Betelimi takornariarneq
Immikkoortortaqarfinnut, Betelinik taaneqartartunut, takornariarnissannut tikilluaqquatsigit. Sumiiffiit ilaanni nammineerluni takornariartoqarsinnaavoq.
Tours Resumed: In many countries, we resumed tours of our branch offices on June 1, 2023. For details, contact the branch you would like to tour. Please do not visit if you test positive for COVID-19, display cold or flu-like symptoms, or have recently been exposed to someone who tested positive for COVID-19.
USA
Quppernermi matumani
Takornariarneq pillugu paasissutissat
Saqqummersitsinerit
Warwickimi saqqummersitsinerni nammineerluni takornariarneq
Biibili Guutillu aqqa. Saqqummersitsinermi tassani Biibilit qaqutigoortut takuneqarsinnaapput. Guutip aqqa peerneqarniartaraluarluni qanoq Biibilimi tammatsaalineqartoq aamma ersersinneqarpoq. Biibilit allat qaqutigoortut saqqummersitallu allat Biibilimut attuumassutillit paarlakaajaallugit saqqummersinneqartassapput.
Jehovap atianut innuttaasut. Saqqummersitsinermi tassani oqaluttuarisaanerup ingerlanerani Jehovap Nalunaajaasuisa anersaakkut kingornussarsiarisartagaat takuneqarsinnaapput. Saqqummersitanit, isiginnaagassianit misigisalikkersaarutinillu ersersinneqarpoq Jehovap innuttani piumasamisut ilioqqullugit qanoq siulersortuarlugillu ilinniartittarlugillu aaqqissuussaatittarai..
Qullersaqarfik – Uppernermik suliakkut ersersitsineq. Saqqummersitsinermi tassani Siulersuisoqatigiit ataatsimiititaliaasa suliarisartagaat aamma ataatsimiittarnissamik, ajoqersuganngortitsiortornissamik, anersaakkut inuussutissanik pisarnissamik asaqatigiinnissamillu Biibilimi peqqussutinik qanoq maleruaanissamik paasinninnissamut Jehovap kiffai qanoq ikiortaraat nassuiarneqarpoq.
Pattersonimi saqqummersitsinerni nammineerluni takornariarneq
Kristumiut siulliit nalaanni illoqarfeeraq. Eqqarsaatiginikuuiuk Jiisusi nunarsuarmiitillugu inuuneq qanoq ittuusimanersoq? Kristumiut siulliit nalaanni illoqarfeeqqami ulluinnarni suliarineqartartut isiginnaarsinnaavatit namminerlu misiliisinnaallutit. Saqqummersitsinerup tamatuma Biibilimik atuartarnerit soqutiginarnerulersissinnaavaa.
Kristumiut siulliit nalaanni aningaasat. Saqqummersitsinermi tamatumani aningaasat ilumoortut Grækerisut Allakkani Illernartuni eqqaaneqartut takuneqarsinnaapput. Immikkut tamaasa pillugit paasissutissat soqutiginartut Biibilimilu oqaluttuanut qanoq attuumassuteqarnersut erseqqissarneqassapput.
“Ernitit tamarmik Jehovamit ajoqersorneqarsimassapput.” Saqqummersitsinermi tamatumani peqatigiiffitta ilinniarfiisa ilinniartitseriaasiisalu oqaluttuassartaat takutinneqassaaq. Ilinniarfiit taakku iluaqutigalugit kajumissutsiminnik ilinniartut qanoq ilinniartitsisutut ilagiinnilu utoqqaanertatut pikkorinnerulersimanerat paasiniaruk.
‘Nutaarsiassanik nuannersunik inatsisitigut illersuineq.’ Saqqummersitsinermi tamatumani Jehovap Nalunaajaasuisa allaat sakkortuumik malersorneqaraluarlutik uppernerminnik aalajangiussisimasut misigisaat killitsinnartut oqaluttuarineqarput. Peqatigiiffitta nunarsuaq tamakkerlugu oqaluussinitsinnik inatsisitigut qanoq illersuisimanera paasiniaruk.