Ngbangɔ na awangɔ ti nzɔ̃ni nvɛ̃ni. Se adu ya, mɔ ndo di ni bi zu, wa mɔ ndo gbɔ̃ nga li mɔ na ndo aye mɛ mɔ di ko, mɔ na “lɛkɛngɔ talége tɛ mɔ” (Yosua 1:8; Nzembo 1:1-3) Mɔ na hĩngangɔ Nzapa ná Nyi lo Yezo, wa hĩngangɔ ndo niko na hɛ̃ngɔ mɔ lége ya, mɔ lua songɔ kwá.​—Yoanɛ 17:3.

Mɔ lengbi ti dingɔ Ngbangɔ ngasia? Mɔ lengbi ti salelangɔ akɔdɛ gba. Prɔgramɛ mɛ na zangɔ mɔ ya, mɔ di Ngbangɔ na seni na bangɔ abuku ti ya Ngbangɔ bere na abɛli tɛnɛ ni. Na ndakisa eteni mɛndɛ̃ lengbi ti zangɔ mɔ ya, mɔ hĩnga se mɛ Yehova zandó na aya Israɛlɛ, o mɛndɛ̃ na zangɔ mɔ ya, mɔ hĩnga se mɛndó bombi tɛ awakristo abanda na ni, wa amai nga na siɛklɛ ti uzu. Se du ya, mɔ ndo di shapitrɛ kɔi ti Ngbangɔ bere ɔngɔ kɔi bi zu ko, mɔ na hozingɔ dingɔ Ngbangɔ na mobimba na ya bulu kɔi.

Abɛse du ya, mɔ na gwɛ̃ ti prɔgramɛ mɛ na zangɔ mɔ ya, mɔ di Ngbangɔ bi kɔi kɔi, mɔ di ni na pɛ bulu kɔi, mɔ di ni na landangɔ apandɛ, bere prɔgramɛ na lo tɛ azi mɛ abanda mandangɔ Ngbangɔ fãnani ko, prɔgramɛ mɛ alengbi ti zangɔ mɔ. Mu prɔgramɛ ti dingɔ Ngbangɔ, wa banda ni ndɛ.