Mana. Kay jallpʼaqa chayri kay mundoqa, ni jaykʼaj thuñisqachu kanqa, nitaj chinkachisqachu kanqa. Manallataj ruphachisqachu kanqa, nitaj waj jallpʼa cuentanmanta rikhurenqachu. Biblia nisqanman jina, Diosqa jallpʼata ruwarqa runas chaypi wiñaypaj kausakunankupaj.

•   “Cheqan runasqa kay jallpʼata herenciata jina japʼenqanku, kay jallpʼapitaj wiñaypaj kausakonqanku” (Salmo 37:29).

•   “Diosqa jallpʼata cimientosnin patapi sayachin. Chaymantataj wiñaypaj wiñaynintinpaj mana kuyuchisqachu kanqa” (Salmo 104:5).

•   “Jallpʼatajrí wiñaypaj kallanqapuni” (Eclesiastés 1:4).

•   ‘Diosqa jallpʼata rikhuricherqa, jallpʼata ruwarqa, jallpʼata sumajta sayacherqa. Payqa mana qhasipajchu jallpʼata ruwarqa, manachayqa runas tiyakunankupaj’ (Isaías 45:18).

 Mana. Diosqa mana saqenqachu, runas kay jallpʼata chʼichichasqankuwan, armaswan chayri waj imaswan tukuchinankuta. Astawanpis Bibliaqa nin, Diosqa ‘jallpʼata pierdechejkunata tukuchinanta’ (Apocalipsis 11:18). ¿Imaynatá chayta ruwanqa?

 Diosqa kay mundomanta tukuynin gobiernosta chinkachenqa, jallpʼanchejta mana cuidasqankurayku. Chantá uj mosoj Gobiernota cielopi sayarichenqa (Daniel 2:44; Mateo 6:9, 10). Chay Gobiernopeqa Wawan Jesucristo kamachenqa (Isaías 9:6, 7). Jesusqa kay jallpʼapi kashaspa, wayrawanpis qochawanpis kasuchikorqa (Marcos 4:35-41). Diospa Gobiernonpi kay jallpʼata Gobernashajtintaj, wayrata, yakuta, jallpʼapi tukuy ima kajtawan kamachenqa. Chantapis jallpʼanchejta mosojyachenqa, Edén huertaman jinataj tukuchenqa (Mateo 19:28; Lucas 23:43).

 Mana. Ashkha runas yuyanku, jallpʼanchej ninawan ruphachisqa kananta. Paykunaqa ajinata yuyanku, 2 Pedro 3:7 versiculota pantasqata entiendesqankurayku. Chaypi nin: “Kunan kashan chay cielopis jallpʼapis Diospa palabrannejllatataj ninapaj jallchʼasqa kashanku”, nispa. Jinapis chayqa, mana niyta munanchu jallpʼanchej ninawan ruphachisqa kananta. ¿Imaraykutaj chayta ninchej? Iskay imasta qhawarina:

1.   Bibliapeqa “cielo”, “jallpʼa”, “nina” palabra ima, ashkha imaspaj oqharikun. Sutʼincharinapaj Salmo 97:1 versiculomanta parlarina. Chaypi nin: “Jehová Diosqa Reyña. Jallpʼaqa kusikuchun. Yaku chaupipi jallpʼa churuspis tukuyninku kusikuchunku”, nispa. Kay versiculopi “jallpʼa” nispaqa, runasmanta parlashan.

2.   Iskay kaj Pedro 3:7 versiculota entiendenapaj, ñaupaj versiculosninta qhawarinanchej tiyan. 5, 6 versiculosqa, Noej tiempopi Jatun Paramanta parlashan. Jatun Paraqa mana jallpʼanchejtachu chinkacherqa, manaqa sajra runasllata, nisunman chay tiempomanta “jallpʼata” (Génesis 6:11). Jatun Paraqa chay tiempomanta “cielotapis” chinkachillarqataj, nisunman chay tiempopi kamachejkunata. Rikunchej jina, sajra runaslla chinkachisqa karqanku, manataj jallpʼanchejchu. Noewan familianwanqa Jatun Paramanta salvakorqanku, watejmantataj kay jallpʼapi mirarqanku (Génesis 8:15-18).

 Imaynatachus Jatun Paraqa sajra runasllata chinkacherqa, ajinallatataj 2 Pedro 3:7 versiculomanta “ninapis” sajra runasllata chinkachenqa, manataj kay jallpʼanchejtachu. Diosqa niwanchej, “mosoj cielota, mosoj jallpʼatawan” sayarichinanta, “chaypitaj cheqan kausaylla” kananta (2 Pedro 3:13). ‘Mosoj jallpʼa’ nispaqa, Diosta kasukoj runasmanta parlashan. ‘Mosoj cielo’ nispataj, uj mosoj gobiernomanta parlashan, nisunman Diospa Gobiernonmanta. Chay mosoj Gobierno kamachishajtin, kay jallpʼanchejqa uj kʼachitu paraisoman tukonqa (Apocalipsis 21:1-4).