Niadtong Hulyo 27, 2019, duha ka linog ang nagpahinabog grabeng kadaot sa gamayng isla sa Itbayat sa Pilipinas, mga 690 kilometros paamihanan gikan sa Manila. Ang linog may gikusgon nga 5.4 ug 6.4 magnitude; kini mipatay ug 9 ka tawo, nakaangol ug 64, ug mibungkag ug 266 ka balay. Sumala sa report sa mga opisyal, 2,968 ka tawo ang naapektohan sa maong mga linog.

Walay igsoon nga namatay. Pero usa ka sister ang nakaagom ug minor injury. Duha pod ka balay sa atong mga igsoon ang grabeng naguba.

Ang sangang buhatan nagpormag Disaster Relief Committee, nga maoy mopalit ug moapod-apod sa pangunang panginahanglan sa mga igsoon, sama sa pagkaon ug tubig. Ang mga representante sa sangang buhatan mobisita sa apektadong mga igsoon aron mohatag ug espirituwal ug praktikal nga tabang.

Atong iampo ang atong mga igsoon nga naapektohan sa linog. Nahibalo ta nga si Jehova, “ang Diyos sa tanang paghupay,” padayong motagana sa panginahanglan sa atong mga igsoon.​—2 Corinto 1:3.