Екскурсийед ль Бәйтʹәле
Әм бь дьл у щан ԝә тʹәглиф дькьн ль филиалед мә, йед кӧ әм нав дькьн Бәйтʹәл. Һьнә филиалед мәда ӧса жи һәнә нишангәһед кӧ һун хԝәха дькарьн бьньһерʹьн.
Екскурсийед ль Бәйтʹәле: Гәләк wәлатада 1 Һʹәзиране, сала 2023, әме диса екскурсийед филиалед мәда дәстпекьн. Бона һе зедә информасийа, текли бьн тʹәви ве филиале, кʹидәре кö һун дьхwазьн һәрʹьн сәр екскурсийайе. Һәрге теста COVID-19 щәм wә позитив бә, йан жи симптомед wә һәбьн, йан жи һәрге wан пашwәхтийа һәләqәтийа wә тʹәви кәсәки бь COVID-19 һәбуйә, жь кʹәрәма хwә нәйен сәр екскурсийайе.
Ԝәлатед Америка Йәкбуйи
Сәр ве рʹупʹеле
Информасийа Дәрһәԛа Екскурсийайе
Нишангәһ
Нишангәһед Ԝорԝикеда йед кӧ Һун Хԝәха Дькарьн Дәрбаз бьн
Кʹьтеба Пироз у Наве Хԝәде. Сәр ԝе нишангәһе һун дькарьн бьвиньн Кʹьтебед Пироз ә ӧса йед кӧ чәтьн тенә дәстхьстьне у пебьһʹәсьн дәрһәԛа ԝе йәке, кӧ чаԝа наве Хԝәде Ньвисаре Пирозда һатә хԝәйкьрьне, ԝи чахи жи гава һәр тьшт дькьрьн кӧ әԝ кʹӧта кьн. Нишангәһеда ӧса жи һун дькарьн бьвиньн Кʹьтебед Пирозә кәвьн у тьштед бәре Кʹьтеба Пирозва гьредайи.
Щьмәʹта кӧ Наве Йаһоԝа сәр ә. Әԝ нишангәһ бәʹса рʹӧһʹанийа Шәʹдед Йаһоԝа дькә. Тьштед бәре Кʹьтеба Пирозва гьредайи, шькьл у сәрһати дьдьнә кʹьфше, кӧ чаԝа Йаһоԝа рʹебәрийа щьмәʹта хԝә дькьр у ԝана һин дькьр, кӧ чаԝа ԛьрара ԝи биньн сери.
Офиса Сәрәкә—Баԝәрийа Сахләм. Сәр ԝе нишангәһе те шьровәкьрьне кӧ чаԝа комитейа Кʹома Рʹебәрийе шьхӧле хԝә тинә сери у чаԝа әԝана али Шәʹдед Йаһоԝа дькьн гӧһ бьдьнә Ньвисаред Пироз ԝе йәкеда, кӧ тʹәвайи тʹоп бьн, шагьрта һазьр кьн, рʹӧһʹанийа хԝә ԛәԝи кьн у һʹәзкьрьне һәвдӧрʹа бьдьнә кʹьфше.
Нишангәһед Патерсонеда
Гӧнде Ԛьрʹна Йәке. Һун ԛә фькьринә гәло ԝи ԝәʹдәйи чахе Иса сәр әʹрде дьжит, жийина ԝи чахи чь щурʹәйи бу? Һуне бькарьбьн гӧнде ԛьрʹна йәке лекʹолин кьн у ӧса жи һьнә шьхӧлед һәррʹожида йед ԝи ԝәʹдәйи кʹар бькьн. Әв нишангәһ ԝә али ԝә бькә хԝәндьна хԝәйә Кʹьтеба Пироз дьһа баш кьн.
Пʹәред Ԛьрʹна Йәке. Әв нишангәһ нишан дькә щурʹә-щурʹә пʹәред ԛьрʹна йәке, дәрһәԛа кʹижана Ньвисаред Йунанида те готьне. Ӧса жи әв тьштед һʹәԝас дәрһәԛа һәр щурʹе пʹәра гьли дькә у шьровәдькә, кӧ ча әԝ сәрһатийед Кʹьтеба Пирозва гьредайи нә.
Ԝе Һʹәму Лаԝед Тә жь Алийе Йаһоԝава Бенә Һинкьрьне. Әв нишангәһ дәрһәԛа тʹәрихийа мәкʹтәб у бәрнамед һинкьрьне йед тʹәшкиләте йә. Пебьһʹәсьн кӧ чаԝа әԝ мәкʹтәб али хушк-бьра кьрьн ԝәки бьбьнә дәрсдаред щерʹьбанди у рʹуспийед щьвата.
«Мьзгинийе Дьпʹарезьн кӧ Бькарьбьн бь Ԛануни Бәла кьн». Әв нишангәһ дәрһәԛа сәрһатийа ԝан Шәʹдед Йаһоԝа йә, йед кӧ жь бо баԝәрийа хԝә һәла һе ԝәʹде пәйкʹәтьнед гьран жи амьн ман. Бьньһерʹьн кӧ тʹәшкиләта мә чь кьр сәва кӧ изьна ԛануни бьстинә, сәва кӧ мьзгинийа хере сәр тʹәмамийа дьнйайе бе бәлакьрьне.