Jaku che kanet tbʼanelxix nabʼil quʼn toj Tyol Dios. Pero tuʼn kyonin nabʼil lu qiʼj, nim toklen tuʼn kukx tjaw quʼjin, tuʼn qximen tiʼj ex tuʼn tkubʼ qbʼinchaʼn (Josué 1:8; Salmo 1:1-3). Ex qa ma qo uʼjin tiʼj Xjan Uʼj, kʼokel qojtzqiʼn Dios ex Tkʼwal, ex jaku qo klet tuʼn ojtzqibʼil lu (Juan 17:3).

Pero ¿tzeʼn tuʼn tjaw quʼjin qe uʼj ateʼ toj Tyol Dios? At nimku tumel. Tuʼn onbʼil te programa lu, jaku jaw tuʼjina qe uʼj tiʼj Tyol Dios toj ttxolil ik tzeʼn ateʼ moqa tukʼil tbʼi junjun xnaqʼtzbʼil. Jun techel, qa ma jaw tuʼjina junjun plaj, ok kʼelel tnikʼa tiʼjju kyamiwbʼil aj Israel ten tukʼil Dios. Ax ikx, jaku jaw tuʼjina junjuntl plaj in yolin tiʼj tzeʼn tten tzaj tzyet ex chʼiy kybʼet okslal toj tnejel syent abʼqʼi. Qa ma jaw tuʼjina junjun capítulo tkyaqil qʼij, kbʼajel tuʼjina tkyaqil Xjan Uʼj toj jun abʼqʼi.

Qa in jyona tiʼj jun programa tuʼn tuʼjina tiʼj Tyol Dios tkyaqil qʼij, ex qa taja tuʼn tjaw tuʼjina toj jun abʼqʼi moqa noq taja tuʼn tjaw tuʼjina, kʼonil programa lu tiʼja. Jaku txi tzyet tuʼjina jaʼlo: oʼkx qʼinkutza programa tuʼn quʼjin tiʼj Tyol Dios, ax ikx jaku bʼant tetz t-imprimirina.