SEPTIEMBRE 2, 2019
RWANDA
Ang mga Saksi ni Jehova Naghiwat sang Una nga Rehiyonal nga Kombension sa Rwandan Sign Language
Sugod sang Agosto 16 asta 18, 2019, ginhiwat sang aton kauturan ang una nga rehiyonal nga kombension sa Rwandan Sign Language (RWS) sa Kigali, Rwanda. Ang pinakamadamo nga nagtambong naglab-ot sa 620, kag 8 ka apa ang nabawtismuhan.
Tumalambong nga nagasenyas sang isa ka ambahanon sang Ginharian
Duha ka opisyal ang nagtambong sa kombension sang Domingo: Si Mr. Jean Damascène Bizimana, nga miembro sang board of directors sang Rwanda National Union of the Deaf, kag si Mr. Emmanuel Ndayisaba, nga executive secretary sang National Council of Persons with Disabilities. Nagreport man ang pamantalaan nga Ukwezi parte sa programa sang Domingo kag positibo ang ila report online parte sa aton.
Sister nga naga-interpret sang programa sang kombension sa isa ka indibiduwal nga apa kag bulag paagi sa tactile signing
Si Mr. Bizimana nagsiling: “Katahom gid sini nga kombension! Nalipay gid ako nga makita nga nahiusa ang mga apa halin sa tanan nga bahin sang pungsod. Salamat gid. Ginapasalamatan gid namon ang mga Saksi ni Jehova sa ila ginahimo para makapakigkomunikar sa mga apa. Dapat magtambong diri ang mga opisyales sang gobierno para makita nila kag masunod ining nahiusa nga okasyon.”
Sang nagligad nga sobra duha ka tuig, may duha pa ka importante nga hitabo sa teritoryo sang RWS. Sang Septiembre 2017, ginhiwat sang sanga sang Rwanda ang una nga Pioneer Service School sa RWS. Pagligad sang isa ka tuig, sang Septiembre 2018, ginsugdan sang sanga ang pag-translate sang mga publikasyon sa RWS.
Si Brother Jean d’Amour Habiyaremye, nga amo ang representante sang sanga para sa sign-language nga kombension, nagsiling: “Nalipay kami nga makita ang pag-uswag sa RWS, lakip na ining rehiyonal nga kombension. Ang tema sang programa nga, “Ang Gugma Wala sing Katapusan!” ginapakita gid sang mga Saksi ni Jehova paagi sa ila gugma sa tanan nga tawo, pati sa mga apa.”
Ang pag-uswag sa sign-language maathag nga ebidensia nga padayon ini nga ginapakamaayo sing bugana ni Jehova!—Salmo 67:1.
Basi Manamian Ka Man
PARTE SA AMON
Tambungi ang 2024 nga Kombension—‘Ibantala ang Maayong Balita!’
Ginaagda ka namon nga tambungan ining tatlo ka adlaw nga kombension nga ginhanda sang mga Saksi ni Jehova.
