ജയിലിൽനിന്ന് പഠിച്ചു
എറിട്രിയയിൽനിന്ന് നോർവേയിലേക്ക് 2011-ലാണ് അദ്ദേഹം അഭയാർഥിയായി വന്നത്. യഹോവയുടെ സാക്ഷികൾ അദ്ദേഹത്തെ സന്ദർശിച്ചപ്പോൾ നാട്ടിൽ അദ്ദേഹത്തിനു സാക്ഷികളെ പരിചയമുണ്ടെന്നു പറഞ്ഞു. അദ്ദേഹം സൈനികസേവനത്തിൽ ആയിരുന്നപ്പോൾ യഹോവയുടെ സാക്ഷികൾ അവരുടെ വിശ്വാസത്തിന്റെ പേരിൽ ജയിലിൽ കിടന്ന കാര്യം അറിയാമായിരുന്നു. ക്രൂരമായ പെരുമാറ്റത്തിന് ഇരയാകേണ്ടി വന്നിട്ടും അവർ പിന്മാറിയില്ല.
എന്നാൽ ഒരു സന്ദർഭത്തിൽ ഇദ്ദേഹത്തിനും ജയിലിൽ കിടക്കേണ്ടി വന്നു. അവിടെവെച്ച് പൗലോ ഇയാസു, നെഗെഡെ ടെക്ലമാരിയാം, ഇസക് മോഗോസ് എന്നീ യഹോവയുടെ സാക്ഷികളെ കണ്ടു. തങ്ങളുടെ വിശ്വാസം ഉപേക്ഷിക്കാത്തതിന്റെ പേരിൽ 1994 മുതൽ ജയിലിൽ കിടക്കേണ്ടി വന്നവരാണ് അവർ.
ജയിലിലായിരുന്നപ്പോൾ അദ്ദേഹം മനസ്സിലാക്കിയ ഒരു കാര്യം ഇതാണ്: പഠിപ്പിക്കുന്നതിന് അനുസരിച്ച് ജീവിക്കുന്നവരാണ് യഹോവയുടെ സാക്ഷികൾ. അവരുടെ സത്യസന്ധത അദ്ദേഹം നിരീക്ഷിച്ചു. അവർ സഹതടവുകാർക്കു ഭക്ഷണം കൊടുക്കുകപോലും ചെയ്തു. ജയിലിൽ സാക്ഷികളായ സഹതടവുകാർ എല്ലാ ദിവസവും ഒരുമിച്ചിരുന്ന് ബൈബിൾ പഠിക്കുന്നതും മറ്റുള്ളവരെ അതിനു ക്ഷണിക്കുന്നതും അദ്ദേഹം ശ്രദ്ധിച്ചു. മേലാൽ യഹോവയുടെ സാക്ഷിയായിരിക്കില്ല എന്ന് എഴുതി ഒപ്പിട്ട് കൊടുത്താൽ അവർക്ക് ജയിലിൽനിന്ന് പോകാമായിരുന്നു.
ഈ അനുഭവം അദ്ദേഹത്തിന്റെ ഉള്ളിൽത്തട്ടി. അദ്ദേഹം നോർവേയിലേക്കു വന്നപ്പോൾ യഹോവയുടെ സാക്ഷികളുടെ ശക്തമായ വിശ്വാസത്തെക്കുറിച്ച് മനസ്സിലാക്കാൻ ആഗ്രഹിച്ചു. പിന്നീട്, യഹോവയുടെ സാക്ഷികൾ അദ്ദേഹത്തെ സന്ദർശിച്ചപ്പോൾ അവരോടൊപ്പം ബൈബിൾ പഠിക്കാനും അവരുടെ മീറ്റിങ്ങുകൾക്കു പങ്കെടുക്കാനും തുടങ്ങി.
2018 സെപ്റ്റംബറിൽ യഹോവയുടെ ഒരു സാക്ഷിയായി അദ്ദേഹം സ്നാനമേറ്റു. ഇപ്പോൾ അദ്ദേഹം എറിട്രിയയിൽനിന്നും സുഡാനിൽനിന്നും വരുന്ന ആളുകളെ ബൈബിൾ പഠിപ്പിക്കാനും അവരുടെ വിശ്വാസം ശക്തമാക്കാനും കിട്ടുന്ന ഒരവസരവും പാഴാക്കാറില്ല.