Bible no kura nyansa a odzi mũ sen biara a yebotum dze abɔ hɛn bra. Sɛ ekenkan Bible no da biara na edwendwen dza ekenkan no ho daa, na edze bɔ wo bra a, ɔbɛma “wo kwan ayɛ dwudwoodwo.” (Joshua 1:8; Ndwom 1:​1-3) Iyi da nkyɛn a, ibenya Nyankopɔn nye ne Ba Jesus ho nyimdzee, na iyi botum ama eenya onnyiewiei nkwa.​—John 17:3.

Ebɛn kwan do na ɔsɛ dɛ ekenkan Bible mu nwoma ahorow no? Ibotum afa akwan ahorow bi do ayɛ dɛm. Dɛm Bible akenkan ho nhyehyɛɛ yi bɔboa wo ma aakenkan Bible mu nwoma ahorow no dɛ mbrɛ wɔahyehyɛ no anaa dɛ mbrɛ wɔahyehyɛ no asɛntsir asɛntsir. Dɛ nhwɛdo no, ibotum akenkan Bible mu nwoma ahorow pɔtsee bi ama eehu abakɔsɛm a ɔfa mbrɛ Nyankopɔn sii nye Israelman no dzii no ho. Ibotum akenkan afã ahorow bi so ama eehu mbrɛ Christianfo asafo no hyɛɛ ase nye mbrɛ osii nyinii. Sɛ ekenkan tsir ahorow bi da biara a, ibotum dze afe akenkan Bible mũ nyina.

Dɛ epɛ nhyehyɛɛ a ɔbɛma akenkan Bible no da biara o, afe mũ nyina o, anaa nhyehyɛɛ a ɔbɔboa hɔn a wɔahyɛ ase rusũa Bible no o, dɛm Bible akenkan ho nhyehyɛɛ yi bɔboa wo. Twe Bible akenkan ho nhyehyɛɛ a ibotum aprent yi bi, na hyɛ ase ndɛ ara.