Akka video na tatonton di kebaktian regional, boi do patoguhon rohatta jala manabbai parbinotoanta taringot Bibel. Di Kebaktian Regional taon 2020 “Sai Marlas ni Roha ma Hamu”, adong do dibahen 114 video termasuk 43 jamita na dipasahat anggota ni Punguan na Mangaradoti Organisasi dohot akka asistenna. Diboto hamu do aha na diulahon lao mambahen video i jala sadia godang biaya na dipakke tusi?

 Adong ma hampir 900 halak donganta di liat portibi on na mangurupi lao mambahen acara on. Jadi totalna, lobi sian 100.000 jam ma tikki na dipakke lao mambahen proyek on saleleng dua taon. On termasuk mambahen drama Nehemia: Las ni Roha sian Jahowa Mambahen Hamu Margogo na lelengna holan 76 menit. Alai habis do tikki 70.000 jam lao mambahen drama i.

 Pasti godang do biaya na habis tusi. Misalna, tu kebutuhan ni akka relawan, bantuan teknis, peralatan, dohot akka fasilitas na dihaporluhon lao pasaehon proyek i.

 Donganta si Jared Gossman na mangurupi di Layanan Audio/Video mandok, “Las do roha ni Panitia Pengajaran sian Punguan na Mangaradoti asa ditampilhon akka video sian marragam negara dohot kebudayaan. On patuduhon tu akka halak na marsada do sude akka naposo ni Jahowa di liat portibi on. Jadi alani i, adong do 24 tim di 11 negara na kerjasama tu proyek i. Lao mangulahon i, dihaporluhon do godang biaya, perencanaan, dohot pengaturan na denggan.”

 Lao mambahen godang video, porlu do peralatan dohot tempat khusus. Contohna, drama Nehemia: Las ni Roha sian Jahowa Mambahen Hamu Margogo dibahen do di studio Mt. Ebo jonok ni Patterson, New York, Amerika Serikat. Asa boi hemat dana sumbangan jala mambahen inganan na mirip songon aslina, dibahen akka donganta ma rancangan na sarupa songon tembok Jerusalem najolo. Dibahen ma i sian hau jala dilapisi busa asa mirip songon batu, onom meter ma timbona. Jala dang pola godang i dibahen, ala boi do dipinda-pindahon “tembokna” i molo margatti adeganna. Alai nang pe songon i, habis do 1,4 milliar rupiah lao mambahen i. a

 Jadi, lam taargai ma kebaktian regional di taon on, alana nga taboto songon dia acara kebaktian i dibahen. Jala pos do rohatta, sude na diulahon lao mambahen kebaktian i pasangappon Jahowa. Mauliate ma di sumbanganmuna na dilehon hamu marhite donate.pr418.com manang marhite cara na asing. Dipakke do sumbangan i lao mangurupi ulaonta di liat portibi on.