Oor ’n tydperk van ses maande wat in Maart 2018 begin het, het die Hooggeregshof in Oesbekistan en die administratiewe hof van Karakalpakstan, ’n selfregerende republiek in Oesbekistan, ten gunste van Jehovah se Getuies beslis. Die beslissing is gelewer in hofsake wat te doen gehad het met ons vryheid van godsdiens. Die Hooggeregshof het vier beslissings deur die laer hof teen ons broers ongeldig verklaar, en die administratiewe hof het ’n vyfde beslissing ongeldig verklaar.

’n Hele paar van die sake waarby ons broers betrokke is, het gebeur as gevolg van polisie-ondersoeke. Die owerheid het in hierdie ondersoeke Bybellektuur afgevat, sowel as elektroniese toestelle wat kopieë van die Bybel opgehad het. As gevolg hiervan het laer howe die broers skuldig bevind en hulle boetes gegee op grond van ’n wet wat volgens party nie mense toelaat om godsdienspublikasies te versprei nie. Gelukkig het hierdie onlangse beslissings deur die Hooggeregshof erken dat ons broers onskuldig is, en hulle hoef nie meer die boete te betaal nie.

Getuies wêreldwyd is baie bly oor hierdie gebeure en hulle is dankbaar teenoor die owerheid. Maar hulle is veral dankbaar teenoor Jehovah vir sy leiding en ondersteuning “in die verdediging en wetlike bevestiging van [sy] goeie nuus”. — Filippense 1:7.