Tatꞌä zänä xa di to̱ꞌmihu̱ ko ndunthi rä johya nuꞌu̱ yä programä ꞌne yä bideo po̱ni ha JW Broadcasting. Pe ndunthi de nuꞌu̱ mä kuhu̱ bi ꞌmu̱i ha África hingi pe̱ꞌtsi rä Internet pa dä hyandi nuꞌu̱ yä programäꞌu̱. ¿Por hanja?

 Ha ndunthi yä luga de África otho rä Internet. O mu̱ xi ja, hingi tse̱di rä señal o xi xä mädi. Nꞌa rä mꞌiki nꞌa rä superintendente de gä circuito ha Madagascar bi descarga nꞌa de nuꞌu̱ yä programä po̱ni tatꞌä zänä ha JW Broadcasting dende ha nꞌa rä cibercafé. Pa geꞌä pe̱ꞌtsi te bi gutꞌi 16 yä dolar. * Näꞌä rä bojäꞌä nixi hingä geꞌä tähä nꞌa rä jäꞌi de nꞌa semänä rä ꞌme̱fi.

 Pe mäpaya, yä miyontho yä jäꞌi ha África tsa dä hyandi JW Broadcasting mäske hingi pe̱ꞌtsi rä Internet. ¿Hanja di ja?

 Dende rä je̱ya 2017, nuꞌu̱ toꞌo ꞌmu̱i ha África subsahariana tsa dä hyandi rä JW Broadcasting ha nꞌa rä canal de rä telebision ko rä satélite. Gatꞌho toꞌo dä ne dä za dä hyandi nunä canal mä pa rä xui nsinke te dä gutꞌi. Nunä canal ꞌmu̱i disponible ha 16 yä idioma.

 Pa geꞌä, yä testigo rä Jeoba di renta nꞌa rä servicio de gä telebision pa dä za dä gu̱ki yä programä po mäde de rä satélite. Näꞌä rä señal tso̱ni ngu ha 35 yä hnini de África subsahariana, ꞌne rä hnini Äjuä jutꞌi thogi de 12.000 yä dolar tatꞌä zänä po nunä servicio. Rꞌabu̱, dri jutꞌi mä nꞌa zi tu̱i pa dri thoꞌtsi märꞌa yä programä ha mä nꞌa rä canal. Njabu̱ yä mꞌotho yä jäꞌi dä za dä hyandi yä däta mhuntsꞌi regional ꞌne nuꞌu̱ yä programä especial ja nuꞌmu̱ tso̱ho̱ rä representante de rä central mundial.

 Ndunthi yä jäꞌi, tanto yä Testigo ngu nuꞌu̱ hinä handi nunä canal ha yä telebision. Pe ndunthi yä ku hingi tsu̱päbi pa dä dai konte dä hyandi. Hänge xä thutsꞌi yä equipo nuꞌu̱ häni rä señal de gä satélite ha 3.670 yä Ngu de gä Mhuntsꞌi. Njabu̱ yä ku tsa dä hyandi JW Broadcasting. Pa geꞌä di ja mꞌe̱di ngu mä 70 yä dolar pa dä thai ꞌne dä ꞌme̱hni nꞌa rä antena mu̱ näꞌä rä Ngu de gä Mhuntsꞌi ya pe̱ꞌtsi nꞌa rä telebision o nꞌa rä proyector. Ha nuꞌmu̱ hinä dri gasta asta 530 yä dolar.

 Yä ku xa di jamädi po nunä canal. Nꞌa rä anciano de Camerún enä: «Pa mä familia, nunä canal ꞌñenä rä mänä ha yä yꞌotꞌä hai». Odebode, nꞌa rä ku mengu Nigeria, enä: «Di muntsꞌihe ko mä familia pa di handihe rä canal hñu mꞌiki rä semänä. Mä zi bätsi nzäntho ya xtä duhmä dä zo̱ho̱ näꞌä rä oraꞌä. ꞌNe märꞌa yä mꞌiki adi gä huꞌtsuäbihe näꞌä rä canal». Rose, ꞌnehe mengu Nigeria enä: «¡Xa di johya ndunthi! Mä mꞌe̱tꞌo xa ndi ho gä handi yä notisia, pe nubye̱ mänꞌa xa di ho gä handi rä canal JW. Nuꞌmu̱ ndi handi yä notisia xa ndi dämä nkue̱ ꞌne mi po̱tsꞌe mä presion. Pe rä canal JW xa di nupkä mä mfeni ꞌne jaki xa gä johya... Geꞌä rä canal xa di ho. Näꞌä nꞌa rä jäpi xä rꞌakägi Jeoba».

 Nꞌa rä superintendente de gä circuito ha Mozambique enä ge ha rä circuito xä thutsꞌi gatꞌho näꞌä ja ꞌme̱di ha yä Ngu de gä Mhuntsꞌi pa dä za dä hñäni rä señal de gä satélite ꞌne njabu̱ dä nheki rä canal JW. Yä ku tso̱ni ha rä Ngu de gä Mhuntsꞌi nꞌa ora änte pa handi JW Broadcasting änte de rä mhuntsꞌi.

 Pa näꞌä rä däta mhuntsꞌi internacional de rä je̱ya 2019 ha Johannesburgo (Sudáfrica), bri usa nunä canal pa bi nheki ꞌne bi ntꞌo̱de ha mä gu̱to yä luga nuꞌu̱ yä discurso bi uni nuꞌu̱ yä ku de rä Cuerpo Gobernante. Sphumelele, di mpe̱fi ha rä Departamento Local de Broadcasting de rä ngu Betel de Sudáfrica enä: «Mä mꞌe̱tꞌo ndi thoꞌtsihe nuꞌu̱ yä discurso po mäde de Internet. Pe pa geꞌä mi ja mꞌe̱di gä pe̱ꞌtsihe nꞌa rä hogä Internet ꞌne ndi taihe yä dato. Pe gä thoꞌtsihe po näꞌä rä canal de gä satélite mänꞌa hingi mädi ꞌne seguro».

 Xa di jamädihe po nuꞌu̱ ri donäsio gi unihu̱, njabu̱ yä ku mengu África tsa dä hyandi JW Broadcasting po rä satélite. Di jamädihe po nuꞌu̱ yä donäsio gi unihu̱ pa mä mäkä ꞌm̱efihu̱ po mäde de donate.pr418.com o de märꞌa yä forma.