L’otsho wa Lushi la hende, Ngɔndɔ ka hende 6, didimu dia nkɛtɛ dia manyitidɛ 6,4 diakonge ske la ɛstɛ ka Taïwan. Alapɔlɔ wa tita nsango wakɛnya dia anto oko 6 wakavu ndo anto ndekana 250 wakahomɔ. Ndo anto akina 76 wateyama lɛnɛ ewɔ.

Ndooko opandjudi wakadiakema kana wakahomɔ lo didimu dia nkɛtɛ sɔ. Koko l’osomba wa Hualien, wa lo ɛtshi ka nkɛtɛ kakaleke munandema la didimu dia nkɛtɛ sɔ, luudu lɔmɔtshi l’etajɛ laki la Mbalasa ka Diolelo ndo la biro k’okadimwelo ka l’ɔtɛkɛta wa amis (watɛkɛtama l’ɛtshi ka nkɛtɛ kɛsɔ) lakalana. Ndo nto, luudu lɔmɔtshi la lɛnɛ akahange olui w’akadimudi lakalana efula, ndo dui sɔ diakalɔmbɛ dia mbasɛkɔla dihole dikina. Anangɛso wakadjasɛ suke la dihole sɔ wakayalɔngɔsɔla dia nongola anangɛso dia mbadjashiya lo tshanda mɔtshi. Ndo mbalasa kalɔmbɔla olimu lo wodja kekɔ lo mbisha anangɛso diangɔ dikina diewɔ l’ohomba.

Tekɔ lo nɔmba di’anangɛso l’akadiyɛso wamonandema la mpokoso kɛsɔ ntshikala nge lo ntena dia wolo sɔ ndo di’anangɛso wele l’ɔkɛndɛ wa mbakimanyiya woonge oko ‘eshamelo’ le wɔ.”​—Isaya 32:2.

Numɛlɔ y’ase tita nsango:

International: David A. Semonian, Biro kewoya akambo, +1-845-524-3000

Taïwan: Chen Yongdian, +886-3-477-7999