Betelma pasiana
Ñucanchi oficinagunara pasiangaj cumbiranchi, cai oficinagunara Betel shutichinchi. Maican Betel oficinagunara canllara purisha ricsina ushangui.
Cuti Betelma pasiana ushanchi: 1 de junio 2023 huatamanda, ashca llactauanai runauna cuti ñucanchi sucursalgunara pasiana ushanunga. Pasiangahua ima rurana ashcara yachangaj munasha, can pasiangaj munashca sucursalma cayai. Catarru api tucusha, COVID-19 ungüi can apishcara yachasha shinallara chi ungüira apij runahua ashcara yachasha betelma pasiangaj ama ringuichu.
Estados Unidos
Pasiangahua ima rurana ashcara
Museoguna
Warwick ricsingaj yanapaigunahua ricuchinauna
Biblia Diospa sumaj shutira ricsichin. Cai museoibi ashca valishca Bibliagunara ricuchin shinallara Diospa shutira imasna Bibliamanda llucchina munanujpis mana ushashcara. Caran pasashca timpui cambiosguna tianga, shuj tunu Bibliagunara churashca anunga shinallara Bibliamanda tupashca cosasgunara.
Jehová shutira ricsichij llacta. Cai museoibi Jehovahuaj testigoguna Diosta sirvishcamanda cuintashca an. Videoguna, dibujuguna, cosasguna caran shuj causaimanda cuintashcaunahuas ricuchinun imasna Jehová Dios paihua llactara cuirashca, yachachishca, puruntuchishca paihua munaira pactachingaj.
Central mundial: sirtu quirinara ricuchin. Cai museo partii ricsingaj yanapaigunahua intindichin Cuerpo Gobernantemanda comiteguna ima ruranun. Shinallara imasna paiguna Jehovahuaj testigogunara yanapanun Biblia nishca cuinta tandarinuchu, shujcunara yachachinuchu, Bibliara estudianuchu, parijumanda llaquinara ricuchinuchu.
Patterson ricsingaj yanapaigunahua ricuchinauna
Punda siglomanda causashca lugar. Maicambi ¿tapurishcanguichu Jesús timpui causana imasna ashcara? Caibi ricuna ushangui punda sigloi imasna causaj anuca, imara ruraj anucas shinallara cambas paiguna cuinta rurana ushangui. Cai parti Bibliara leaushcai alira intindingaj yanapana ushan.
Punda siglomanda cullqui. Escrituras Griegas Cristianas nishcai rimashca punda siglomanda cullquiunara ricuna ushangui. Cai partii caran cullquimanda intindichishcaunara ricuchin shinallara Bibliai mai partii cuintan.
“Todos tus hijos serán enseñados por Jehová”. Cai parti ñucanchi organizaciombi tiashca escuelagunamanda, yachachingaj programagunamandas cuintan. Intindina ushangui imasna cai escuelaguna ashca runaunara yanapashca ali yachachijcuna shinallara congregacionmanda ali ancianoguna tucungaj.
“Defendiendo y estableciendo legalmente las buenas noticias”. Cai partii ricungaraungui imasna Jehovahuaj testigoguna shinzhi arcaigunara charishas paiguna quirinara mana saquinuca. Caibi yachangaraungui Diospa organización ima rurashcara intiru mundui Bibliamanda cuintangaj lugar achu.