МАНИЛА, Филиппин. Супертајфун Һаијандан сонра Јеһованын Шаһидләри бир илдән аз мүддәтдә 750-јә јахын еви тикмәк вә ја бәрпа етмәк үчүн ҝенишмигјаслы тәмир ишинә башладылар.

Јеһованын Шаһидләринин Филиппиндәки нүмајәндәси Дин Ҹејсек белә деди: «Мәгсәдимиз тикинти ишини 2014-ҹү илин сентјабрына кими гуртармагдыр. Тикинти ишләри илин биринҹи јарысында башлады. Чохлу көнүллүләрин көмәји илә август ајы баша чатмамыш тикинти иши тамамланды».

Јеһованын Шаһидләринин Рәһбәрлик Шурасы дүнјанын дөрд бир јанындан диндашларынын ҝөндәрдикләри ианәләри бу јардым ишинә хәрҹләдиләр.Јеһованын Шаһидләринин Маниладакы филиалы тәбии фәлакәтин зијан вурдуғу әразиләрдә тикинти ишини тәшкил етмәк үчүн јардым комитәси јаратды. Бу ишә Таклобан шәһәриндә 167 еви, Ормок шәһәриндә 256 еви, Себу шәһәриндә 101 еви, Рохас шәһәриндә исә 218 еви бәрпа етмәк вә ја јенидән тикмәк дахил иди. Филиппиндән олан 522 көнүллү Јеһованын Шаһиди илә башга өлкәләрдән олан 90 көнүллү Јеһованын Шаһиди бу ишдә иштирак етдиләр.

Лејте биринҹи әјаләт тәмсилчиси Фердинанд Мартин Ромуалдес гејд етмишди: «Јеһованын Шаһидләри евләрин тикинтисинә дәрһал һај верән илк гејри-һөкумәт тәшкилатыдыр... Аиләмин вә халгымызын миннәтдарлығыны сөзләрлә там ифадә едә билмирәм».

Әлагә үчүн:

Бејнәлхалг: Ҹ. Р. Браун, мәлумат хидмәти, тел.: +1 718 560 5000

Филиппин: Дин Ҹејсек, тел.: +63 2 411 6090