Ena Tusiti na ika6 ni Feperueri e kurea na tokalau kei Taiwan e dua na uneune e 6.4 na kena kaukaua. E vakadeitaka na tabana ni itukutuku ni ratou mate e le 6, era mavoa tale ga e sivia e 250 na lewenivanua. Me yacova mai qo e le 76 tale na lewenivanua era se yali tiko.

E sega ni dua na dautukutuku e mate se mavoa ena uneune qori. Ia e vakacacani sara vakalevu na Vale ni Soqoni kei na valenivolavola tu yawa ni vosa vakaAmis (dua vei ira na vosa vakaTaiwan) e toka e Hualien. Qori e dua vei ira na vanua e kaukaua sara kina na vakacaca ni uneune. E vakacacani tale ga na vale era tiko kina na tacida era lewe ni timi ni vakadewa, qai vinakati mera vagalala mai ena nodra itikotiko. Era mani tuvanaka na tacida ena vanua qori mera vakavaletaki na tacida era vakaleqai. Sa vakarautaka tale ga na valenivolavola ni tabana e Taiwan eso tale na ka e vinakati mera bula kina na tacida.

Meda nanumi ira mada ga ena masu na tacida era vakaleqai me rawa nira vakacegui ena gauna dredre era sotava tiko. Eda nuidei tale ga ni o ira na tacida era lesi mera veivuke era na vaka “na ivunivuni mai na cagi.”—Aisea 32:2.

Gusunivosa:

Veiyasa i vuravura: David A. Semonian, Valenivolavola ni iTukutuku, +1-845-524-3000

Taiwan: Chen Yongdian, +886-3-477-7999