MACHI 7, 2019
KOREA KUSINI
Mashahidi Wote Waliofungwa kwa Kukataa Kujiunga na Jeshi kwa Sababu ya Dhamiri Nchini Korea Kusini Wameachiliwa
Februari 28, 2019, Shahidi wa mwisho nchini Korea Kusini aliyekuwa gerezani kwa sababu ya msimamo wa kutojiunga na jeshi ameachiliwa. Ndugu wote walioachiliwa wameshukuru sana kupata uhuru na fursa waliyokuwa nayo ya kuthibitisha ushikamanifu wao kwa Yehova Mungu.
Jumla ya ndugu 65 wameachiliwa tangu uamuzi wa kihistoria wa Mahakama Kuu uliotolewa Novemba 1, 2018, ambao ulitangaza kwamba kukataa kujiunga na jeshi kwa sababu ya dhamiri si tendo la uhalifu. Uamuzi huo umekomesha desturi ya miaka 65 ya kuwafunga gerezani wale wanaokataa kujiunga na jeshi kwa sababu ya dhamiri.
Imani na utimilifu wa ndugu zetu nchini Korea unatuchochea ‘kuonyesha uhodari mwingi’ katika utumishi wetu mshikamanifu kwa Mfalme wetu na Ufalme wake. (Wafilipi 1:14) Tunasali kwa ajili ya ndugu zetu ambao bado wamefungwa nchini Eritrea, Urusi, Singapore, na Turkmenistan.—Waebrania 10:34.
Huenda Ukapenda Pia
TAARIFA ZA HABARI
Msimamo wa Kikristo wa Kutounga Mkono Upande Wowote Nchini Korea Kusini—Historia ya Imani na Ujasiri
Tangu mwaka wa 1953, akina ndugu vijana nchini Korea ambao ni Mashahidi wa Yehova wamefungwa kwa kukataa utumishi wa kijeshi kwa sababu ya dhamiri. Mnamo Februari 2019, hali hiyo ilibadilika. Jifunze ni nini kilichoongoza kwenye tukio hilo la kihistoria.
TAARIFA ZA HABARI
“Hawana Hatia”
TAARIFA ZA HABARI
Mashahidi Nchini Korea Kusini Wapeleka Ombi kwa Rais: Suluhisha Suala la Kukataa Kujiunga na Jeshi kwa Sababu ya Dhamiri
Mashahidi wanasubiri maofisa waifikirie upya sera ya serikali iliyodumu kwa muda mrefu kuhusu wale wanaokataa kujiunga na utumishi wa kijeshi kwa sababu ya dhamiri.
TAARIFA ZA HABARI
Miaka 25 Kifungoni Nchini Eritrea
TAARIFA ZA HABARI
Mashahidi wa Yehova Walio Gerezani kwa Sababu ya Imani Yao—Kulingana na Eneo
Nchi ambazo Mashahidi wa Yehova wamefungwa gerezani, na nyakati nyingine katika mazingira magumu, kwa sababu ya imani yao na kutumia uhuru wao wa msingi wa kibinadamu.