Nabʼe mul, konojel ri testigos rech Jehová re ronojel ri uwach Ulew pa junam tiempo kkil ri nim riqbʼal ibʼ re oxibʼ qʼij 2020, pa ri ikʼ re julio y agosto. Rech kbʼan wariʼ, xqʼaxex ronojel ri programa re ri nim riqbʼal ibʼ pa 500 chʼabʼal. Ojer kanoq, jun junabʼ o más che jun junabʼ kbʼan che ubʼanik wajun chak riʼ. Are kʼu, rumal ri nimalaj yabʼil COVID-19 ri kkiqʼaxej ri nim riqbʼal ibʼ pa nikʼaj chi chʼabʼal «¡Ronojel qʼij chixkikotoq!» xa kajibʼ ikʼ xkibʼan che ubʼanik wajun chak riʼ.

 Ri Departamento Mundial de Compras y ri departamento de Servicios de Traducción re ri central mundial junam xechakun che ubʼanik wajun nimalaj chak riʼ. Ri e qachalal re Servicios de Traducción xkilo che kajwataj más jastaq che ubʼanik wajun chak riʼ y más na ri utzalaj taq micrófonos. Ri Departamento Mundial de Compras xuloqʼ 1,000 micrófonos y xeʼutaq bʼi pa 200 jalajoj taq lugares.

 Sibʼalaj kʼi ri micrófonos xeloqʼik rech ksach ta más pwaq che, ronojel xa pa jun lugar xopan wi tekʼuriʼ xejach pa ronojel ri uwach Ulew chke ri kekojowik. Rumal che kʼi xeloqʼik, xa 170 dólares xel wi chkijujunal ri micrófonos, rumal wariʼ xbʼan ahorrar más che 20 % rajil.

 Ri Departamento Mundial de Compras xuloqʼo y xutaq bʼi pa ri ikʼ re abril y mayo re 2020, are chiʼ e tzʼapital ri e kʼayij rumal ri nimalaj yabʼil. Kʼi chke ri oficinas remotas de traducción, sucursales y nikʼaj chi lugares che kqʼaxex ri e wuj pa nikʼaj chi chʼabʼal kʼo chi ronojel ri kajwataj chke pa ri kʼisbʼal re ri ikʼ mayo.

 Ri qachalal Jay Swinney, che kilow ri chak pa ri Departamento Mundial de Compras, kubʼij: «Are chiʼ xbʼan wajun chak riʼ, xwilo che ri qachalal re ri departamentos de Betel y ri winaq che xeyaʼow ri jastaq che xeloqʼik, xechakun pa junamam. Xaq xiw rumal ri utobʼanik ri Jehová aninaq xyaʼ ri kajwataj chke ri e qachalal y kʼi ta pwaq xsach che».

 Ri qachalal Nicholas Ahladis, che kchakun pa ri Servicios de Traducción, xubʼij: «Ri e qachalal che kkiqʼaxej ri e qawuj pa nikʼaj chi chʼabʼal sibʼalaj xekikotik are chiʼ xyaʼ ri kʼakʼ taq equipos riʼ chke. Paneʼ naj e kʼo wi chke ri e nikʼaj chi kachiʼl, xetobʼanik rech xkiqʼaxej ri chʼabʼal, videos y ri e bʼix pa más che 500 chʼabʼal xuqujeʼ xkibʼan grabar».

 Wajun chak riʼ are jun chke ri e chak xbʼanik rech xbʼan ri nim riqbʼal ibʼ re oxibʼ qʼij 2020, ubʼiʼ «¡Ronojel qʼij chixkikotoq!» rech konojel ri e qachalal kkil ri programa. Ri equipos xeloqʼik rumal ri ikuchuj che iyaʼom pa donate.pr418.com.