Tour sa Bethel
Nauugma kaming imbitaran ka na mag-tour sa samong mga branch office na inaapod na Bethel. An iba sa mga opisina mi igwa nin self-guided na mga exhibit.
Puwede na Giraray Mag-tour: Sa dakul na nasyon, ibinalik mi na an pag-tour sa samong mga sangang opisina kan Hunyo 1, 2023. Para sa mga detalye, kontakon an sangang opisina na gusto mong dumanan. Dai tabi mag-tour kun nagpositibo ka sa COVID-19, may sipon ka o sintomas nin trangkaso, o dai pa sana nahahaloy may nakaibanan kang nagpositibo sa COVID-19.
United States of America
Sa page na ini
Impormasyon sa Pag-tour
Mga Eksibit
Self-Guided na mga Exhibit sa Warwick
The Bible and the Divine Name. Tampok sa eksibit na ini an mga Bibliya na bihira nang makua ngunyan asin ipinapahiling man digdi kun paano napreserbar an pangaran nin Diyos sa Kasuratan sa ibong kan mga paghihinguwang halion iyan. Kaiba man sa eksibit an sarong rotational gallery, na itinatampok an iba pang Bibliya na bihira nang makua asin iba pang suanoy na mga bagay na konektado sa Bibliya.
A People for Jehovah’s Name. Tampok sa eksibit na ini an mga bagay na may koneksiyon sa kasaysayan kan espirituwal na mana kan Mga Saksi ni Jehova. Ipinapahiling kan suanoy na mga bagay, mga ilustrasyon, asin mga pagsaysay kun paano luway-luway na giniyahan, tinukduan, asin inorganisar ni Jehova an saiyang banwaan tanganing magibo an saiyang kabutan.
World Headquarters—Faith in Action. Ipinapaliwanag kan interaktibong eksibit na ini an mga ginigibo kan mga komite kan Namamahalang Grupo asin kun paano ninda tinatabangan an Mga Saksi ni Jehova na sunudon an maka-Kasuratan na instruksiyon na magtiripon, gumibo nin mga disipulo, magkua nin espirituwal na kakanon, asin kamutan an lambang saro.
Self-Guided na mga Eksibit sa Patterson
First-Century Bible Village. Naiisip mo daw kun ano an buhay kaidto kan si Jesus yaon sa daga? Sa baryo sa Bibliya, mahihiling mo, asin maeeksperyensiyahan pa ngani, an pang-aroaldaw na mga aktibidad sa sarong baryo kan inot na siglo. Matatabangan ka kan eksibit na ini na mas mapauswag an kalidad kan pagbasa mo nin Bibliya.
First-Century Bible Coins. Nakadispley sa eksibit na ini an piling orihinal na mga sinsilyo kan inot na siglo na sinambit sa Kristiyanong Griegong Kasuratan. Mahihiling sa mga displey an interesanteng mga detalye manungod sa kada sinsilyo asin paliwanag kun paano iyan konektado sa mga pangyayari sa Bibliya.
“All Your Sons Will Be Taught by Jehovah.” Mahihiling sa eksibit na ini an kasaysayan kan mga paadalan asin programa nin pagsasanay kan satong organisasyon. Aramon kun paano an mga paadalan na ini nakatabang sa mga boluntaryo na magin epektibong mga paratukdo asin mga elder sa kongregasyon.
“Defending and Legally Establishing the Good News.” Mahihiling sa eksibit na ini an nakakapahiro sa pusong mga istorya kan mga Saksi ni Jehova na dai ikinompromiso an saindang pagtubod sa ibong nin grabeng pagkontra. Hilingon kun ano an ginibo kan satong organisasyon para makua an legal na deretso kan satong gibuhon na paghuhulit sa bilog na kinaban.