‘ဘာသာစကားအမျိုးမျိုး ပြောဆိုခြင်း’ ကို အစောပိုင်းခရစ်ယာန်တချို့ ရရှိတဲ့ အံ့ဖွယ်အစွမ်းအဖြစ် ဖော်ပြထားပါတယ်။ တစ်ခါမှ သင်ယူထားခြင်း မရှိတဲ့ ဘာသာစကားတစ်ခုကို ပြောဆိုနိုင်စွမ်း ဖြစ်တယ်။ (တမန်တော် ၁၀:၄၆) ပြောဆိုသူရဲ့ စကားကို တတ်တဲ့သူတိုင်း သဘောပေါက်ကြတယ်။ (တမန်တော် ၂:၄-၈) ဘာသာစကားအမျိုးမျိုး ပြောဆိုနိုင်စွမ်းဟာ ပထမရာစု ခရစ်ယာန်တချို့ကို ဘုရားသခင် ပေးတဲ့ သန့်ရှင်းသောစွမ်းအားတော် ဆုကျေးဇူးတစ်ခု ဖြစ်တယ်။—ဟီဘရူး ၂:၄။ ၁ ကောရိန္သု ၁၂:၄၊ ၃၀။

•  ဘာသာစကားအမျိုးမျိုး ပြောဆိုနိုင်စွမ်း ဘယ်နေရာမှာ၊ ဘယ်အချိန်မှာ စတင်ခဲ့သလဲ။

•  ဘာသာစကားအမျိုးမျိုး ပြောဆိုနိုင်စွမ်း ရည်ရွယ်ချက်က ဘာလဲ။

•  ဘာသာစကားအမျိုးမျိုး ပြောဆိုနိုင်စွမ်းက အမြဲရှိနေမလား။

•  ဘယ်အချိန်မှာ ဘာသာစကားအမျိုးမျိုး ပြောဆိုနိုင်စွမ်း ရပ်စဲသွားမလဲ။

•  ဒီနေ့ ဘာသာစကားအမျိုးမျိုး ပြောဆိုနိုင်စွမ်းတွေကကော။

•  စစ်မှန်တဲ့ ခရစ်ယာန်တွေကို ဘယ်လို ခွဲခြားသိမြင်နိုင်သလဲ။

 ဒီအံ့ဖွယ်အစွမ်းဟာ အေဒီ ၃၃ ဂျူးပင်တေကုတ္တေပွဲနေ့ မနက်ပိုင်း၊ ဂျေရုဆလင်မြို့မှာ စတင်ခဲ့တယ်။ ယေရှုရဲ့တပည့် ၁၂၀ ခန့် အတူစုဝေးနေကြချိန်မှာ “သူတို့အားလုံး သန့်ရှင်းသော စွမ်းအားတော်နဲ့ ပြည့်ပြီး စွမ်းအားတော်က ပြောဆိုနိုင်စွမ်းပေးတဲ့အတိုင်း ဘာသာစကားမျိုးစုံနဲ့ ပြောဆိုကြတော့တယ်။” (တမန်တော် ၁:၁၅။ ၂:၁-၄) “ကမ္ဘာ့တိုင်းနိုင်ငံအသီးသီးက” လူတွေဟာ “ကိုယ့်ဘာသာစကားနဲ့ ပြောဆိုနေတာကို ကြားရ” ကြတယ်။—တမန်တော် ၂:၅၊ ၆။

1.  ၁။ ခရစ်ယာန်တွေကို ဘုရားသခင် ထောက်မပေးနေကြောင်း သက်သေ ဖြစ်တယ်။ အတိတ်က မောရှေလို သစ္စာရှိသူတွေကို ဘုရားထောက်မနေကြောင်း သက်သေပြဖို့ အံ့ဖွယ်လက္ခဏာတွေ ပေးခဲ့တယ်။ (ထွက်မြောက်ရာ ၄:၁-၉၊ ၂၉-၃၁။ တောလည်ရာ ၁၇:၁၀) ဘာသာစကားအမျိုးမျိုး ပြောဆိုနိုင်စွမ်းကလည်း အလားတူ ရည်ရွယ်ချက်ပါပဲ။ တည်ထောင်ခါစ ခရစ်ယာန်အသင်းတော်ကို ဘုရားထောက်မနေကြောင်း သက်သေ ဖြစ်တယ်။ “ဘာသာစကားအမျိုးမျိုး ပြောဆိုနိုင်စွမ်းဟာ ယုံကြည်သူတွေအတွက် မဟုတ်ဘဲ မယုံကြည်သူတွေအတွက် အထောက်အထားပဲ” လို့ တမန်တော်ပေါလု ရေးခဲ့တယ်။—၁ ကောရိန္သု ၁၄:၂၂။

