Në fillim të gushtit 2019 musonet në Filipine sollën shira të rrëmbyeshme dhe erëra të forta, të cilat shkaktuan përmbytje dhe rrëshqitje dheu. Mjerisht, rrëshqitjet e dheut i morën jetën një vëllai që po shërbente si pionier special i përkohshëm në Natonin, në Mountain Province. Në të njëjtin vend u dëmtua lehtë edhe një vëlla tjetër që po ashtu shërben si pionier special i përkohshëm. Në një rast tjetër u dëmtua një djalë dhjetë vjeç, por ka marrë trajtimin e duhur mjekësor.

Asnjë nga shtëpitë e vëllezërve nuk u dëmtua rëndë. Gjithsesi, për shkak të erërave të forta u shemb një pjesë e tavanit të një Salle Mbretërie në Negros Oksidental.

Zyra e degës në Filipine dhe mbikëqyrësi qarkor vendës po i inkurajojnë nga Bibla dhe po mbështetin emocionalisht familjet e vëllezërve që u prekën nga kjo katastrofë.

Jemi shumë të hidhëruar për këtë humbje tragjike dhe lutemi për miqtë dhe familjarët e vëllait tonë. Mezi presim ditën kur ngjarjet e dhembshme as që «do të vijnë më në mendje».—Isaia 65:17.