Kadagiti umuna a lawas ti Agosto 2019, dimteng ti nakaro a nepnep ken napipigsa nga angin iti Pilipinas isu a naglayus ken nargaay ti daga. Nakalkaldaang ta maysa a brother nga agserserbi kas temporary special pioneer ti natay gapu iti panagreggaay ti daga idiay Natonin, Mountain Province. Maysa pay a brother a kaduana a temporary special pioneer ti nadangran iti dayta met la a panagreggaay. Iti sabali pay nga insidente, maysa nga ubing a lalaki a 10 ti tawenna ti nasaktan gapu kadagiti nagtinnag a bambanag ngem naagasanen.

Saan a nakaro ti pannakadadael ti balbalay dagiti kakabsat. Ngem iti maysa a Kingdom Hall idiay Negros Occidental, narsuod ti maysa a paset ti bobida gapu iti napigsa nga angin.

Ti sangay iti Pilipinas ken ti manangaywan iti sirkito iti dayta a lugar ket mangipapaay iti naespirituan ken emosional a tulong kadagiti pamilia dagiti naapektaran a kakabsattayo.

Maladingitantayo iti ipapatay ti ay-ayatentayo a kabsat ken ikarkararagantayo dagiti malmaldaang a kapamilia ken gagayyemna. Segseggaantayo ti tiempo inton dagiti nasaem a pasamak ket ditayton “malagip.”—Isaias 65:17.