Ri videos che kekʼut pa ri nimaʼq taq riqbʼal ibʼ sibʼalaj kok pa ri qanimaʼ y kojkitoʼ che uchʼobʼik ri Biblia. Pa ri nim riqbʼal ibʼ re oxibʼ qʼij 2020 «¡Ronojel qʼij chixkikotoq!» xkʼut 114 videos, y 43 chʼabʼal xkiya ri Jupuq Ajkʼamal bʼe cho ronojel uwach Ulew y ri ketobʼan kukʼ. ¿La kʼo jumul achomam jas ubʼanik ri chak riʼ y jampaʼ pwaq ksach che ri videos riʼ?

 Weneʼ e 900 qachalal re ronojel ri uwach Ulew xkiya ri kitiempo, ri kʼo kukʼ y ri kirajil rech xbʼan wajun nim riqbʼal ibʼ riʼ. Kebʼ junabʼ xbʼan wajun chak riʼ, che xubʼanaʼ 100,000 horas. Che waʼ 100,000 horas riʼ, 70,000 xkoj che ubʼanik ri drama ubʼiʼ Nehemías: Ri kikotemal che kuya ri Jehová chqe kuya qachuqʼabʼ, che kuchʼij 76 minutos.

 Qastzij che xajwataj pwaq che uyaʼik ri kajwataj chke ri ketobʼan chilaʼ, che uloqʼik ri jastaq che kkikoj pa ri drama, uriqik ri equipos y ri lugar che kbʼan wi.

 Jun qachalal che kchakun pa Servicios de Audio y Video, ubʼiʼ Jared Gossman kubʼij: «Ri Comité de Enseñanza re ri Jupuq Ajkʼamal bʼe cho ronojel uwach Ulew kraj che pa ri qavideos keqʼalajin jalajoj taq qachalal re jalajoj taq tinamit. Rech kqʼalajin ri loqʼoqʼebʼal che kʼo chkixoʼl ri e qachalal. Rech xbʼan wariʼ 24 equipos re 11 nimaʼq taq tinamit junam xechakun che ubʼanik wajun chak riʼ, rech utz xel ri chak qas xchomax ri kbʼan che ubʼanik, xuqujeʼ xajwataj kʼi taq jastaq chke».

 Xajwataj nimaʼq taq equipos chke jujun taq videos y xsukʼumax jujun taq jastaq rech kqʼalajinik che re ojer kanoq o re ri qaqʼij. Jun kʼutbʼal, are chiʼ xbʼan ri drama ubʼiʼ Nehemías: Ri kikotemal che kuya ri Jehová chqe kuya qachuqʼabʼ, xebʼan ri e tapya chupam ri estudio Mount Ebo, naqaj che Patterson (Nueva York). Rech utz kbʼan che ukojik ri kuchuj y rech ri drama qas kjunamataj rukʼ ri re ojer, ri e qachalal xkibʼan tapya junam rukʼ ri ojer Jerusalén. Chkijujunal ri e tapya ketan 6 metros raqan (20 pies), che bʼanom che tzʼalam tekʼuriʼ wiqom che jun material che kqʼalajinik che je kʼo abʼaj. Rumal che ri e tapya riʼ e al taj, ri e qachalal kekunik kkislabʼaj, rukʼ wariʼ xbʼan ta chi más tapya. Are kʼu xsach 100,000 dólares che ubʼanik ri e jastaq riʼ. a

 Retaʼmaxik ronojel wariʼ kubʼano che sibʼalaj nim kqil wi ri nim riqbʼal ibʼ re oxibʼ qʼij che xbʼan pa wajun junabʼ riʼ. Ronojel ri chuqʼabʼ che kkikoj ri e qachalal riʼ kuya uqʼij ri Jehová pa ronojel ri uwach Ulew. Sibʼalaj kqamaltyoxij ri ikuchuj, xuqujeʼ ri kiya pa donate.pr418.com.