How Many Name God Get?
The answer wey Bible give
God get just one name. For Hebrew, they write the name as יהוה and for English, them de write-am as “Jehovah”. a God use prophet Isaiah talk say: “I be Jehovah. Na my name be that.” (Isaiah 42:8) The name dey for the old Bibles wey they first write about 7,000 times. This name plenty pass the number of any title wey they use for God and any other name for Bible. b
Jehovah get other names?
Even as Bible talk say God get only one name, e still get plenty titles and different ways to explain the kind of person wey Jehovah be. The list for under de show some titles wey God get and the different ways to explain the kind person wey Jehovah be.
Title |
Place wey e dey for Bible |
Meaning |
|---|---|---|
Allah |
(E no dey for Bible) |
“Allah” na Arabic word. No be name of God but na title and e mean “God.” Bible wey they write for Arabic and other languages de use “Allah” as another way to call “God.” |
Almighty |
Genesis 17:1 |
E get power pass any other thing. The Hebrew word ʼEl Shad·daiʹ mean “Almighty God,” and e dey for Bible seven times. |
The Alpha and the Omega |
“The first and the last,” or “the beginning and the end.” This one mean say no Almighty God dey before Jehovah and no other one go dey after Jehovah. (Isaiah 43:10) Alpha na the first letter for the Greek alphabet and omega na the last letter. |
|
Ancient of Days |
Daniel 7:9, 13, 22 |
Jehovah no get beginning; e don always dey before anybody or anything.—Psalm 90:2. |
Creator |
Isaiah 40:28 |
Na e make everything. |
Papa |
Na e give us life. |
|
God |
Genesis 1:1 |
This one mean say Jehovah na person wey we suppose worship. The Hebrew word ʼElo·himʹ dey for plural, this one mean say Jehovah dey great, e need our respect, or e be the best. |
God of gods |
Deuteronomy 10:17 |
This one mean say Jehovah na the God wey high pass other small-small gods wey some people de worship.—Isaiah 2:8. |
Teacher wey high pass |
Isaiah 30:20, 21 |
E de teach and guide us so that we go gain.—Isaiah 48:17, 18. |
Grand Maker |
Psalm 149:2 |
E mean say na e make everything.—Revelation 4:11. |
Happy God |
E de always dey happy.—Psalm 104:31. |
|
God wey de hear prayer |
Psalm 65:2 |
E de listen to the prayer of everybody if they pray with faith. |
I Am That I Am |
Exodus 3:14, King James Version |
E fit be anything wey e want so that e go do wetin e get for mind. Some Bibles translate-am as “I Go Be anything wey I want” or “I Go Be Wetin I Want Be.” (The Emphasised Bible, by J. B. Rotherham; New World Translation) This one de help explain wetin the name of God, Jehovah mean, as e dey for the next verse.—Exodus 3:15. |
Jealous God |
Exodus 34:14, King James Version |
Jehovah no want share e worship with any other god. Some Bibles translate-am as “e no de like make we worship other gods” and e “want make people worship only-am.”—God’s Word Bible; New World Translation. |
King wey dey forever |
E don always de rule and na e go continue to rule. |
|
Lord |
Psalm 135:5 |
E mean owner or master; for Hebrew language them de call-am ʼA·dhohnʹ and ʼAdho·nimʹ. |
Lord of hosts, Lord of Sabaoth |
Isaiah 1:9, King James Version; Romans 9:29, King James Version |
Na Jehovah be the leader of plenty angels. Some Bibles call this title “Lord of Sabaoth” as “Jehovah of armies” and “Lord of the armies for [heaven].”—Romans 9:29, New World Translation; NET Bible, footnote. |
Most High |
Psalm 47:2 |
Na e high pass. |
Most Holy One |
Proverbs 9:10 |
Na Jehovah holy pass, this one mean say e really dey clean pass any other thing. |
Person wey de mold |
Isaiah 64:8 |
E get power to control each of us and even nations, just as person wey de mold get power to control clay.—Romans 9:20, 21. |
Redeemer, Repurchaser |
Isaiah 41:14; King James Version |
Jehovah use the life of Jesus Christ buy us from sin and death.—John 3:16. |
Rock |
Psalm 18:2, 46 |
Jehovah de protect and save us. |
Savior |
Isaiah 45:21 |
Jehovah de save us from danger or death. |
Shepherd |
Psalm 23:1 |
Jehovah de care for e servants. |
Lord wey get right pass to rule |
Genesis 15:2 |
Na e get right to rule pass any other person; for Hebrew language them de call-am ʼAdho·naiʹ. |
The Person wey high pass |
Daniel 7:18, 27 |
Na e get right to rule pass any other person. |
Names of places for Hebrew Scriptures
Some names of place for Bible get the name of God wey they join to that name, but this names no be names of God.
Name of place |
Place wey e dey for Bible |
Meaning |
|---|---|---|
Jehovah-jireh |
Genesis 22:13, 14 |
E mean say, “Jehovah Go Provide.” |
Jehovah-nissi |
Exodus 17:15 |
E mean say “Jehovah Na My Sign Pole,” or “my Banner.” (Today’s New International Version) Jehovah na God wey e servants fit run to, so that e go protect them.—Exodus 17:13-16. |
Jehovah-shalom |
Judges 6:23, 24 |
This one mean say “Jehovah Na Peace.” |
Jehovah-shammah |
Ezekiel 48:35, footnote, American Standard Version |
This one mean say “Jehovah Dey There.” |
Reasons why we need to know and use the name of God
God want make people know e name, Jehovah. And we know this one because e put e name for Bible thousands of times.—Malachi 1:11.
The Son of God, Jesus, talk plenty times how the name of God dey important. For example, e tell Jehovah for prayer say: “Make your name dey holy.”—Matthew 6:9; John 17:6.
The first thing wey person need to do to be friend of Jehovah na to know and use the name of God. (Psalm 9:10; Malachi 3:16) When person be friend of God, e go gain from the promise wey God talk say: “Because e love me, I go save-am. I go protect-am because e know my name.”—Psalm 91:14.
Bible agree say people de call some things, “gods, whether for heaven or for earth, just as plenty ‘gods’ and plenty ‘lords’ dey.” (1 Corinthians 8:5, 6) But Bible talk say na only one true God dey, and e name na, Jehovah.—Psalm 83:18.
a Some Hebrew people wey de study about Bible de like to use “Yahweh” for the name of God.
b The short way wey them de call the name of God na, “Jah,” e dey for Bible about 50 times. E dey for words like “Hallelujah,” or “Alleluia,” and e mean “Praise Jah.”—Revelation 19:1; American Standard Version; King James Version.
You May Also Like
ESSENTIAL BIBLE TEACHINGS
God Get Name?
God get plenty title like: Almighty, Creator, and Lord. Bible use the name of God about 7,000 times.
THE ANSWER WEY BIBLE GIVE
God Name Na Jesus?
Jesus no ever talk say na im be the Almighty God. Why e no do like that?
THE ANSWER WEY BIBLE GIVE
Who or Wetin Be “the Alpha and the Omega”?
Why this title na correct title?
