Papaʼ julio chu agosto nala tuku nikxni chuna xlanit, xtatayananin Jehová naʼakxilhkgo watiya kilhtamaku chu watiya grabación xla asamblea regional kata 2020. Xlakata tlan chuna xtlawaka, programa xla asamblea regional matitaxtika kliwaka 500 tanu tanu tachuwin. Kʼatanu kilhtamaku, xlakata chuna xtlawaka max xlimaklakaskinka akgtum kata o liwaka. Pero xlakata pandemia xla coronavirus, tiku matitaxtikgolh asamblea regional kata 2020 «Putum kilhtamaku kalipaxuwatit», nipara akgtati papaʼ kgalhikgolh xlakata xtlawakgolh uma taskujut.

 Departamento Mundial de Compras chu departamento de Servicios de Traducción nema wi anta niku pulalinkan xtaskujutkan xtatayananin Jehová akxtum tlawakgolh uma lanka taskujut. Servicios de Traducción katsilh pi lhuwa equipos xla traductores tlakg lhuwa tuku xmaklakaskinkgo xlakata xtlawakgolh uma taskujut, liwaka xalaktlan micrófonos. Departamento Mundial de Compras tamawalh 1,000 micrófonos chu max 200 lakalit kamalakgachalh niku xtamaklakaskin.

 Xlakata ni lu xlaktlawaka tumin, katamawaka lhuwa micrófonos, kaj lakatum niku malakgachaka, anta kamakaxka paquetes chu kamalakgachaka kxlikalanka katiyatni. Xlakata kaj makgtum makxtum katamawaka, akgatunu micrófono kitaxtulh 170 dólares kxtapalh, chu na anta makgtanuma tumin nema matajinankan xlakata namalakgachakan. Uma kilhchanima pi liwaka 20% tlakg likta xokgoka.

 Departamento Mundial de Compras katamawalh umakgolh micrófonos chu kamalakgachakgolh papaʼ xla abril chu mayo kkata 2020, akxni lu tuwa xwanit natamawanankan chu nastanankan xlakata pandemia. Pero akxni ksputmaja papaʼ mayo, atsinu ni putum oficinas remotas de traducción, sucursales chu alakatanu niku matitaxtikan kilikgalhtawakgakan xkgalhikgoya tuku xmaklakaskinkgo.

 Jay Swinney, tiku kuentajtlawa la tlawakan taskujut kDepartamento Mundial de Compras, wan: «Chuna la xtlawamaka uma taskujut, lu tlan chuna la akxtum skujkgonit departamentos xalak Betel chu tiku liminkgo tuku tamawakanit. Kajwatiya xʼespíritu santo Jehová tlan tlawa pi nakamaxkikan natalan tuku maklakaskinkgo; lakapala chuna tlawa chu ni lu tapalaxla kitaxtu».

 Tala Nicholas Ahladis, tiku skuja kServicios de Tradución, wan: «Traductores tiku nila xtaxtukgo lu paxuwakgolh akxni makglhtinankgolh xalaksasti equipos. Maski ni akxtum xkatawilakgo xcompañeroskan, tlan lamakgtayakgolh xlakata xmatitaxtikgolh chu xgrabarlikgolh taʼakgchuwin, videos chu takilhtlin kliwaka 500 tachuwin».

 Uma kaj akgtum taskujut nema tlawaka xlakata xmatitaxtika asamblea regional 2020 «Putum kilhtamaku kalipaxuwatit» xpalakata putum natalan. Umakgolh equipos tlan katamawaka xlakata xatapaxuwan mastatit mintuminkan kdonate.pr418.com chu alakatanu.