Han Pebrero 28, 2019, ginpagawas na an kataposan nga Saksi ni Jehova ha South Korea nga ginpriso tungod han pagin neutral. An ngatanan nga kabugtoan nga ginpagawas nagpahayag han ira kinasingkasing nga pagpasalamat tungod han ira nakarawat nga kagawasan ngan han oportunidad nga mapamatud-an an ira pagkamaunungon kan Jehova nga Dios.

Ha kabug-osan may-ada 65 nga brother an ginpagawas tikang han makasaysayan nga desisyon han Korte Suprema hadton Nobyembre 1, 2018. Sumala hito nga desisyon, an pagdumiri ha pagserbisyo ha militar tungod han gintotoohan diri usa nga krimen. Gintapos hito nga desisyon an 65 ka tuig na nga ginbubuhat ha Korea, an pagpriso hadton nagdudumiri pagsundalo tungod han gintotoohan.

An pagtoo ngan integridad han aton kabugtoan ha Korea nagpapagios ha kada tagsa ha aton nga ‘magpakita hin dugang nga kaisog’ ha aton maunungon nga pag-alagad ha aton Hadi ngan ha iya Ginhadian. (Filipos 1:14) Gin-aampo naton an aton kabugtoan nga priso pa gihapon ha pagkayana didto ha Eritrea, Russia, Singapore, ngan Turkmenistan.—Hebreo 10:34.