Sang Hulyo 27, 2019, duha ka linog ang nagresulta sa daku nga halit sa isla sang Itbayat sa Pilipinas, mga 690 kilometros sa aminhan sang Manila. Ini nga mga linog may magnitude nga 5.4 kag 6.4. Sa sini nga linog, 9 ka tawo ang napatay, 64 ang nasamaran, kag 266 ka balay ang naguba. Suno sa report, 2,968 ka tawo ang naapektuhan sini.

Wala kita sing kauturan nga napatay. Pero isa naton ka sister ang nasamaran. Duha man ka balay sang aton kauturan ang naguba gid.

Ang sanga talatapan naghimo na sing isa ka Disaster Relief Committee, kag amo ini ang nagaorganisar sang pagbakal kag pagpanagtag sang panguna nga mga kinahanglanon pareho sang pagkaon kag tubig. Bisitahon man sang mga representante sang sanga talatapan ang aton kauturan nga apektado para palig-unon sila kag buligan.

Nagapangamuyo kita para sa aton kauturan nga apektado sining linog. Nahibaluan naton nga si Jehova, “ang Dios nga nagahatag sang tanan nga sahi sang lugpay,” padayon nga magaatipan sa kinahanglanon sang aton kauturan.—2 Corinto 1:3.