Sang una nga mga inadlaw sang Agosto 2019, ang habagat nagdala sing mabaskog nga ulan kag hangin sa Pilipinas, nga nagresulta sa pagbaha kag mga landslide. Makapasubo nga isa ka brother nga nagaalagad bilang temporaryo nga espesyal payunir ang napatay sang mag-landslide sa Natonin, Mountain Province. Ang isa pa ka brother, nga temporaryo nga espesyal payunir man, nahalitan sa sini man nga landslide. Sa isa pa ka insidente, isa ka 10 anyos nga bata nga lalaki ang nahalitan kag ginhatagan sing nagakaigo nga pagbulong.

Wala sing nahalitan nga balay sang kauturan. Pero sa Negros Occidental, narusdak ang isa ka bahin sang kisame sang isa ka Kingdom Hall bangod sa mabaskog nga hangin.

Ang sanga talatapan sa Pilipinas kag ang lokal nga manugtatap sang sirkito nagahatag na sing espirituwal kag emosyonal nga bulig sa mga apektado nga kauturan.

Ginakasubo naton nga mabalitaan ang pagkapatay sang aton pinalangga nga utod kag nagapangamuyo kita para sa nagakalisod niya nga pamilya kag mga abyan. Ginahulat gid naton ang tion nga ining masakit nga mga hitabo “indi na pagdumdumon.”—Isaias 65:17.