God i Gat Hamas Nem?
Bekim bilong Baibel
God i gat wanpela nem tasol. Dispela nem i stap long rait Hibru יהוה na long tok Inglis ol i tanim olsem “Jehova.” a Long rot bilong profet Aisaia, God i tok: “Mi Jehova. Dispela em nem bilong mi.” (Aisaia 42:8) Dispela nem i stap klostu 7,000 taim long ol olpela manuskrip bilong Baibel—em i stap planti taim moa winim ol narapela nem i makim God, o nem bilong ol narapela man. b
Yu ting Jehova i gat ol narapela nem?
Taim Baibel i stori long God em i kolim dispela wanpela nem, tasol em i yusim tu planti biknem na ol tok i makim God. Dispela lista i kamapim sampela biknem na ol tok bilong soim hau wan wan nem i kamapim pasin bilong Jehova.
Biknem |
Referens |
Mining |
|---|---|---|
God i Gat Olgeta Strong |
Em i gat olgeta strong. Dispela tok Hibru ʼEl Shad·daiʹ, “God i Gat Olgeta Strong,” i stap 7-pela taim long Baibel |
|
Alfa na Omega |
‘Fes na las,’ o ‘kirap bilong ol samting na pinis bilong ol samting,’ dispela i makim olsem i no gat wanpela God i Gat Olgeta Strong i stap paslain long Jehova na i no gat wanpela bai kamap bihain long em. (Aisaia 43:10) Alfa na Omega em fes na las leta long ol alfabet bilong ol Grik. |
|
Man Bilong Bipo Bipo Yet |
Em i no gat kirap bilong em; em i stap paslain tru long wanpela man o wanpela samting i kamap.—Buk Song 90:2. |
|
Krieta |
Em i wokim olgeta samting. |
|
Papa |
Man bilong givim laip. |
|
God |
Wanpela samting ol man i lotuim; Man i gat bikpela strong. Dispela tok Hibru ʼElo·himʹ i makim planti samting, em i makim biknem bilong Jehova, o em i nambawan. |
|
God bilong olgeta god |
Dispela nambawan God, i winim “ol yusles god” em sampela man i save lotuim.—Aisaia 2:8. |
|
Nambawan Bikpela Tisa |
Em i save givim tok bilong skulim na stiaim man.—Aisaia 48:17, 18. |
|
Bikpela Man Bilong Wokim |
Em i bin wokim olgeta samting.—Revelesen 4:11. |
|
God bilong amamas |
Amamas em pasin tru bilong em.—Buk Song 104:31. |
|
Man Bilong Harim ol prea |
God yet i save harim olgeta wan wan beten bilong ol man i bilip na beten. |
|
Mi Bai Kamap Wanem Wanem Kain Mi Laikim |
Kamap wanem wanem kain bilong inapim ol samting em i tingting pinis long mekim. Dispela tok i kamapim klia nem bilong God, Jehova, olsem i stap long neks ves.—Kisim Bek 3:15. |
|
King bilong oltaim oltaim |
Wok bos bilong em i no gat kirap o pinis bilong en. |
|
Bikpela |
Papa bilong wanpela samting o bosman; Hibru ʼA·dhohnʹ na ʼAdho·nim. |
|
Bikpela bilong bikpela ami, Bikpela bilong Sabaot |
Aisaia 1:9, King Jems Pisin Baibel; Rom 9:29, King Jems Pisin Baibel |
Komanda bilong bikpela lain ensel. Dispela biknem “Bikpela bilong Sabaot” inap makim tu “Jehova, bosman bilong bikpela lain ami” na “Bikpela bilong lain ami [bilong heven].”—Rom 9:29, New World Translation; NET Bible, futnot. |
God Antap Tru |
Em i bosim olgeta hap. |
|
God Holi Tru |
Holi tru (klin tru na i no gat asua) winim tru ol narapela man. |
|
Man Bilong Wokim Sospen Graun |
Em i bosim ol wan wan man na ol lain man, wankain olsem man bilong wokim sospen graun i bosim dispela klei em i wok long en.—Rom 9:20, 21. |
|
Bikpela man bilong baim bek |
Aisaia 41:14; King Jems Pisin Baibel |
Kisim bek o baim bek ol man long sin na dai long rot bilong ofa Jisas Krais i givim olsem pe bilong baim bek man.—Jon 3:16. |
Bikpela Ston |
Strongpela ples hait na man bilong kisim bek ol man. |
|
Seivia |
Kisim bek ol man long wanpela hevi o bikpela bagarap. |
|
Wasman bilong sipsip |
Buk Song 23:1, futnot |
Em i save lukautim ol man i lotuim em. |
Nambawan Bikpela |
Em nambawan bos; Hibru ʼAdho·naiʹ. |
|
Nambawan God Antap Tru |
Em i antap tru winim ol narapela god. |
Nem bilong ol ples long Ol Skripsa Hibru
Sampela nem bilong ol ples long Baibel i gat nem bilong God tu long en, tasol dispela i no makim olsem em narapela nem bilong God.
