ကြားနေမှုကြောင့် ထောင်ကျနေတဲ့ တောင်ကိုရီးယားက ယေဟောဝါသက်သေ နောက်ဆုံးတစ်ယောက် ၂၀၁၉၊ ဖေဖော်ဝါရီ ၂၈ ရက်နေ့မှာ လွတ်လာပါပြီ။ လွတ်မြောက်လာသူအားလုံးက မိမိတို့ရဲ့ လွတ်မြောက်မှုအတွက်၊ ယေဟောဝါဘုရားအပေါ် သစ္စာစောင့်သိကြောင်း ပြသခွင့် ရတဲ့အတွက် ကျေးဇူးတင်နေကြတယ်။

ယုံကြည်ချက်ကြောင့် စစ်မှုထမ်းဖို့ ငြင်းဆန်ခြင်းဟာ ရာဇဝတ်မှု မဟုတ်ကြောင်း ၂၀၁၈၊ နိုဝင်ဘာ ၁ ရက်နေ့၊ တရားရုံးချုပ်က သမိုင်းဝင် ဆုံးဖြတ်ချက် ချလိုက်ချိန်ကစပြီး ညီအစ်ကို ၆၅ ဦးစလုံး လွတ်လာပါပြီ။ ဘာသာရေး ယုံကြည်ချက်ကြောင့် စစ်မှုမထမ်းသူတွေကို ထောင်ဒဏ်ချတဲ့ ၆၅ နှစ်ကြာ ပေါ်လစီဟာ အဲဒီဆုံးဖြတ်ချက်ကြောင့် အဆုံးတိုင်သွားပါပြီ။

ကျွန်တော်တို့ရဲ့ ဘုရင်နဲ့ နိုင်ငံတော်အပေါ် သစ္စာရှိရှိ အမှုထမ်းရာမှာ ‘သတ္တိ ပိုရှိ’ လာစေဖို့ ကိုရီးယား ညီအစ်ကိုတွေရဲ့ သစ္စာသမာဓိစောင့်သိမှုက လှုံ့ဆော်ပေးပါတယ်။ (ဖိလိပ္ပိ ၁:၁၄) အီရီထရီးယား၊ ရုရှား၊ စင်ကာပူ၊ တာ့ခ်မင်နစ္စတန်နိုင်ငံတို့မှာ ထောင်ကျနေသေးတဲ့ ညီအစ်ကိုတွေအတွက် ကျွန်တော်တို့ ဆုတောင်းနေကြပါတယ်။—ဟီဘရူး ၁၀:၃၄။