:13-16. |
|
Jehova-shalome |
“Jehova ke Khotso.” |
|
Jehova-shamma |
Ezekiele 48:35, Bibele ea Sesotho |
“Jehova o Teng Mona.” |
Mabaka a ho tseba le ho sebelisa lebitso la Molimo
Molimo o entse bonnete ba hore lebitso la hae le hlaha ka makhetlo a likete ka Bibeleng hobane ke la bohlokoa.—Malakia 1:11.
Jesu, mora oa Molimo, o ile a hatisa bohlokoa ba lebitso la Molimo. Ka mohlala, o ile a rapela Jehova a re: “Lebitso la hao le ke le halaletsoe.”—Matheu 6:9; Johanne 17:6.
Mohato oa pele oa hore motho a be le kamano e haufi le Molimo ke hore a tsebe lebitso la hae e leng Jehova le ho le sebelisa. (Pesaleme ea 9:10; Malakia 3:16) Kamano ena e etsa hore ba rue molemo tšepisong ea Molimo e reng: “Kahobane o behile boikutlo ba hae bo mofuthu ho ’na, ke tla boela ke mo pholose. Ke tla mo sireletsa hobane o tsebile lebitso la ka.”—Pesaleme ea 91:14.
Bibele e ea lumela hore: “Ho na le ba bitsoang “melimo,” ebang ke leholimong kapa lefatšeng, feela joalokaha ho na le “melimo” e mengata le “marena” a mangata.” (1 Bakorinthe 8:5, 6) Leha ho le joalo, e bontša ka ho hlaka hore ho na le Molimo a le mong feela oa ’nete eo lebitso la hae e leng Jehova.—Pesaleme ea 83:18.
a Liithuti tse ling tsa Seheberu li khetha ho sebelisa “Yahweh” moo ho hlahang lebitso la Molimo.
b “Jah,” e leng lebitso la Jehova le khutsufalitsoeng, le hlaha ka makhetlo a ka bang 50 ka Bibeleng, ho kenyelletsa le lentsoe “Hallelujah” kapa “Alleluya” le bolelang “Rorisang Jah.”—Tšenolo 19:1; American Standard Version; Bibele ea Sesotho.
Mohlomong u ka Rata le
LIPOTSO TSA BIBELE LIA ARAJOA
Jehova ke Mang?
Na ke Molimo oa morabe o le mong feela, joaloka Baiseraele?
ESSENTIAL BIBLE TEACHINGS
Na Molimo o na le Lebitso?
Molimo o na le litlotla tse ngata, tse kang Ea Matla ’Ohle, ’Mōpi le Morena. Empa lebitso la Molimo le hlaha ka makhetlo a ka bang 7 000 ka Bibeleng.
LIPOTSO TSA BIBELE LIA ARAJOA
Na Lebitso la Molimo ke Jesu?
Ha ho mohla Jesu a kileng a ipitsa Molimo ea Matla ’Ohle. Hobane’ng?
MABAPI LE RŌNA
Kōpa Thuto ea Bibele
U ka rutoa Bibele ka nako ea hao le sebakeng seo u se khethang ntle ho tefo.