Nem bilong ples |
Referens |
Mining |
|---|---|---|
Jehova-jaire |
“Jehova Bai Givim Ol Samting Man i Nidim.” |
|
Jehova-nisi |
“Jehova em i Signal Pos Bilong Mi,” o “Plak bilong mi.” (Buk Baibel) Jehova em God ol man inap ran i go long en na bai em i protektim na helpim ol.—Kisim Bek 17:13-16. |
|
Jehova-salom |
“Jehova Em Bel Isi.” |
|
Jehova-sama |
Esekiel 48:35, futnot, American Standard Version | “Jehova i Stap Long Dispela Hap.” |
Risen long yumi mas save na yusim nem bilong God
God i tingim olsem nem bilong em, Jehova, i bikpela samting, em risen na em i putim planti tausen taim long Baibel.—Malakai 1:11.
Planti taim Pikinini Bilong God, Jisas, i kamapim klia olsem nem bilong God i bikpela samting. Olsem, em i beten long Jehova: “Nem bilong yu i mas i stap holi.”—Matyu 6:9; Jon 17:6.
Ol man husat i kisim save na kolim nem bilong God, dispela em fes samting ol i mekim bilong kisim pasin pren wantaim Jehova. (Buk Song 9:10; Malakai 3:16) Dispela kain pasin pren i opim rot long ol i kisim blesing long ol tok promis bilong God: “Em i laikim mi, olsem na mi bai kisim em bek. Na mi bai lukautim em, long wanem, em i save long nem bilong mi.”—Buk Song 91:14.
● Baibel i tok: “I gat sampela em ol i kolim ol olsem god, em ol i stap long heven o long graun. Na i gat planti ‘god’ na planti ‘bikpela.’” (1 Korin 8:5, 6) Maski i olsem Baibel i kolim nem bilong God tru, Jehova.—Buk Song 83:18.
a Sampela saveman bilong Hibru i laikim “Yahweh” olsem nem bilong God.
b Sotpela wei bilong raitim nem bilong God, “Ja,” i stap klostu 50 taim long Baibel, dispela tok i stap tu long tok “Haleluya,” o “Aleluya,” mining bilong en “Preisim Ja.”—Revelesen 19:1; American Standard Version; King Jems Pisin Baibel.
Ating Yu Bai Laikim Tu
BEKIM BILONG OL ASKIM BILONG BAIBEL
Jehova Em i Husat?
Yu ting em God bilong wanpela lain tasol, olsem lain Israel?
OL BIKPELA TOK BILONG BAIBEL
Yu Ting God i Gat Nem?
God i gat planti biknem, olsem God i Gat Olgeta Strong, Krieta, na Bikpela. Dispela vidio i stori long nem bilong God em ol i yusim winim 7,000 taim long Baibel.
MIPELA OL WITNES
Askim Long Wanpela i Ken Kam Lukim Yu
Kisim bekim bilong wanpela askim bilong Baibel, o kisim sampela save moa long Ol Witnes Bilong Jehova.