Esyo video esyotukalebaya oko mihindano yetu minene y’ekiharo sikatula oko mutima kandi sikatuwatikaya eriminya ndeke amakangirirya w’eBiblia. Oko muhindano wetu munene w’ekiharo, mutwalebya esyovideo 114 erihirako n’emikania 43 eyalabibawa n’abaghala betu b’omo Katunga Akakasondola n’abawatikya babo. Wanabiriyibulya erikola esyovideo esi nga kikasaba mubiri mungahi n’esyofranga singahi?

 Abaghala n’abali betu hakuhi 900 erilua omo bihugho mbiriri-mbiriri mubaherera esyo ndambi syabo n’obutoki bwabo eriwatikya oko programe eyi. Omubiri oyu mwabugha emyaka eyibiri, n’abakoli aba mubakolesya esyosaha hakuhi 100000 bakakola omubiri oyo. Omo syosaha esyo muli esyosaha 70 000 erikola e drame ya Nehemia eye syo dakika 76, eyiri n’omutwe Nehemia: “Obutseme bwa Yehova ni kaghala kenyu.”

 Oko kwenene, kikasaba franga nyingyi eriha abakayiherera aba ebyo balaghireko, eribaha obufundi kutse obwenge n’ebindu byosi ebyangakolesibwa eribughirira omubiri wabo wo ndeke.

 “Akatunga k’eby’erikangirirya kanzire omo syovideo syetu imwabya abandu b’emibere mbiriri-mbiriri n’ebiharo mbiriri-mbiriri. Mughala wetu Jared Gossman, oyukakola oko mubiriri w’esyovideo n’eby’erihulikirira akabugha ati: Tukakola tutya busana tuli kihanda ky’omo kihugho kyosi ky’abaghala n’abali neryo twanzire esyovideo syetu isyakangania ekyo,”. “Eriberererya ekyo, ebikuto 24 by’abandu abalwire omo bihugho 11 mubakola omubiri oyo yo haghuma. Kikasaba esyofranga nene eriteghekania n’erisunga abandu omo kihugho kyosi abakendikola omo bughuma.”

 Esyo video syetu nyingyi sikasaba erikolesya ebyombo by’embaghane. Ng’ekyerileberyako, mutwateghekania aho tukendikolera efilme Nehemia: “Obutseme bwa Yehova ni kaghala kenyu” omo studio Mt. Ebo hakuhi ne Patterson, New York, U.S.A. Erikolesya esyofranga syo ndeke omughulu twabya tukakokotya efilme eyikakanganaya emyatsi eyakoleka kera yo ndeke-ndeke, abaghala betu mubakokotya ebindu ebingwahirire ebisosire esyombimbo sye Yerusalema. Obuli lughuma lwa kusyo iluwite esyo metere ndatu omo buli bwe miti obuswikire kw’ebivuta (mousses), muyahirwako erangyi yitoke erisosa amabwe. “Esyombimbo” esyo syangabere sikasegheribwa erikwamana n’ekitsweka ky’evideo ekyo bakasonda erikola. Ekyo mukyawatikya eripungusya oko byombo ebyo bangakolesirye. Nomo kine kitya, hakuhi esyo dalare 100 000 syabya silaghirweko busana n’erikokotya aho tukendisatira e drame hasa. *

 Eriminya ndeke emyatsi eyi, kikaleka itwanzisibwa kutsibu n’omuhindano munene wetu w’ekiharo w’omwaka ono. Tukirirye ngoko akaghala akakolesibawa busana n’eprograme eyi mukalwirwamo eripipa Yehova omo kihugho kyosi. Wasingya kutsibu okwibya benge mukateka ebihembo ebikawatikaya oko mubiri omo kihugho kyosi erilabira donate.pr418.com n’esindi nzira okwaho.