Na ngonda ya Juillet na Août ya 2020, na mbala ya ntete, bampangi ya yinza nyonso ke landa ntangu mosi mpe nzila mosi programe ya lukutakanu ya nene ya mvula yayi. Samu na kulenda yawu, ya ke lomba ba traduire programe yayi na bandinga kuluta 500. Na kutala mbote-mbote, ya ke baká mvula ya muvimba samu na kulungisa kisalu ya faso yayi. Samu na maladi ya coronavirus, bampangi ya kento na ya bakala me sala nyonso samu na kulenda kutraduire programe ya lukutakanu ya nene ya 2020 “Vanda ntangu nyonso na kilengi”! na kati ya bangonda yiya (4).

 Baservice ya Traduction na service ya achat mondial yina ke na Siege mondial ya Batemwe ya Yehova, ke na tulá diboko na kisalu ya kulutila nene yayi. Baservice ya traduction kwizá tala ti ba-ekipe mingi ya traduction vandá na nsatu ya ba-ekipement ya kulutila samu na kulungisa kisalu ya bawu, surtout ba-micro ya kalite ya mbote. Departement ya service ya achat mondial yindamá samu na kusumba ba-micro 1000, mpe kufilisa yawu na bisika presque 200.

 Samu na kubumba mbongo, service ya achat mondial, sumbá ba-micro mingi. Ba kwendá bika ba-micro yango nyonso kisika mosi, mpe kuna, ba vandá filisa yawu na ba-ekipe ya traduction na yinza nyonso. Samu beto sumbá ba-micro mingi, mosi ya yawu vandá sala 97588 fcfa na transport na kati—ya me sadisa na kubumba 20% ya mbongo yina beto zolá basisa si beto sumbak’ yawu na mosi-mosi.

 Departement ya service ya achat mondial sumbá ba-micro yayi, mpe filisak’ yawu na ba-ekipe ya traduction na kati ya ngonda ya Avril na Mai 2020—ntangu yina ba-entreprise mingi vandá sala dyaka ve na faso ya kulunga samu na maladi ya coronavirus yayi. Kasi, na nsuka ya ngonda ya Mai, baburo ya traduction, ba-bethel, mpe ba-ekipe ya nkaka ya traduction, kuzwá babima ya kulunga samu na kulungisa kisalu ya bawu.

 Jay Swinney yina ke twadisá service yango ya achat me zonza: “Ya vandá na kuwisana ya mbote na kati ya ba-departement ya bethel na ba-entreprise ya nganda na kati ya projet yayi. Ni na ngolo ya mpeve ya Yehova muntu beto me lenda kulungisa na mbangu, mpe na kusadila mbote-mbote makabu ya bampangi ya beto ya kento na ya bakala.”

 Nicholas Ahladis, yina ke salá na service ya Traduction me zonza: “Ba lombá na ba-traducteur yina vandá na kati ya confinement na ntangu yina, na kuyamba ekipement yayi. Ata ba vandá ntama na bampangi ya nkaka ya ekipe ya bawu ya traduction, ba lendá kutula diboko na faso ya kulunga samu na kutraduir, mpe ku-enregistre badiskur, bavideo, na banzimbu na bandinga kuluta 500.”

 Projet yayi ke mosi ya baprojet yina ba me lungisa samu na kubasisa lukutakanu ya bilumbu tatu ya 2020 “Vanda ntangu nyonso na kilengi”!. Makabu ya beno ya ntima ya mbote yina beno me pesa na nzila ya internet na site donate.pr418.com mpe na bafaso ya nkaka, me sadisa samu na kusumba babima ya mfunu yayi.