Piha ohipa e mataitairaa
Te titau manihini nei matou ia oe ia haere e mataitai i ta matou mau piha ohipa, parau-pinepine-hia Betela. I te tahi o ta matou mau piha ohipa, te vai ra te mau faaiteiteraa aita e taata aratai.
E matara faahou te mau tere mataitairaa i te Betela: I roto e rave rahi fenua, e fariihia ia haere e mataitai i te amaa mai te 1 no Tiunu 2023. A ani i te mau haamaramaramaraa i te amaa. Eiaha e haere atu, mai te peu e ma'i COVID-19 to outou, te hotahota ra aore ra te tahe ra te hupe, e mai te peu ua tapiri atu outou i te hoê taata tei roohia i te COVID.
Marite
I nia i teie api
Tere mataitairaa
Faaiteiteraa aore ra e aratai
Faaiteiteraa aita e aratai i Warwick
Te Bibilia e te iˈoa o te Atua. E ite oe i te mau huriraa Bibilia varavara e e nafea te iˈoa o te Atua i te vai-noa-raa i roto i te mau Papai noa ˈtu te mau tutavaraa no te faaore i te reira. E ite atoa oe i te tahi atu mau huriraa Bibilia varavara e te mau tauihaa tahito tei tuea i te Bibilia.
Te hoê nunaa no to Iehova ra iˈoa. E ite oe i te aamu o te mau Ite no Iehova. E faaite mai te mau tauihaa, tapura e faatiaraa mea nafea Iehova i te aratairaa, haapiiraa e faanahoraa i to ˈna nunaa no te rave i to ˈna hinaaro.
Pu rahi: Ei faaroo ohipa. E faataahia te ohipa a te mau tomite a te Tino aratai e e nafea ratou e tauturu ai i te mau Ite no Iehova ia pee i te mau aratairaa Bibilia no te putuputu, no te faariro i te taata ei pǐpǐ, no te fanaˈo i te maa pae varua e no te faaite i te here i te tahi e te tahi.
Faaiteiteraa aita e aratai i Patterson
Oire iti o te senekele matamua. Ua uiui aˈena anei oe mai te aha te oraraa o Iesu i te fenua nei? I roto i teie oire iti, e ite oe e e apiti atoa oe i te ohipa matauhia i te rave i te mau mahana atoa o te senekele matamua. E tauturu mai teie faaiteiteraa ia haamaitai atu â ta oe taioraa Bibilia.
Te mau moni paari tahito o te senekele matamua. I roto i teie faaiteiteraa e itehia te mau moni o te senekele matamua faahitihia i roto i te mau Papai Heleni Kerisetiano. Te faataahia te mau tuhaa rii o teie mau moni tataitahi e te tuatiraa e te mau aamu Bibilia.
“E haapiihia ta oe mau tamaiti atoa e Iehova.” E haamanaˈo mai teie faaiteiteraa i te aamu o ta tatou mau porotarama no te haapiiraa e faaineineraa a te faanahonahoraa. A haapii mea nafea teie mau haapiiraa i te tautururaa i te taeae ia riro mai ei taeae haapii e ei matahiapo aravihi o te amuiraa.
“Patururaa e haapapuraa i te parau apî oaoa i mua i te ture.” I roto i teie faaiteiteraa e itehia te aamu putapû mau o te mau Ite no Iehova o tei faaite i to ratou taiva ore noa ˈtu te mau patoiraa uˈana. A hiˈo eaha ta te faanahonahoraa i rave no te haamau i te mau faatureraa no ta tatou ohipa pororaa na te ao nei.
Vahi e numera niuniu
E au atoa outou . . .
ORARAA I TE BETELA
A haere mai e mataitai i te mau paturaa o te Betela no te Hau Amui no Marite
I roto i te mataitairaa, e ite oe i te pu rahi a te mau Ite no Iehova e te amaa no te Hau Amui no Marite.
