Kwa mara ya kwanza ndugu na dada wa mu dunia yote wataangalia programu ileile ya mukusanyiko wa eneo mu Mwezi wa 7 na Mwezi 8, 2020; na watafanya vile mu kipindi kimoja. Juu ile iwezekane, hotuba za mukusanyiko zenye kurekodiwa, zilipaswa kutafsiriwa mu luga zaidi ya 500. Kwa kawaida, juu ya kupanga na kumaliza ile kazi yote, ingeomba mwaka moja ao zaidi. Lakini kwa sababu ya ugonjwa wa coronavirus, watafsiri wa Mukusanyiko wa Eneo wa 2020 “Mufurahi Sikuzote”! walipaswa kumaliza ile kazi mu wakati kidogo sana; chini ya miezi ine.

 Idara ya Utumishi wa Kutafsiri na Idara ya Kununua Vitu kwa Ajili ya Beteli Mbalimbali yenye kuwa ku Makao Makubwa ya Mashahidi wa Yehova ilisaidia kutimiza ile kazi kubwa. Ndugu wa Idara ya Utumishi wa Kutafsiri walitambua kama vikundi mingi vya watafsiri vilikuwa na lazima ya vyombo vya kuwasaidia kutimiza ile kazi, zaidi sana mikro za muzuri zaidi. Ndugu wa Idara ya Kununua Vitu kwa Ajili ya Beteli Mbalimbali walinunua mikro 1000 na wakazituma mu maeneo karibu 200.

 Juu ya kutumia feza muzuri, ndugu wa Idara ya Kununua Vitu kwa Ajili ya Beteli Mbalimbali walinunua mikro mingi mara moja. Mikro zilipelekwa kwanza fasi moja, na kisha zikatumwa kwa watafsiri mu dunia yote. Kwa kununua mikro mingi mara moja, feza zenye zilitumiwa ili kununua na kulipia mikro moja zilikuwa dola 170. Ikiwa hatungeuza mikro mingi mara moja, hatungepata mikro moja ku bei ya chini vile.

 Ndugu wa Idara ya Kununua Vitu kwa Ajili ya Beteli Mbalimbali walipaswa kununua mikro na kuisafirisha mu Mwezi wa 4 na mu Mwezi 5, 2020. Ile wakati, wafanyabiashara wengi hawakukuwa wanatumika kama kawaida kwa sababu ya ugonjwa wa coronavirus. Lakini kufikia mwisho wa Mwezi 5, biro mingi za kutafsiri, biro mingi za tawi, na mu maeneo zingine kwenye kazi ya kutafsiri inafanywa walipata vyombo vyenye walikuwa navyo lazima.

 Jay Swinney, musimamizi wa Idara ya Kununua Vitu kwa Ajili ya Beteli Mbalimbali anasema hivi: “Wakati wa ile kazi yote, idara mbalimbali za Beteli pamoja na wafanyabiashara walitumika pamoja kwa upatano. Ni roho ya Yehova tu njo ilitusaidia tufanye ile kazi haraka sana, na tutumie muzuri michango ili kusaidia ndugu na dada zetu.”

 Nicholas Ahladis, mwenye kutumika mu Idara ya Utumishi wa Kutafsiri, anasema hivi: “Watafsiri wenye walikuwa mu kifungo ile wakati kwa sababu ya coronavirus, walitiwa moyo sana wakati walipata ile vyombo. Hata kama haikuwezekana wakutane na watafsiri wa kikundi chao, walitumika muzuri pamoja na wenzao ili kutafsiri na kurekodi hotuba, drama, na nyimbo mu luga zaidi ya 500.”

 Ile kazi, ni moja kati ya kazi mingi zenye zilifanywa ili kusaidia ndugu na dada wa mu dunia yote wafuate Mukusanyiko wa Eneo wa 2020 “Mufurahi Sikuzote.” Michango yenu ya kujipendea yenye mulitoa kupitia donate.pr418.com na kupitia njia zingine njo ilisaidia kununua vile vyombo.