2.  ၂။ ခရစ်ယာန်တွေ စေ့စေ့စပ်စပ် သက်သေခံနိုင်ဖို့ ဖြစ်တယ်။ ပင်တေကုတ္တေပွဲနေ့မှာ ယေရှုရဲ့နောက်လိုက်တွေ ပြောတဲ့စကားကို ကြားတဲ့သူတွေက “ဘုရားသခင်ရဲ့ အံ့ဖွယ်အမှုတွေအကြောင်းကို ကိုယ့်ဘာသာစကားနဲ့ ကြားနေရပါလား” လို့ပြောကြတယ်။ (တမန်တော် ၂:၁၁) ဒါကြောင့် ခရစ်ယာန်တွေကို ဒီအံ့ဖွယ်အစွမ်း ပေးရတဲ့ အဓိကရည်ရွယ်ချက်တစ်ခုက “စေ့စေ့စပ်စပ် သက်သေခံဖို့၊” “လူမျိုးတကာ” ကို ယေရှုရဲ့ တပည့်ဖြစ်လာအောင် သွန်သင်ပေးဖို့ ဖြစ်တယ်။ (တမန်တော် ၁၀:၄၂။ မဿဲ ၂၈:၁၉) အဲဒီနေ့မှာ အံ့ဖွယ်အမှုကို တွေ့မြင်ပြီး သက်သေခံချက်ကို နားထောင်သူ ၃,၀၀၀ ခန့် တပည့်တွေ ဖြစ်လာကြတယ်။—တမန်တော် ၂:၄၁။

 မရှိပါဘူး။ ဘာသာစကားအမျိုးမျိုး ပြောဆိုနိုင်စွမ်း အပါအဝင် သန့်ရှင်းသောစွမ်းအားတော် ဆုကျေးဇူးတွေဟာ ယာယီ ဖြစ်ပါတယ်။ ကျမ်းစာမှာ ဒီလိုဆိုထားတယ်– “ပရောဖက်ပြုနိုင်တဲ့ ဆုကျေးဇူးကတော့ ကွယ်ပျောက်သွားလိမ့်မယ်။ ဘာသာစကားအမျိုးမျိုး ပြောနိုင်စွမ်းလည်း ရပ်စဲသွားလိမ့်မယ်။”—၁ ကောရိန္သု ၁၃:၈။

 တမန်တော်တွေလက်ထက်မှာ သန့်ရှင်းသောစွမ်းအားတော် ဆုကျေးဇူးကို တခြားခရစ်ယာန်တွေဆီ လက်ဆင့်ကမ်းပေးကြတယ်။ များသောအားဖြင့် တမန်တော်တွေက ယုံကြည်သူချင်းတွေအပေါ် လက်တင်ခြင်းအားဖြင့် ဖြစ်တယ်။ (တမန်တော် ၈:၁၈။ ၁၀:၄၄-၄၆) တမန်တော်တွေဆီကနေ သန့်ရှင်းသောစွမ်းအားတော် ဆုကျေးဇူး ရထားသူတွေဟာ တခြားသူတွေကို ပြန်လက်ဆင့်မကမ်းနိုင်ကြဘူး။ (တမန်တော် ၈:၅-၇၊ ၁၄-၁၇) ဥပမာ၊ အစိုးရအရာရှိက လူတစ်ယောက်ကို ယာဉ်မောင်းလိုင်စင် ထုတ်ပေးနိုင်ပေမဲ့ လိုင်စင်ရတဲ့လူက တခြားသူတစ်ယောက်ကို လိုင်စင်ထုတ်ပေးပိုင်ခွင့် မရှိဘူး။ တမန်တော်တွေ သေဆုံးသွားချိန်၊ တမန်တော်တွေဆီကနေ ဆုကျေးဇူးလက်ခံရရှိသူတွေ သေဆုံးသွားချိန်မှာ ဘာသာစကားအမျိုးမျိုး ပြောဆိုနိုင်စွမ်း ရပ်စဲသွားပုံရတယ်။

 အံ့ဖွယ်နည်းနဲ့ ဘာသာစကားအမျိုးမျိုး ပြောဆိုနိုင်စွမ်းဟာ ပထမရာစုအကုန်ပိုင်းမှာ ရပ်စဲသွားကြောင်း ထင်ရှားတယ်။ ဒီနေ့ ဘာသာစကားအမျိုးမျိုး ပြောဆိုနေသူတွေဟာ ဘုရားတန်ခိုးကြောင့်လို့ အခိုင်အမာ မပြောနိုင်ပါဘူး။ a

 ယေရှုက မိမိတပည့်ဖြစ်ကြောင်း ကိုယ်ကျိုးစွန့် မေတ္တာက ခွဲခြားဖော်ပြမယ်လို့ ပြောခဲ့တယ်။ (ယောဟန် ၁၃:၃၄၊ ၃၅) အလားတူ တမန်တော်ပေါလုက မေတ္တာဟာ စစ်မှန်တဲ့ခရစ်ယာန်တွေကို ခွဲခြားသိမြင်စေတဲ့ ထာဝရအမှတ်အသား ဖြစ်ကြောင်း သွန်သင်ခဲ့တယ်။ (၁ ကောရိန္သု ၁၃:၁၊ ၈) ဘုရားသခင့် စွမ်းအားတော်က ခရစ်ယာန်တွေကို “စွမ်းအားတော်ကြောင့် ဖြစ်ပေါ်လာတဲ့ အရည်အသွေးတွေ” ကို မွေးမြူစေမယ်။ ဦးဆုံးအရည်အသွေးက ချစ်ခြင်းမေတ္တာ ဖြစ်တယ်လို့ ပေါလု ဖော်ပြခဲ့တယ်။—ဂလာတိ ၅:၂၂၊ ၂၃။