Sa unang mga semana sa Agosto 2019, ang Pilipinas giigo sa kusog nga mga ulan ug hangin, nga miresultag pagbaha ug mga landslide. Makapaguol nga usa ka brader nga temporary special pioneer ang namatay sa landslide sa Natonin, Mountain Province. Usa pa ka brader, nga temporary special pioneer sab, ang nakaagom ug minor injury tungod sa landslide. Sa lain pang insidente, usa ka 10 anyos nga lalaki ang nakaagom ug injury pero nahatagan nag medikal nga tabang.

Wala ray balay sa atong mga igsoon ang grabeng nadaot. Pero sa usa ka Kingdom Hall sa Negros Occidental, nahulog ang usa ka parte sa kisame tungod sa kusog nga hangin.

Ang sangang buhatan sa Pilipinas ug ang lokal nga tigdumala sa sirkito nagtaganag espirituwal nga tabang ug paghupay sa mga pamilya sa atong apektadong mga igsoon.

Naguol ta sa pagkamatay sa atong igsoon, ug iampo nato kadtong mga nagbangotan tungod sa maong trahedya. Naghinamhinam ta sa adlaw dihang ang sakit nga mga kasinatian ‘dili na mahinumdoman.’​—Isaias 65:17.