Kena 27 Julai 2019, dua kali tanah berenyang nyadi ba siti pulau ti mit ba Pilipina, iya nya ba Itbayat, kira-kira 690 kilometer ba mua ke utara Manila. Penguat tanah berenyang tu mangka bisi 5.4 enggau 6.4 magnitud. Penusah tu nabanka 9 iku nyawa, 64 iku orang bakal, sereta 266 buah rumah anchur. Nitihka riput, bisi 2,968 iku orang nyadi mansa penusah tanah berenyang tu.

Nadai siku ari menyadi kitai bebadi ketegal penusah tu. Taja pia, seiku menyadi indu telih mimit, enggau dua buah rumah menyadi kitai balat rusak.

Pampang opis ngatur Komiti Tulung Pengerusak Alam, meli sereta nyadung utai ke diguna baka ai enggau pemakai. Kena meransang menyadi kitai, pengari ari pampang opis deka datai meransang bala menyadi ke nyadi mansa.

Kitai deka besampika semua menyadi kitai ke kena penusah tanah berenyang tu. Kitai amat andal, Jehovah iya nya ‘Petara ti pun semua pengelantang’, deka nyediaka utai ti diguna sida.—2 Korint 1:3.