Video za tukutakanu tweto twa tunene mitima mia bantu zisimbaka mpe ngwilu’eto ya ndongosolo za Bibila zitomesaka. Lukutakanu lwa bilumbu bitatu lwa 2020, “ Yangalakeno mu Yehova”, video 114 lwena mpe binzonzi 43 biasiri mpangi za Timvuka titwarisaka na bibakissi biawu. Ngano weka tiyula ntia ngolo na ntia mbongo zidinganaka mu kubika video zo?

 Mpangi kampe 900 za mu nza ya mukaka bayizi sarila ntangu’awu na mayela mawu mu dukisa programe. Ntangu yayansoni yi bayôkese mu kubika programe yo yidelakane na 100 000 heures mu mvula zole. 70 000 heures yafwanana mu manisa montage ya filme ya minite 76 ya Néhémie: «La joie de Jéhovah est votre forteresse».

 Ntiana bu lulendi wa banza, mbongo zazingi zadingane mu bakisa bisari biabiansoni biayizi tihana mu tisalu, na bisalulu biafwanana mu manisa bisalu.

 “Komite ya ndongosolo ya Timvuka titwarisaka yitomono zolo mpila yi bamonesaka bantu ba makanda ma swaswana mu video zango. Jared Gossman, salaka ku biro ya Audio/Video têle ti: “Mpila yo mbo yitubakisa mu songela ti bantu ba nza yayansoni twena. Mu lungisa kani diango, ekipe 24 za mu nsi 11 zafwanana mu sala mu bungu dia bisalu biango. Ngolo za mpila yo za mu nza yayansoni mbongo zidingaka, lutwalusu na tintwari.”

 Mu yirika video zazansoni, nsatu yeri neto ya baka bisalulu na mbuka za delakana. Mu tifwani, Filme ya Néhémie: «La joie de Jéhovah est votre forteresse» mu studio ya mont Ebo bayirikila yo, penepene na Patterson, ku tizunga tia New York, ku Etats-Unis. Mu bakila ndandu mu mbongo zi bakubikiri mu yirika video yo na mu delakasa misamu buna bu miayôkela mu ntama, bampangi bayizi yirika studio ngatu ya delakana na bibaka bia Yerusaleme. Muna tibaka 6 mètres tieri saka mpe batûla tio mousse, mpe batomo yirika ngatu biadelakana na matari. “Bibaka” biango balendi bia soba mbuka; buna ka babâ na nsatu ko ya yirika biaka biakaka mu mbuka zakaka ku bieri dinganaka. Kâ, kampe 60 000 000 FCFA yadingana mu yirika kwa bisalulu bia drame. a

 Zaba misamu mio mbo kutubakisa mu tomo tondaka mu bungu dia programe ya tukutakanu twa bilumbu bitatu twa muvu wu. Lukwikulu lwe neto ti ngolo zi bata sarila mu dukisa programe yo mu nza yayansoni mbo zikembesa Yehova. Matondo mamingi mu bungu dia makabu meno mu tisalu tia nza yayansoni mu donate.pr418.com na mu mpila zakaka.